Éxodo 36:1 - Tayta Diospa Wilakuynin

¹ Saymi Bezaleel, Aholiab y wakin yachaq tantiyaq runakunapis Tayta Dios nimashqansino Tinkuna Sagrädu Tolduta sharkasiyanqa. Paykunatami Tayta Dios habilidäta qosh Tinkuna Sagrädu Tolduta y manëjunkunata rurayänanpaq>>.

Éxodo 36:1 Referans Kwoze

Éxodo 28:3

Mödanankunata rurasinaykipaqqa habilidäta qoshqä runakunata tantiyasinki imano rurayänanpaqpis. Say mödanakunata jatikurmi sirvimaq cüra kananpaq consagrädu kanqa.

Éxodo 39:1

Moisésta Tayta Dios nishqannölami Tinkuna Sagrädu Tolduman cüra yaykunanpaq mödanata rurayarqan azul, granäti y puka milwa jïlukunapita. Saynölami Aarónpaq sagrädu mödanatapis rurayarqan.

Éxodo 25:8

<

Lucas 1:6

Paykunaqa Tayta Dios munashqanno kawarmi mandamientunkunata y leyninkunata imaypis cumpliyaq.

Mateo 28:20

Saynöpis yachasiyanki lapan nishqäkunata cäsukuyänanpaq. Noqaqa qamkunawanmi imaypis kaykäshaq kay pasa ushakashqanyaq>>. [Amén.]

Hebreos 8:2

Kananqa jana pasacho kaq Sagrädu Tolduchömi mandaq cüra kaykan. Say toldutaqa manami runakunasu sharkasiyash, sinöqa kikin Tayta Diosmi.

Salmo 119:6

Mandamientuykikunata cumplirqa manami imapitapis penqakushaqsu.

Números 7:9

Coatpita miraq levitakunatami isanqa aypurqansu. Paykunaqa sagrädu kaqkunata umrushlami apayarqan.

Éxodo 36:2

Aruyta qalaykuyänanpaqmi Bezaleelta, Aholiabta y wakin yachaq tantiyaq runakunatapis Moisés qayarqan. Paykunaqa aruyänanpaq listumi kaykäyarqan.

1 Reyes 7:14

Hirammi karqan Neftalí trïbu viüdapa wawan. Hirampa papänin karqan Tiro markapita bronci fundiyta yachaq runami. Saymi Hiramqa broncipita imatapis shumaq ruraq. Rey Salomón qayasiptinmi pay kaqman aywaykur rurananpaq nishqankunata ushaypa ushar ruraparqan.

1 Crónicas 28:21

Templucho trukanakuypa aruyänanpaqmi cürakuna y levita runakuna kaycho kaykäyan. Artesänukunapis yanapäyäshunaykipaq kaychömi kaykäyan. Lapan mandaqkunapis y común runakunapis listumi kaykäyan imatapis mandashqaykita rurayänanpaq>>.

Éxodo 12:28

Saymi Moiséstawan Aarónta Tayta Dios nishqannöla lapanta rurayarqan.

Éxodo 31:11

Saynöpis rurayanqa sagrädu aceitita y Tinkunansi Toldupaq inciensuta. Qamta yäsishqänölami lapantapis rurayanqa>>.

Éxodo 38:23

Bezaleeltami yanaparqan Ahisamacpa surin Aholiab. Aholiab karqan Dan trïbupitami. Paypa habilidänin karqan imatapis kuyaylapaqkunata rurananpaqmi. Saynöpis yacharqanmi azul, granäti y puka milwa jïlukunapita y llanula puskash lïnu jïlupita imaykatapis bordayta.

1 Crónicas 2:20

Hurpa surinmi karqan Uri. Uripa surinmi karqan Bezaleel.