Éxodo 28:4 - Tayta Diospa Wilakuynin

⁴ Wawqiki Aarónwan surinkunapis jatikuyänanpaq rurasipanki pectoralta, efodta, sotänata, bordash tünicata, görrata y wachkutapis. Paykuna say sagrädu mödanata jatikuyanqa akrashqä cürakuna kar sirviyämänanpaqmi.

Éxodo 28:4 Referans Kwoze

Apocalípsis 9:17

Soldädukunapa chalëcunkunami karqan ninano puka, zafiruno azul y azufrino qarwash. Cawallunkunapa umankunami karqan leonpa umanno. Shiminpitami yarqamurqan ninapis, qoshtaypis y azufripis. Saynömi soldädukunata y cawallunkunata revelacioncho rikarqä.

Efesios 6:14

Wachkuykiqa rasun kaqlata parlayashqaykimi kaykan. Chalëcuykiqa runa mayikita ali rikayashqaykimi kaykan.

1 Tesalonicenses 5:8

Noqansiqa asikyaychöna kashpansi shumaq tantiyakushun, Tayta Diosman yärakushun y piwanpis kuyanakushun. Sayno kawarqa chalëcunsi jatishnömi kaykansi. Tayta Dios salvamashqansita shumaq tantiyarqa cascunsi jatishnönami kaykansi.

Isaías 59:17

Pelyacho sapakuna chalëcutami jatikush. Say chalëcuqa ali rurayninkunami kaykan. Saynöpis umanman jatikushqan cascumi salvación kaykan. Runa mayinta nakasiqkunata castigananpaq fiyupa rabyarmi yarqush.

Isaías 11:5

Seqlanta sinchi watarkurmi Tayta Dios munashqannöla imaypis mandar rasun kaqlata ruranqa.

2 Samuel 6:14

Davidmi lïnupita rurash efodnin jatish Tayta Diospa babulninpa puntanta kushikushpan tushuraykar aywarqan.

1 Samuel 30:7

Saymi Ahimelecpa surin cüra Abiatarta David nirqan: <>. Efodta makyaykuptinmi

1 Samuel 23:6

Ahimelecpa surin Abiatarmi efodta apakurkur Keila markacho David kaykaqman Saúlpita qeshpir aywakurqan.

1 Samuel 22:18

Saymi rey Saúlqa Edom ayllu Doegta nirqan: <<¡Qam wanusiy!>> Niptinnami puwaq chunka pisqa (85) cürakunata wanusirqan. Say lapan cürakunami lïnupita rurash efodnin jatish kaykäyarqan.

1 Samuel 2:18

Samuelnami Tayta Diosta sirvirqan lïnupita rurash efodnin jatish.

Éxodo 39:28

Saynöpis llanula puskash lïnu jïlupitami rurayarqan görrata, görrapa adornunkunata y calzoncïllukunatapis.

Éxodo 25:7

ónice rumikunata y wakin kuyaylapaq rumikunatapis. Say rumikuna kayanqa mandaq cürapa efodnintawan pectoralninta adornayänanpaqmi.

Éxodo 29:6

Saynöpis umanman görrata jatiparkur sagrädu vinchata jananman churapanki.

Oseas 3:4

Saynömi Israel runakunapapis aska wata kanqasu mandaqnin reypis ni autoridäninkunapis. Manami Tayta Diospaq sacrificiutapis rupasiyanqasu ni juk diosta adorar wankatapis ichisiyanqanasu. Manami ni cürakunapis ni wayinkunacho ïdulunkunapis kanqanasu.