Ester 10:3 - Tayta Diospa Wilakuynin

³ Mardoqueutami rey Asuero churarqan lapan mandäsiqninkunapitapis mas munayyuq kananpaq. Saynöpis favornin sharkushqanpitami Mardoqueuta Israel mayinkuna maysaychöpis respitayaq.

Ester 10:3 Referans Kwoze

Nehemías 2:10

Israel runakunata yanapänäpaq Jerusalénman chashqäta musyaykurmi horonita ayllu Sambalat y amonita ayllu autoridä Tobíaspis rabyakuyarqan.

Romanos 14:18

Jesucristuta sirvir sayno kawarqa Tayta Dios munashqannömi kawaykansi. Sayno kawashqaqa manami pipis jamurämäshunsu.

Romanos 10:1

Wawqi panikuna, Tayta Diostami lapan shonqüwan ruwakü Israel mayïkuna salvakuyänanpaq.

Daniel 5:29

Sayno wilaptinmi Belsasarqa yanapaqninkunata nirqan granäti mödanata Danielta jatipäyänanpaq y qoripita rurash walqatapis walqapäyänanpaq. Saynöpis paywan juntu mandananpaqmi churarqan.

2 Crónicas 28:7

Pelyay yachaq Zicripis wanusirqan Judá nacionpa mandaqnin reypa surin Maasíasta, palaciuncho mandaq Azricamta y reypa capitannin Elcanatami. Zicriqa Efraín trïbu runami karqan.

Génesis 41:40

Saymi kananpita qampa makikicho lapan palaciüpis kanqa. Kay nacioncho qam mandashqaykitami lapanpis cäsukuyanqa. Noqalami rey kashpä qampita mas munayyuq kashaq.

Daniel 5:16

Qampaqmi wilayämash aja tantiyaypaq kaqkunatapis tantiyashqaykita y mayjina aja kaptinpis shumaq arreglashqaykita. Saymi manakü tapiacho qelqaraykaqta liyir imapaq kashqantapis tantiyasimänaykipaq. Tantiyasimaptikiqa granäti mödanatami jatipäshayki. Saynöpis qoripita rurash walqatami walqapäshayki. Nirkurmi mandashqä nacioncho noqawan juntu mandanaykipaq churashayki>>.

Ester 3:2

Sayno churaykurmi rey Asuero ordenarqan palaciucho aruqkuna qonqurpakuykur y umpuykurraq Amánta winchikuyänanpaq. Sayno mandaykaptinpis Mardoqueuqa manami qonqurpakurqansu ni umpurqansu.

1 Samuel 23:17

Saymi nirqan: <>.

Daniel 6:3

3 (4) Wakin ministrukunapitapis mas tantiyakuq Daniel kaptinmi rey yarparqan lapan nacionta mandäsinanpaq.

Génesis 45:10

Wanushqaykiyaqpis José rikashunaykipaqshi imaykansitapis apakurkur lapan wilkaykikunawan y uywaykikunawan Gosén partiman aywakushun.

Génesis 45:11

Say nacionchöshi imapis mana pishïmänansipaq mikuyta kamaripämäshun. Pisqa wataraqshi muchuy saynöla kanqa>.

1 Samuel 18:16

Israel y Judá soldädukunami isanqa Davidta kuyayaq maypa aywarpis ali pusharaptin.

Ester 2:5

Susa markachömi Israel runa Jairpa surin Mardoqueo tarqan. Jairpa taytanmi karqan Simei. Simeipa taytanmi karqan Cis. Paykunaqa Benjamín trïbu runakunami kayarqan.