Éxodo 24:6 - Tayta Diospa Wilakuynin

⁶ Törukunata pishtayaptinmi yawarninta matikunaman Moisés chaskirkur altarman pulanta saqsurqan.

Éxodo 24:6 Referans Kwoze

1 Pedro 1:19

sinöqa Jesucristupa seqaypa väliq yawarninwanmi. Sänu carnita sacrificiupaq pishtayaptin yawarninta jichashqannömi Jesucristupis noqansi rayku yawarninta jichash.

Éxodo 24:8

Sayno awnirkuyaptinmi matikunaman chaskishqan yawarta runakunapa jananman saqsupar Moisés nirqan: <>.

Hebreos 9:18

Saynölami punta kaq pactupis välinanpaqqa uywakunapa yawarninta jichasiyarqan.

Levítico 4:6

Saychömi dëdunta yawarman jatirkur Tayta Diospa nawpancho Lugar Santïsimuta saparaq cortïnata qanchis kuti saqsupanqa.

1 Pedro 1:2

Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.

Hebreos 12:24

Saynölami Jesucristupa nawpancho kaykaqnöna kaykäyanki. Paymi wanurqan Tayta Dios mushuq pactuta rurar salvamänansipaq. Jesucristo yawarninta jichashqan manami Abel yawarninta jichashqannösu kaykan. Abel yawarninta jichar wanushqanqa wanusiq runa castigash kananpaqmi karqan. Jesucristo yawarninta jichar wanushqanmi isanqa perdonash kanansipaq kaykan.

Colosenses 1:20

Jesucristo kayninpami kay pasacho kaqkunawan y jana pasacho kaqkunawanpis Tayta Dios amistarqan.

Levítico 3:8

uyshapa umanman makinta churaykur Tinkuna Toldu patiucho pishtanqa. Say uyshapa yawarninwanmi altarpa lädunkunata cürakuna saqsupäyanqa.

Levítico 3:2

Sacrificiupaq apamuq runami uywapa umanman makinta churaykur Tinkuna Toldu patiucho pishtanqa. Aarónpita miraq cürakunanami uywapa yawarninwan altarpa lädunkunata saqsupäyanqa.

Levítico 1:11

Tayta Diospa nawpancho say uywata pishtarqa altarpa norti kaqlänincho pishtanqa. Aarónpita miraq cürakunanami say uywapa yawarninwan altarpa lädunkunata saqsupäyanqa.

Levítico 1:5

Tayta Diospa nawpancho pishtayanqa. Yawarnintanami Aarónpita miraq cürakuna Tinkuna Toldu patiucho kaykaq altarpa lädunkunata saqsupäyanqa.

Éxodo 29:20

say carnita pishtanki. Yawarninta shuntarkur Aarónpa y surinkunapa aluq kaq rinrinpa ura puntanta ichiklata lushinki. Saynöpis yawarwan lushinki aluq kaq makinpa y chakinpa maman dëdunkunatapis. Pusuq kaq yawartana altarpa chuskun lädunkunaman saqsupanki.

Éxodo 29:16

Saypitanami pishtaskir yawarninwan altarpa chuskun lädunkunata saqsupanki.

Éxodo 12:22

Say uywapa yawarninta juk matiman chaskiyanki. Nirkur hisöpu jachata yawarman tulpurkur punkuykikunapa numbralninkunata y quiciunninta lushiyanki. Say sakay pasa manaraq waraptinqa wayikikunapita ama yarquyankisu.

Éxodo 12:7

Nirkur wayikunapa numbralninkunatapis quiciunninkunatapis uywapa yawarninwan lushiyanqa.

1 Corintios 11:25

Saynölami meriendayta ushaskir vïnuyuq väsuta aptarkur nirqan: <>.

Hebreos 8:9

Say pactuqa manami unay ayllunkunata Egiptupita jorqamur rurashqä pactunösu kanqa. Unay ayllunkuna say pactuta mana cumpliyaptinmi paykunata cäsupashkänasu. Noqa Tayta Diosmi sayno nï.

Hebreos 9:19

Saymi runakuna shuntakäyaptin leykunacho lapan mandamientukunata Moisés liyiparkur becërrukunapa y chïvukunapa yawarninta shuntarqan. Say yawarman yakuta yaparkurmi hisöpu jachapa rämankunata puka jïluwan juk qeruman wataparqan. Sayta yawarman jatirpurmi qelqaraykaq leykunata y lapan runakunatapis saqsuparqan.

Hebreos 9:21

Saynölami Sagrädu Toldutapis y lapan manëjunkunatapis say yawarlawan Moisés saqsuparqan.

2 Reyes 17:15

Sayno mana yärakurmi unay ayllunkunawan Tayta Dios pactu rurashqanta manakaqman churayarqan. Leyninkunata y mandamientunkunata mana cäsukur manakaq ïdulukunata adorarmi paykunapis mana väliq rikakuyarqan. Mana jusalikuyänanpaq Tayta Dios nikaptinpis waqin nación runakuna jusalikuyashqannölami paykunapis jusalikuyarqan.

Salmo 99:6

Moiséswan Aarónmi sirviqnin cürakuna kayarqan. Samuelnami imaypis payta manakurqan. Paykuna manakuyaptin Tayta Dios imaypis yanaparqanmi.

Jeremías 31:32

Say pactuqa manami unay ayllunkunata Egiptupita jorqamur rurashqä pactunösu kanqa. Warminta runa kuyashqanno kuyaykaptïmi unay ayllunkunaqa say pactuta cumpliyashsu. Noqa Tayta Diosmi sayno nï.