Ester 4:5 - Tayta Diospa Wilakuynin

⁵ Saymi Atacta qayaykasir Ester kacharqan Mardoqueo imanir sayno puriykashqanta tapumunanpaq. Hatacqa karqan Esterta cuidaq wardiakunapa capitanninmi.

Ester 4:5 Referans Kwoze

Hebreos 4:15

Kay pasacho kaptinmi mandaq cüransi Jesucristuta noqansitano Satanás tukuynöpa tentarqan. Sayno tentaptinpis manami jusalikurqansu. Saymi noqansitapis Satanás tentamash kuyapämashpansi Jesucristo yanapämansi.

1 Corintios 12:26

Cuerpunsicho juk parti nanaptinqa lapan cuerpunsimi lakikun. Cuerpunsicho juk parti ali rikash kaptinqa lapan partimi kushikuyan.

Romanos 12:15

Kushish kaqkunawan kushikuyay. Waqaqkunawan waqayay.

Ester 1:12

Pushayänanpaq qanchis eunucu runakunata rey kachaykaptinpis Vastiqa manami aywayta munarqansu. Aywayta mana munashqanta wilayaptinmi rey Asueruqa fiyupa rabyanarqan.

Ester 1:10

Fiesta qalaykushqanpita qanchis junaqtami rey Asuero shinkatash kar yärakushqan kaq qanchis eunucu runakunata qayasirqan. Paykuna kayarqan Mehumán, Bizta, Harbona, Bigtán, Abagta, Zetar y Carcas.

Filipenses 2:4

Kikilaykikuna ali kawayänaykipaq yarpachakuyänaykipa trukanqa wakinkunapis ali kawayänanpaq yarpachakuyay.

Ester 4:4

Esterpa ashmaynin warmikuna y payta cuidaq eunucukunami Mardoqueuta rikayarqan qachqa mödanan jatish puriykaqta. Sayta wilayaptinmi reina Ester fiyupa lakikushpan mödanata apasirqan Mardoqueo trukakunanpaq. Sayno apasiptinpis manami trukakuyta munarqansu.

Ester 4:6

Saymi reypa palaciun frentin kaq pläzaman Hatac aywarqan Mardoqueuwan parlananpaq.

Ester 4:9

Saymi Hatac kutiykur Esterta wilarqan Mardoqueo nishqanta.

Ester 4:10

Sayno wilaptinmi Hatacta Ester yapay kacharqan Mardoqueuta ninanpaq: