8 <
Juez karqa pitapis mana jananpaylapa lapanta shumaq arreglayanki. Rïcutapis pobritapis mana chaskipakuylapa arreglayanki. Chaskipakuq juezqa manami shumaq arreglansu, saypa trukanqa chaskipashqan runapa favornin sharkurmi runakuna ali yäsiyashqantapis chaskinsu.
Chaskipakuyänan kashqami jusayuqtapis jusaynaq kashqanta niskiyan. Jusaynaqtapis jusayuq kashqantami niskiyan.
Yaqa runaqa pakaylapami chaskipakun. Nirkurmi jusalikuqpa favornin sharkun.
Kikilanpaq imatapis munaq runaqa ayllunkunawan chikinakurmi kawan. Mana chaskipakuq runaqa jawkalami kawan.
Paykuna manami papäninnösu ali juez kayarqan. Ali arreglayänanpa trukanqa wachakash karmi jukpa favornilan sharkuyänanpaq chaskipakuyaq.
Tantiyakuq kashqansita yarparpis runa mayinsita nakasirqa mana tantiyakuqmi kaykansi. Pipis chaskipakurqa lutan ruraymanmi churakan.
Ashäkuy jatipayta yachaqkunaqa pïmaytapis awnisiyanmi. Saymi imatapis munashqanta tariyan.
Paykunaqa mana alita rurayänalanpaqmi yarpachakuyan. Saynöpis chaskipakuylapami imaykayuqpis rikakuyash.
Pipa töruntapis o ashnuntapis duëñu tukush kaptïqa Tayta Diospa y akrashqan reypa nawpancho shimpiyämäsun. Saynöpis shimpiyämäsun pitapis nakasish o maqash kaptïqa o pipa favorninpis sharkunäpaq chaskipakush kaptïqa. Mayqaykikunapapis jaqayki karqa pägayäläshaykimi>>.
<
Jusalikuypaqqa mamalan wachashqami kaykäyan. Autoridäkunapis y juezkunapis chaskipakurmi shumaq arreglayansu. Rïcu runakunaqa päga pägaykurmi munayashlanta rurasiyan. Saynöpami wakin runakunapis jusalikuylaman churakash kaykäyan.
Musyämi jusalikur mana cäsukayämashqaykitapis. Qamkunaqa chaskipakur jusayuqkunapa favorninmi sharkuykäyanki y jusaynaq kaqtami tikrapaykäyanki.
<< .
Rïcu runaqa aska amïguyuqmi kaykan. Pobri runapitaqa amïgunpis witikunmi.
Paykunaqa upyalaman churakashqami kaykäyan. Altarkunacho kaykaq prostitüta warmikunamanmi imaypis aywaykäyan. Autoridäninkunapis jusalikur penqakuypaqmi kaykäyan.
Saki mikuy ofrendakunatapis ¿imapaqnataq apayämunki? Apayämuptikipis manakaqlapaqmi kanqa. Inciensuwan qoshnisiyashqaykipis melanäsimanmi. Lulu killa fiestata rurayashqaykipis, jamay junaqcho jamayashqaykipis y wata wata shuntakaykur fiestakunata rurayashqaykipis jusalikuyaptikimi gustamansu.
Qellayta prestaykurpis wachayninta manami cobrayansu. Jusaynaqta tumpayänanpaq pägayta munayaptinpis manami chaskiyansu. Sayno kawaqkunaqa Tayta Diospa shonqunpaqnömi imaypis kawayanqa.
Autoridänikikunapis Tayta Diosta manami wiyakuyansu. Suwakuqkunata janansarmi chaskipakuyan. Ima demandulatapis arreglayänanpaq cobrayanmi. Waksakunata manami respitasiyansu. Viüdakuna demandakuyaptinpis manami cäsuyansu.
¡Ay imanöraq kayanqa waran waran upyalar kakuqkuna, shinkäsikuqkunata talu taluykur upuqkuna!
Saypita salvakunqa alilata ruraq runa, rasun kaqlata parlaq runa, pipa imantapis mana qechuq runa, mana chaskipakuq runa, wanusipakunanpaq niyaptinpis mana awniq runa, y mana ali ruraykunapita witikuq runami.
