Éxodo 12:22 - Tayta Diospa Wilakuynin

²² Say uywapa yawarninta juk matiman chaskiyanki. Nirkur hisöpu jachata yawarman tulpurkur punkuykikunapa numbralninkunata y quiciunninta lushiyanki. Say sakay pasa manaraq waraptinqa wayikikunapita ama yarquyankisu.

Éxodo 12:22 Referans Kwoze

Hebreos 11:28

Tayta Diosman yärakurmi Israel runakunata nirqan Pascua fiestata rurar punkupa quiciunninkunata yawarwan lushiyänanpaq. Sayno lushisirqan wanusikuq ángel yawarta rikar Israel runakunapa wayinkunacho qechpa surinkunata mana wanusinanpaqmi.

Salmo 51:7

7 (9) Hisöpu jachawan purificamaptikiqa limpiumi kashaq. Maylamaptikiqa rashtapitapis mas yuraqmi kashaq.

Números 19:18

Nirkur püru kaykaq runa say yakuman hisöpu rämata jatirkur saqsupanqa impüru runa tashqan tolduta, toldu rurincho lapan imaykankunata y lapan saycho taqkunatapis. Saynöla saqsupanqa tuluta yataqtapis, runa wanusishqan aya yataqtapis, kikilan wanush runapa ayan yataqtapis o aya pamparashqanta yataqtapis.

Hebreos 9:19

Saymi runakuna shuntakäyaptin leykunacho lapan mandamientukunata Moisés liyiparkur becërrukunapa y chïvukunapa yawarninta shuntarqan. Say yawarman yakuta yaparkurmi hisöpu jachapa rämankunata puka jïluwan juk qeruman wataparqan. Sayta yawarman jatirpurmi qelqaraykaq leykunata y lapan runakunatapis saqsuparqan.

Hebreos 9:1

Nawpa kaq pactu kashqan wisanmi runakunata Tayta Dios tantiyasirqan Sagrädu Tolduta imano rurayänanpaq kashqanta y saycho payta imano adorayänanpaq kashqantapis.

Éxodo 12:7

Nirkur wayikunapa numbralninkunatapis quiciunninkunatapis uywapa yawarninwan lushiyanqa.

Hebreos 9:14

Jesucristo yawarninta cruzcho jichash kaptin manami janalansipasu purificash kaykansi, sinöqa manakaqkunata rurashqansipita shonqunsipis purificashnami kaykan. Sayno purificash karmi imayyaqpis kawaq Tayta Diosta sirvinsi. Jesucristuqa Espíritu Santupa munayninwan Tayta Dios munashqan sacrificiuno kar noqansi rayku wanuptinmi sayno purificash kaykansi.

1 Pedro 1:2

Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.

Hebreos 12:24

Saynölami Jesucristupa nawpancho kaykaqnöna kaykäyanki. Paymi wanurqan Tayta Dios mushuq pactuta rurar salvamänansipaq. Jesucristo yawarninta jichashqan manami Abel yawarninta jichashqannösu kaykan. Abel yawarninta jichar wanushqanqa wanusiq runa castigash kananpaqmi karqan. Jesucristo yawarninta jichar wanushqanmi isanqa perdonash kanansipaq kaykan.

Mateo 26:30

Discïpulunkunawan salmukunata cantaskirnami Olivos lömaman aywayarqan.

Isaías 26:20

Marka mayikuna, wayikikunaman yaykur punkuykikunata wichqakayämuy. Tayta Diospa rabyaynin päsashqanyaq pakaräkuyay.

Josué 2:19

Wayikicho kaqkunataqa manami mayqantapis wanusiyanqasu. Wayikipita yarquq kaqmi isanqa kikin jusayuq kanqa wanusiyaptin. Kay wayikicho kaykaqta pitapis wanusiyaptinqa noqakunami jusayuq kayäshaq.