Ester 1:3 - Tayta Diospa Wilakuynin

³ Kimsa wata mandaq kaykarmi fiestata rey Asuero rurarqan lapan mandäsiqninkunapaq, Persiacho y Mediacho soldädukunapa capitanninkunapaq y provinciakunapa autoridäninkunapaq.

Ester 1:3 Referans Kwoze

Marcos 6:21

Saypita Herodespa diyancho fiestata rurarmi qayasirqan autoridäkunata, soldädukunapa mas mandaqninkunata y Galileacho taq rïcu runakunatapis.

Daniel 5:1

Babiloniapa mandaqnin rey Belsasar fiestata rurarmi waranqa (1,000) mandäsiqkunata qayasirqan juntu mikuyänanpaq. Saychömi paykunawan vïnuta upuyarqan shinkäyashqanyaq.

Ester 2:18

Reina kananpaq Esterta churarmi rey Asueruqa fiestata rurarqan. Say fiestamanmi mandäsiqninkunatapis yanapaqninkunatapis qayasirqan. Kushikuypitami mandashqan provinciakunacho impuestuta bäjasirqan. Saynöpis aska regälukunatami runakunata aypurqan.

1 Reyes 3:15

Punushqanpita rikcharkamurmi sueñushqanta Salomón tantiyakurqan. Saymi Jerusalénman kutir jukla aywarqan Tayta Diospa Pactu Babulnin kaykashqan kaqman. Saychömi rupasina sacrificiukunata y jawka kawakuy sacrificiukunata rupasirqan. Nirkurmi lapan yanapaqninkunapaq mikuyta rurasirqan.

Jeremías 51:11

<

Isaías 21:2

Aläpa mansariypaqta revelamarmi Tayta Dios rikasimash runakuna pasaypa lulakuykäyaqta. Saynöpis rikasimash wanusikuq runakuna runa mayinta wanuykäsiyaqta. ¡Elam runakuna, atacayänaykipaq shayämuy! ¡Media runakuna, wanusiyänaykipaq yaykayämuy! ¡Babilonia runakuna amana pitapis nakasiyäsunnasu!

Génesis 40:20

Saypita kimsa junaqtami Faraónpa diyan karqan. Saymi Faraón mandäsiqnin runakunawan fiestata rurar mikur y upur qoyäyarqan. Say junaqmi carcilpita jorqasimurqan tanta ruraqkunapa y vïnu ruraqkunapa mandaqninkunata.

Daniel 8:20

<

Daniel 6:1

1 (2) Nacionnin ali mandash kananta munarmi rey Darío churarqan juk pachak ishkay chunka (120) mandäsiqninkunata.

Daniel 5:28

nikan mandashayki nacionta rakiskir Media y Persia runakunapa makinman churananpaq destinash kaptinmi>>.

Ester 1:14

Ley yachaq runakunacho rey Asuerupa mas amïgunkuna kayarqan Carsena, Setar, Admata, Tarsis, Meres, Marsena y Memucánmi. Say runakunaqa intëru Persiacho y Mediacho respitädumi kayarqan. Paykunami reypa yäsiqninkuna y mandäsiqnin autoridäninkuna kayarqan.

Esdras 1:2

<

Ester 1:4

Say fiestata soqta killantin rurasirqan seqaypa rïcu y munayyuq kashqanta runakuna musyayänanpaqmi.

Ester 3:7

Chunka ishkay watana rey Asuero mandaq kaykaptinmi punta kaq killa Amánpa nawpancho suertita jitayarqan. Say suerti jitaypa jutinmi karqan Pur. Punta kaq killapa jutinnami karqan Nisán. Sayno suertita jitayarqan mayqan junaqcho y mayqan killachöpis Amán yarpashqanno Israel runakunata wanusiyänanpaqmi. Suertita jitayaptinmi yarqamurqan chunka ishkay kaq killa kimsa kaq junaq. Chunka ishkay kaq killapa jutinmi karqan Adar.