Ester 3:7 - Tayta Diospa Wilakuynin

⁷ Chunka ishkay watana rey Asuero mandaq kaykaptinmi punta kaq killa Amánpa nawpancho suertita jitayarqan. Say suerti jitaypa jutinmi karqan Pur. Punta kaq killapa jutinnami karqan Nisán. Sayno suertita jitayarqan mayqan junaqcho y mayqan killachöpis Amán yarpashqanno Israel runakunata wanusiyänanpaqmi. Suertita jitayaptinmi yarqamurqan chunka ishkay kaq killa kimsa kaq junaq. Chunka ishkay kaq killapa jutinmi karqan Adar.

Ester 3:7 Referans Kwoze

Esdras 6:15

Saymi rey Darío soqta watana Persia nacionpa mandaqnin kaykaptin Adar killa kimsa kaq junaqcho templu sharkasiyta ushayarqan.

Proverbios 16:33

Imata rurananpaqpis wakinqa suertitaraqmi jitan. Sayno kaptinpis Tayta Dios permitiptinraqmi imapis aliqa kamakan.

Mateo 27:35

Jesústa crucificaykurnami suertita jitayarqan mödananta mayqanpis apakunanpaq. [Sayno rurayänanpaqmi Tayta Diospa profëtan kayno qelqarqan: <>.]

Ester 9:21

Say cartachömi ordenarqan cada wata Adar killa chunka chusku junaqcho y chunka pisqa junaqcho mana qonqaypa fiestata rurayänanpaq.

Ester 9:5

Jitapashqan junaqnami Israel runakuna contran sharkuqkunata espädawan wanusir ushayarqan.

Ester 9:1

Rey Asuero apasishqan ordinta cumpliyänanpaq kaq junaqmi Israel runakunata wanusiyänanpaq contrankuna puestukush shuyakuyarqan. Sayno shuyakuykäyaptinpis manami paykuna yarpäyashqannösu karqan, sinöqa Israel runakunami tikrapäyashpan vinciyarqan. Say junaq karqan chunka ishkay kaq killa chunka kimsa kaq junaqmi. Say killapa jutinmi karqan Adar.

Ester 2:16

Saymi qanchis watana rey kaykaptin chunka kaq killacho Esterta pushayarqan rey Asuero kaqman. Say killapa jutinmi kaykan Tebet.

Ester 1:3

Kimsa wata mandaq kaykarmi fiestata rey Asuero rurarqan lapan mandäsiqninkunapaq, Persiacho y Mediacho soldädukunapa capitanninkunapaq y provinciakunapa autoridäninkunapaq.

Nehemías 2:1

Ishkay chunka (20) watana Artajerjes rey kaykaptinmi Nisán killacho payta vïnuta sirviykarqä. Sirviykaptïmi rey tantiyarqan lakish kaykashqäta.

Esdras 4:6

Persia nacioncho rey Asuero mandayta qalaykushqan wisanpis Judácho taq runakunata y Jerusaléncho taq runakunata desanimasiyänanpaq manakaqkunata jitaparmi reyman cartata apasiyarqan.