Éxodo 11:5 - Tayta Diospa Wilakuynin

⁵ Noqa päsaptïmi lapan Egipto runakunapa qechpa olqu surinkuna wanuyanqa. Faraónpa qechpa surinpita qalaykur mulinucho aqakuq ashmay warmipa wawanpis qechpa kaqqa wanunqami. Saynölami lapan malta uywakunapa punta yuriq orqu wawankunapis wanur ushakäyanqa.

Éxodo 11:5 Referans Kwoze

Salmo 78:51

Saymi Egiptucho lapanpa qechpa olqu surinkunata ushakäsirqan.

Mateo 24:41

Maraycho ishkaq warmikuna aqakuykaqpitami jukaqta pushakunqa y jukaqta kachaykunqa.

Salmo 136:10

Egipto runakunapa qechpa surinkunatami wanusirqan. Kuyapäkuyninqa manami imaypis ushakansu.

Salmo 135:8

Egipto runakunapa qechpa surinkunatapis wanusirqanmi. Uywankunapa punta kaq wawankunatapis ushakäsirqanmi.

Salmo 105:36

Egipto runakunapa lapan qechpa surinkunatapis Tayta Diosmi wanusirqan.

Éxodo 13:15

Faraónpa shonqun chukru kaptinmi yarqayämunäta kachapäyämarqansu. Saymi Tayta Dios wanusirqan lapan Egipto runakunapa qechpa olqu surinkunata. Saynölami wanusirqan lapan malta uywankunapa punta yuriq orqu wawankunatapis. Saymi uywapa punta wawan orqu yuriptinqa sacrificiupaq rupasinsi. Qechpa surinsi olqu yuriptinqa Tayta Dios nishqannölami qellayta apansi.

Éxodo 12:29

Say sakay pulan paqasmi Tayta Dios wanusirqan Egipto runakunapa lapan qechpa surinkunata. Sayno wanusirqan Faraónpa qechpa olqu surinpita qalaykur carcilcho wichqaraykaq runapa qechpa olqu surinyaqmi. Saynölami wanusirqan lapan uywakunapa punta yuriq orqu wawankunatapis.

Éxodo 12:12

<

Éxodo 4:23

Surï adoramaq aywananpaq nikaptïpis manami kachayta munankisu. Saymi qechpa surikita wanusishaq> >>.

Hebreos 11:28

Tayta Diosman yärakurmi Israel runakunata nirqan Pascua fiestata rurar punkupa quiciunninkunata yawarwan lushiyänanpaq. Sayno lushisirqan wanusikuq ángel yawarta rikar Israel runakunapa wayinkunacho qechpa surinkunata mana wanusinanpaqmi.

Lamentaciones 5:13

Mas kalpayuq runakunatapis apayash mulinu rumita tumasiyänanpaqmi. Maqtakunatami yantata aparipäyash apaytapis mana puëdiyashqanyaq.

Isaías 47:2

Ashmay warminölana maraycho machkayki aqakuy. Shukutaraykashqayki jakuykita jorquriyna. Chankaykikuna rikakashqanyaq träjikita qarikurkur mayukunatapis päsay.

Jueces 16:21

Saynami filisteo runakuna jinan höra Sansónta prësu sariykur nawinkunatapis jorquyarqan. Gaza markaman prësu apaykuyashpanmi bronci cadinawan watayarqan carcilcho rumi mulinuta tumasinanpaq.