Éxodo 26:19 - Tayta Diospa Wilakuynin

¹⁹ Say marcukuna ichiyänanpaq chusku chunka (40) jawiräkunanta qellaypita rurasinki. Cada marcupa ishkay espïgan kaptinmi cada marcupa ishkay jawiräkunanpis kanqa.

Éxodo 26:19 Referans Kwoze

Éxodo 38:27

Say shuntayashqan qellaymi kimsa waranqa kimsa pachak (3,300) kïlu karqan. Say qellaywanmi Tinkuna Toldupa marcunkunapa jawiräkunanta y rurincho kaq cortïnata sararaq jorconkunapa jawiräkunantapis rurarqan. Pachaktami (100) say jawiräkunanta fundirqan. Saymi cada jawiräkunanta fundirqan kimsa chunka kimsa (33) kïlu qellaypita.

Cantares 5:15

Chankankunapis qori jawiräkunan janancho marmolpita rurash jorcón ichiraykaqnömi. Líbanucho kaykaq mas altunnin cedru jachanöraqmi kuyaylapaq.

Números 3:36

Say ishkay ayllu runakunami täpayaq Sagrädu Toldupa marcunkunata, travesäñunkunata, jorconninkunata, jawiräkuyänankunata y lapan manëjunkunatapis.

Éxodo 40:18

Sagrädu Tolduta ichisinanpaqqa puntata jawiräkunantaraqmi Moisés churasirqan. Say jawiräkunanmannami marcukunata ichirkasir travesäñukunata churasirqan. Saynölami jorconkunatapis ichirkasir

Éxodo 27:10

Cortïna waqiränanpaq ishkay chunka (20) jorconkunata broncipita rurasinki. Jorconkunapa jawiräkunantapis broncipita ishkay chunkata rurasinki. Cortïna sararäkunan ganchukunatapis arguëllakunatapis qellaypita rurasinki.

Éxodo 26:37

Cortïna waqiränanpaq acacia qerupita pisqa jorconkunata rurasinki. Say jorconkunata qoriwan enchapasinki. Nirkur ganchunkunatapis qoripita rurarkasir jorcón puntanman churasinki. Saynöpis jorconkuna ichiräyänanpaq pisqa jawiräkunanta broncipita fundisinki.

Éxodo 26:25

Saymi puwaq marcukuna saylächo kanqa. Cada marcupami qellaypita rurash ishkay jawiräkunan kayanqa. Saynöpami saylächo chunka soqta jawiräkunan kanqa.

Éxodo 26:18

Ishkay chunka (20) marcukunata rurasinki sur kaqläman ichisinaykipaq.

Éxodo 26:20

Saynöla ishkay chunka (20) marcukunata rurasinki norti kaqläman ichisinaykipaqpis.

Éxodo 26:17

Marcupura laqaränanpaq cada marcupa chakincho ishkay espïgata rurasinki. Lapan marcukunatapis saynöla rurasinki.