Éxodo 7:6 - Tayta Diospa Wilakuynin

⁶ Tayta Dios nishqannölami Aarónwan Moisés aywayarqan Faraónwan parlayänanpaq.

Éxodo 7:6 Referans Kwoze

Éxodo 7:2

Qammi lapan nishqäkunata Aarónta wilanki. Paynami Faraónwan parlanqa Israel runakunata nacionninpita kachapäshunaykipaq.

Éxodo 7:10

Sayno niptinmi Moiséswan Aarón aywar Tayta Dios nishqannöla Faraónpa nawpancho lapantapis rurayarqan. Saymi Faraónpa y mandäsiqninkunapa nawpancho tukrunta pasaman Aarón jitaykuptin culebraman tikrarqan.

Génesis 6:22

Tayta Dios nishqannölami lapantapis Noé rurarqan.

Juan 15:14

Lapan nishqäkunata cäsukurqa qamkunapis amïgümi kayanki.

Juan 15:10

Mandamientükunata cumpliyashpaykiqa rasunpaypami kuyaykäyämanki. Saynölami noqapis Taytäta kuyar mandamientunkunata cumplï.

Salmo 119:4

Tayta Dios, qammi yachasikuynikita qelqasishkanki mana qonqaypa cumpliyänäpaq.

Éxodo 40:16

Tayta Dios nishqannölami lapantapis Moisés rurarqan.

Éxodo 39:43

Tayta Dios nishqanno lapantapis rurayashqanta rikarmi Moisés paykunata bendicionta qorqan.

Éxodo 12:28

Saymi Moiséstawan Aarónta Tayta Dios nishqannöla lapanta rurayarqan.

Génesis 22:18

Qampita miraqpitami kay pasacho pïmay runakunapis bendicionta chaskiyanqa. Sayno kanqa nishqäta cäsukamashqaykipitami> >>.

Génesis 7:5

Saymi Tayta Dios nishqannöla lapanta Noé rurarqan.

Éxodo 7:20

Tayta Dios nishqannölami Moisés y Aarón lapanta rurayarqan. Saymi Faraónpa y mandäsiqninkunapa nawpancho mayuta tukrunwan Aarón wirurqan. Saymi jinan höra lapan yaku yawarman tikrarqan.