Ester 4:3 - Tayta Diospa Wilakuynin

³ Mardoqueo lakikushqannölami maysay provinciakunachöpis rey Asuero apasishqan ordinta musyaykur Israel runakuna fiyupa lakikuyarqan. Sayno lakikur waqayashpanmi qachqa mödanan jatish uchpa jananman jitakaykur ayunayarqan.

Ester 4:3 Referans Kwoze

Isaías 22:12

Lapanta mandaq Tayta Diosmi munarqan jusalikuyashqaykita pësakur waqayänaykita. Saynöpis munarqan lakikuyänaykita y aqsaykikunatapis rutukurir qachqa mödanakunata jatikuyänaykitami.

Daniel 9:3

Saymi qachqa mödanata jatikurkur y uchpaman jamaykur ayunashpä Tayta Diosta manakurqä.

Isaías 58:5

<

Isaías 22:4

Saymi nï: ¡Nawpäpita witikuyay! Marka mayinsikunata wanusiyänanpaq kaptinmi fiyupa waqä. Iksushqäyaq waqaptïpis ama shoqayämaysu.

Mateo 25:30

Kay yarpayniynaq ashmayta yanawyaykaq sakayman jitarpuyay. Saychömi fiyupa waqar kiruntapis uchunqa> >>.

Mateo 22:13

Sayshi ashmayninkunata rey ninaq: >>.

Mateo 13:42

bunyaypa bunyaykaq ninaman qaykuyänanpaq. Saychömi fiyupa waqar kiruntapis uchuyanqa.

Ester 4:16

<>.

Ester 3:12

Saymi punta kaq killa chunka kimsa kaq junaqcho rey Asuerupa secretariunkunata Amán qayaykasir ordinta qelqasirqan. Rey mandashqan provinciakunacho y markakunacho aska idiömata parlayaptinmi say ordinta qelqayarqan lapan idiömakunacho y runakuna imanöpis qelqayashqan estïluncho. Qelqarkasirnami apasirqan reyta mandäsiqninkunapaq, lapan provinciakunapa mandaqninkunapaq y rey mandashqan nacionkunapa autoridäninkunapaqpis. Ordincho nishqanta cumpliyänanpaqmi rey Asuerupa jutinta churarkur anïllunwan sëllayarqan.

Ester 1:1

Juk reymi karqan Asuero jutiyuq. Paymi India nacionpita qalaykur Etiopía nacionyaq pachak ishkay chunka qanchis (127) provinciakunapa mandaqnin karqan.

1 Samuel 11:4

Sayno niyashqanta Nahas awniptinmi wilakuqninkunata kachayarqan. Saúl tashqan Gabaa markaman chaykur wilakuyaptinmi lakikuyashpan lapan waqayarqan.

Ester 4:2

Sayno waqaraykarmi charqan reypa palaciun punkuyaq. Say niraq mödanash palaciuman pipis mana yaykuptinmi ruriyaqqa yaykurqansu.

Ester 4:4

Esterpa ashmaynin warmikuna y payta cuidaq eunucukunami Mardoqueuta rikayarqan qachqa mödanan jatish puriykaqta. Sayta wilayaptinmi reina Ester fiyupa lakikushpan mödanata apasirqan Mardoqueo trukakunanpaq. Sayno apasiptinpis manami trukakuyta munarqansu.

Ester 9:31

punta kaq cartacho niyashqannöla Mardoqueuwan reina Ester ordenayarqan Israel runakuna y paykunapita miraqninkunapis say nishqan junaqkunacho Purim fiestata rurayänanpaq. Saynöpis say cartacho niyarqan Israel runakuna ayünuta rurayänanpaqpis.

Josué 7:6

Sayno vinciykuyaptinmi Josué y mayor runakuna lakikuyashpan mödanankunata rachiyarqan y alpatapis umankunaman winakuyarqan. Nirkurnami pasa sakashqanyaq Tayta Diospa babulninpa puntanman lätakuykuyarqan.

Job 2:8

Say qarachu seqaypa sheqshiptinmi Jobqa uchpa janancho jamararqan manka pakipawan intëru cuerpunta jichkakushpan.

Ezequiel 27:30

Seqaypa pësakur qayarayparaq qampaq waqayashqanpis maysaymanmi wiyakash. Umankunaman alpata winakuyashpanmi uchpa janancho qoshpayash.

Jonás 3:6

Jonás wilakushqanta wiyaykurmi Nínivicho mandaq reypis qachqa mödanata jatikuskir uchpaman jamaykur Tayta Diosta manakurqan.