Éxodo 18:7 - Tayta Diospa Wilakuynin

⁷ Saymi suedrun Jetruta chaskikushpan qonqurpakuykur Moisés winchikushpan musarqan. Imano kashqantapis wilapänakurkurnami toldunman yaykuyarqan.

Éxodo 18:7 Referans Kwoze

Génesis 29:13

Paninpa wawanwan tinkushqanta wilaykuptinmi Labán cörrila tinkuq aywarqan. Tinkurkurnami kushikushpan makalakurkur musarqan. Wayinman pushaykuptinnami Jacob wilarqan imayka päsashqantapis.

1 Reyes 2:19

Saypitanami Betsabé rey Salomónman aywarqan Adoníaspa favornin parlananpaq. Chaykuptinmi rey Salomónqa sharkurkur mamanta shumaq respëtuwan chaskikurqan. Nirkurnami trönunman yapay jamakurqan. Maman jamananpaqpis juk trönuta apasimuptinmi aluq kaq nawpanman jamakurqan.

2 Samuel 11:7

Urías chaykuptinmi David tapurqan Joab y soldädunkuna imano kaykäyashqanta y guërra imano kashqantapis.

Génesis 19:1

Pasa sakaykaptinnami Sodomaman chäyarqan nawpaq ishkan angilkuna. Lotnami jamaraykarqan markaman yaykuna sawan punkucho. Rikaskirmi paykunapa nawpanman urkuntapis pasaman töpasiypa Lot qonqurpakuykurqan.

Génesis 18:2

Saychömi Abraham elaqpita rikarqan kimsa runakuna ichiraykäyaqta. Saymi chaskikuq cörrila aywar nawpanman qonqurpakuykur

Génesis 14:17

Quedorlaomerta y payta yanapaq reykunata vinciykur Abram kutiykämuptinmi Sodoma markapa mandaqnin rey tariparqan Save pampaman. Say pampapa jukaq jutinmi kaykan Mandaq Reypa Pampan.

Hechos 28:15

Aywaykäyashqäta musyarmi Romacho kaq wakin wawqikuna Foro de Apio markaman taripäyämarqan. Wakin kaqnami Kimsa Tabernas markacho shuyaräyämarqan. Paykunata rikaykurmi Tayta Diosta Pablo kushish agradëcikurqan.

Hechos 20:37

Manakuyta ushaskiptinmi lapanpis waqayashpan payta makalakur musayarqan.

Lucas 7:45

Qamqa manami winchikamar musamashkankisu. Paymi isanqa yaykamushqanpita pasa mana kachaypa chakïta musash.

Salmo 2:12

Diospa surinta respitar qonqurpakuyay. Mana respitayaptikiqa jinan höra rabyakushpanmi wanusiyäshunki. ¡Payman yärakuqkunami isanqa kushish kawayanqa!

Jueces 11:34

Mizpaman kutir wayinman Jefté chaykaptinmi juklayla warmi surin panderëtata tukar tushuraykar tariparqan. Jeftépa manami mas surin karqansu olqupis ni warmipis.

Números 22:36

Balaam aywaykashqanta musyarmi Balac taripaq aywarqan Arnón mayu nawpancho juk markayaq. Say markaqa Moab nacionpa lindërunchömi kaykan.

Génesis 46:29

Josénami cawalluwan qarachana carrëtanta alistarkasir papäninwan tinkuq aywarqan. Papäninwan tinkuykurmi makalanakurkur waqapänakuyarqan.

Génesis 45:15

Saynölami wakin kaq wawqinkunatapis musashpan makalarkur José waqarqan. Saypitaqa mana mansapaypanami wawqinkuna Joséta parlapäyarqan.

Génesis 31:28

Surïkunata ni wilkäkunata musar despidikunaläpaqpis manami wilaykamashkankisu. ¡Sayno rurar upajinami ruraykushkanki!

Génesis 43:26

Wayinman José chaykuptinnami paypaq apayashqanta entregar nawpanman qonqurpakuyarqan urkunkunapis pasaman töpashqanyaq.

Éxodo 4:27

Aaróntanami Egiptucho kaykaptin Tayta Dios nirqan: <>. Saymi Aarón aywar Moiséswan tinkurqan Tayta Dioswan tinkuna jirkacho. Moiséswan tinkuykurmi wamayashpan musarqan.

Éxodo 18:6

Chaykurmi Moisésta nirqan: <>.

Éxodo 33:7

Israel runakunapa campamentunpita mas karu niraqchömi juk tolduta Moisés ichisirqan. Saytami jutisirqan Tinkuna Toldu jutin kananpaq. Pipis Tayta Diosta ashiyta munarqa say toldumanraqmi aywayaq.

1 Samuel 17:18

Saynöpis soldädukunapa capitanninpaq chunka moldi quësukunata apay. Wawqikikuna imano kaykäyashqantapis shumaq rikamunki y ali kaykäyashqanta musyanäpaq imalankunatapis apamunki.

1 Samuel 17:22

David chaykurnami täpakuqman qepinta paytakuykur soldädukuna kaqman cörrila aywarqan wawqinkuna imano kaykäyashqantapis rikaq.