Esdras 1:8 - Tayta Diospa Wilakuynin

⁸ Jerusalénman kutisiyänanpaqmi tesorëru Mitrídatesta rey Ciro entregarqan. Paynami yupaparqan Sesbasarta. Sesbasarqa Judáman aywaqkunapa mandaqninmi karqan.

Esdras 1:8 Referans Kwoze

Esdras 5:14

Sayshi Babiloniacho kaykaq templupita jorqur qoripita y qellaypita rurash manëjukunata Jerusalén templuman kutisiyänanpaq rey Ciruqa Sesbasarta entreganaq. Payta entreganaq Judácho gobernador kananpaq churarkurshi. Say manëjukunataqa Babiloniapa unay mandaqnin rey Nabucodonosorshi Tayta Diospa templunpita Babiloniacho kaykaq templunman apanaq.

Hageo 1:14

Sayno nirmi Tayta Dios shakyäsirqan aruyänanpaq. Saymi Judápa gobernadornin Zorobabel, mandaq cüra Josué y wakin runakunapis lapanta mandaq Tayta Diospa templunta sharkasir qalaykuyarqan.

Hageo 1:1

Kaychömi qelqaraykan Tayta Diospa wilakuyninta profëta Hageo wilakushqan. Paymi rey Darío Persia nacioncho mandar ishkay watamanna aywaykaptin soqta kaq killa punta kaq junaqcho wilakurqan. Say wilakushqan karqan Judápa gobernadornin Zorobabelpaq y mandaq cüra Josuépaqmi. Zorobabel karqan Salatielpa surinmi y Josuénami karqan Josadacpa surin.

Esdras 5:16

Sayno niptinshi Sesbasarqa Jerusalénman chaykamur Tayta Diospa templunpa cimientunta churasinaq. Sayno sharkasirpis manaraqmi aruyta ushayäraqsu>>. Saynömi paykuna niyämash.

Esdras 1:11

Qoripita y qellaypita chaskiyashqan manëjukuna lapan karqan pisqa waranqa chusku pachakmi (5,400). Lapan saykunatami Israel mayinkunawan aywayashpan Babiloniapita Jerusalénman Sesbasar kutisirqan.

Jeremías 51:44

<

Esdras 2:2

Say runakunapa mandaqninkuna kayarqan Zorobabel, Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum y Baana. Kaychömi qelqaraykan Israel runakuna mayqan ayllukuna Babiloniapita Judáman shayämushqanpis:

Esdras 5:2

Saymi Salatielpa surin Zorobabel y Josadacpa surin Jesúa Tayta Diospa templunta Jerusaléncho yapay arusir qalaykasiyarqan. Tayta Diospa profëtankunapis arüsiyashpan saychömi kaykäyarqan.