Éxodo 12:23 - Tayta Diospa Wilakuynin

²³ Egipto runakunapa qechpa surinkunata wanusinanpaq Tayta Dios päsar wayi punkukunataraqmi rikanqa. Punkupa numbralnincho y quiciunnincho yawar lushiraykaqta rikarqa päsakunqami. Wanusikuq ángel wayikikunaman yaykunanta manami pay kachapanqasu.

Éxodo 12:23 Referans Kwoze

Apocalípsis 9:4

Paykunatami nirqan qewatapis ni jachatapis mana ushakäsiyänanpaq. Saypa trukanqa Tayta Diospa sëllunwan urkuncho mana señalaraq runakunalata nakasiyänanpaqmi nirqan.

Apocalípsis 7:3

nirqan: <<¡Tayta Diosninsipa sirviqninkunata urkunkunacho manaraq señalaptïqa amaraq ushakäsiyayraqsu kay pasacho kaqkunata, lamarcho kaqkunata ni jachakunatapis!>>

Hebreos 11:28

Tayta Diosman yärakurmi Israel runakunata nirqan Pascua fiestata rurar punkupa quiciunninkunata yawarwan lushiyänanpaq. Sayno lushisirqan wanusikuq ángel yawarta rikar Israel runakunapa wayinkunacho qechpa surinkunata mana wanusinanpaqmi.

1 Corintios 10:10

Saynöpis descontentu ama kashunsu. Israel runakuna descontentu kayaptinmi wanusikuq ángel paykunata ushakäsirqan.

Ezequiel 9:6

Awkinkunata, maqtakunata, jipashkunata, wamrakunata y warmikunatapis lapanta wanusiyämuy. Señalash kaqkunata isanqa ama wanusiyankisu. Templu patiucho kaykaq runakunapita qalaykur wanusiyanki>>. Sayno niptinmi templu patiu punkucho kaykaq mayor runakunata wanusiyarqan.

Isaías 37:36

Saypitanami say sakay Asiria soldädukunapa campamentunman aywaykur Tayta Diospa angilnin juk pachak puwaq chunka pisqa waranqa (185,000) soldädukunata wanusirqan. Waraynin tuta kawaq kaq soldädukuna sharkurmi saysika soldädu mayinkuna wanush jitaraykäyaqta rikayarqan.

2 Samuel 24:16

Kachamushqan ángel Jerusaléncho taq runakunatapis wanusinanpaqna kaykaptinmi Tayta Dios pësakurqan runakunata sayno wanusishqanpita. Saymi angilta nirqan: <>. Say höra Tayta Diospa angilnin kaykarqan jebuseo runa Araunapa ëranchömi.

Hebreos 12:24

Saynölami Jesucristupa nawpancho kaykaqnöna kaykäyanki. Paymi wanurqan Tayta Dios mushuq pactuta rurar salvamänansipaq. Jesucristo yawarninta jichashqan manami Abel yawarninta jichashqannösu kaykan. Abel yawarninta jichar wanushqanqa wanusiq runa castigash kananpaqmi karqan. Jesucristo yawarninta jichar wanushqanmi isanqa perdonash kanansipaq kaykan.

Ezequiel 9:4

nirqan: <>.

Éxodo 11:4

Saymi Faraónta Moisés nirqan: <

Éxodo 12:7

Nirkur wayikunapa numbralninkunatapis quiciunninkunatapis uywapa yawarninwan lushiyanqa.

Isaías 26:20

Marka mayikuna, wayikikunaman yaykur punkuykikunata wichqakayämuy. Tayta Diospa rabyaynin päsashqanyaq pakaräkuyay.

Job 14:13

<<¡Ima aliraq kanman rabyayniki päsashqanyaq wanushkunapa almankuna kaykäyashqanman kachaykamaptiki! ¡Ima aliraq kanman saypita kawarisimänaykipaq diyata jitapämaptiki!