Ester 2:9 - Tayta Diospa Wilakuynin

⁹ Esterwan yachanänakurmi Hegaiqa mas kuyaylapaq kananpaq ima nistashqankunatapis y ali mikuykunatapis puestuparqan. Nirkurmi Esterta shumaq atiendiyänanpaq mas yärakushqan qanchis warmikunata ordenarqan. Say qanchis warmikunawanmi Estertapis pusharqan palaciucho kaq mas alinnin cuartukunaman saycho täyänanpaq. Say cuartukuna karqan reypa warminkuna y concubïnankuna täyashqan palaciuchömi.

Ester 2:9 Referans Kwoze

Proverbios 16:7

Contrankunawanpis perdonanakur ali kawayänanpaqmi munashqanno kawaqkunata Tayta Dios yanapan.

Génesis 39:21

Joséta Tayta Dios yanapaptinmi cárcel cuidaq runapis paywan yachanänakuyarqan.

Ester 2:12

Say palaciuchömi lapan jipashkunata kuyaylapaq kayänanpaq juk wata shumaq ashmayarqan. Saymi mïrrawan talush aceitiwan soqta killantin lushikuyaq. Saypita mastami crëmakunawan y perfümikunawan soqta killantin lushikuyaq. Saypitanami turnun chämuptin rey Asueruman aywayaq.

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Daniel 1:9

Tayta Dios yanapaptinmi Danielqa Aspenazwan ali yachanänakuyarqan.

Esdras 7:6

Esdrasqa Moisés chaskishqan leykunata alimi yacharqan. Say leykunatami Israel runakunata kuyaq Tayta Dios Moisésta entregarqan. Esdrasta Tayta Dios yanapaptinmi rey Artajerjes lapan manakushqanta kamariparqan Babiloniapita Jerusalénman aywananpaq.

Hechos 7:10

imayka desgraciapitapis salvanaq. Tantiyakuq kananpaq yanapaptinshi Egipto nacionpa mandaqnin Faraón payta churanaq palaciuncho aruqkunata mandananpaq y Egipto naciontapis mandäsinanpaq.

Salmo 106:46

Saymi chikiqninkuna kuyapäyänanpaqpis tantiyasirqayki.

1 Reyes 8:50

Kuyashqayki Israel runakuna jusalikuyashqanpita perdonaykulanki. Saynöpis munaynincho sararaq runakunata tantiyaykasilanki Israel runakunata kuyapäyänanpaq.

Nehemías 2:8

Saynöpis muntikita täpaq Asafpaq cartata rurapaykalämay qeruta kamaripämänanpaq. Say qeruta nistäshaq templu punkukunapaq, marka murälla punkukunapaq y tänäpaq kaq wayita rurasinäpaqmi>>. Sayno manakuptïmi kuyapäkuq Tayta Dios yanapämarqan rey awnimänanpaq.

Ester 5:2

Ester ichiraykaqta rikaykurmi reyqa kushikushpan qori väranwan pay kaqpa toqrirqan. Saymi yaykurishpan väranpa puntanta jukla Ester yataykurqan.

Génesis 39:4

patronnin seqaypa kuyar Joséta churarqan wayincho capataz kananpaq y lapan imaykankunatapis rikananpaq.