Ester 2:12 - Tayta Diospa Wilakuynin

¹² Say palaciuchömi lapan jipashkunata kuyaylapaq kayänanpaq juk wata shumaq ashmayarqan. Saymi mïrrawan talush aceitiwan soqta killantin lushikuyaq. Saypita mastami crëmakunawan y perfümikunawan soqta killantin lushikuyaq. Saypitanami turnun chämuptin rey Asueruman aywayaq.

Ester 2:12 Referans Kwoze

Isaías 57:9

<

Proverbios 7:17

Cämä mushkünanpaqmi mïrrata, áloeta y canëlata winashkä.

Cantares 3:6

Sunyaq jirkapita ¿imataq shamuykan? ¿Imataq qoshtatarraq aywaykämun? Mïrra perfümino, inciensuno y tukuyläya kuyaylapaq perfümikunano ¿imataq mushkuykämun?

Ester 2:3

Cada mandashqayki provinciakunacho runakunata churashun say jipashkunata akraykur pushayämunanpaq. Susaman chaykasimur pushayäsun makikicho kaykaq warmikuna täyashqan palaciuman. Saycho täyaptinnami yärakushqayki eunucu Hegaipa makinman churashun wakin warmikikunata cuidashqannöla paykunatapis cuidananpaq. Say jipashkuna mas kuyanaylapaq kayänanpaq ima nistashqantapis Hegai kamaripäsun.

Ester 2:9

Esterwan yachanänakurmi Hegaiqa mas kuyaylapaq kananpaq ima nistashqankunatapis y ali mikuykunatapis puestuparqan. Nirkurmi Esterta shumaq atiendiyänanpaq mas yärakushqan qanchis warmikunata ordenarqan. Say qanchis warmikunawanmi Estertapis pusharqan palaciucho kaq mas alinnin cuartukunaman saycho täyänanpaq. Say cuartukuna karqan reypa warminkuna y concubïnankuna täyashqan palaciuchömi.

Ester 2:11

Ester imano kaykashqantapis musyananpaqmi warmikuna täyashqan palaciu patiu punkuman Mardoqueo aywaq.

Ester 2:13

Tashqan wayipita reypa palaciunman aywayaptinmi mas kamaraqla kayänanpaq mödanatapis y alhäjakunatapis kamaripaq.

Isaías 3:24

Say wisanqa perfümiwan mushküyänanpa trukan fiyupami asyäyanqa. Wachkupa trukan waskalami kanqa. Shumaq piltakush kayänanpa trukan qara putumi kayanqa. Sëda mödanakunata jatikuyänanpa trukan lütu mödanatami jatikuyanqa. Qaqlankunapis kuyaylapaq kananpa trukan melanaypaq qeri ushashqami kayanqa.