Efesios 5:4 - Tayta Diospa Wilakuynin

⁴ Lutankunata, manakaqkunata ni lutan yarpayman apakuq bujunädakunatapis ama parlayaysu. Saypa trukanqa imapitapis Tayta Diosta agradëcikuyay.

Efesios 5:4 Referans Kwoze

Colosenses 3:8

Kananqa pitapis ama rabyapäyaynasu, nanaparäyaynasu ni chikiyaynasu. Ama pipa washantapis rimayaynasu ni manakaqkunata parlayaynasu.

Efesios 4:29

Ama imatapis lutankunata parlayaysu. Saypa trukanqa runa mayikita shakyäsiyänaykipaq ali kaqkunalata parlayay.

1 Tesalonicenses 5:18

Imapitapis Tayta Diosta agradëcikuyay. Jesucristupa makincho kayaptikimi sayno kawayänaykita Tayta Dios munan.

Proverbios 15:2

Tantiyakuq runa parlaptinqa wiyaqkuna shumaqmi yachakuyan. Mana tantiyakuq runaqa shimin tarishqantami imatapis lutala parlan.

Eclesiastés 10:13

Mana tantiyakuq runaqa imaypis manakaqkunalatami parlan.

2 Pedro 2:18

Paykunaqa sumäsiyashpanmi yachaq tukur imatapis parlayan. Jusankunata sayraq kacharish kaqkunatami shakyäsiyan lutankunata rurayänanpaq.

Hebreos 13:15

Sayno kaykaptinqa Jesucristuman yärakur sacrificiuta altarman churaqno Tayta Diosta imay hörapis alabashun. Paypa jutinta joqarir alabashqansimi ali kaykan.

Filipenses 4:6

Imapaqpis ama lakikuyaysu. Saypa trukanqa Tayta Diosta agradëcikur lapanchöpis yanapäyäshunaykipaq manakuyay.

Judas 1:10

Say lutan yachasikuqkunaqa mana tantiyayashpanmi manakaqkunata parlayan. Paykunaqa uywakunano mana tantiyakuq karmi imatapis lutanta rurayan. Sayno kayashqanpitami ushakäyanqa.

2 Corintios 9:15

¡Tayta Diosta agradëcikushun kuyapäkuq kashqanpita! Saypita imanöpa agradëcikuytapis manami kamäpakunsisu.

Marcos 7:22

majanta jarukuyan, wachakash kayan, lulakuyan, shanaripakur jusalikuyan, envidiakuyan, manakaqta tumpayan, yachaq tukuyan y lutankunata rurayan.

Salmo 92:1

1 (2) Tayta Dios, qamta agradëcikushqäqa seqaypa alimi. Poderyuq Tayta Dios, qamta alabar sellämami kushikü.

Judas 1:13

Tukuy niraq qanrata lamar jitamushqannömi paykunapis penqakuypaq kaqkunata ruraykäyan. Qoyllar shikwaqnömi yanawyaykaqman qaykush kayanqa.

2 Corintios 1:11

Tayta Diosta noqakunapaq manakuyashpayki qamkunapis yanapaykäyämankimi. Sayno askaq manakuyaptinmi payta askaq agradëcikuyanqa.

Romanos 1:28

Tayta Dios munashqanno kawayta mana munayaptinmi mana penqakuypa jusalikur kawakuyänanpaq Tayta Dios kachariykush.

Proverbios 12:23

Tantiyakuq runaqa yachaq kashqanta manami sumäsinsu. Mana tantiyakuq runami isanqa lutanta rurarirpis sumäsikun.

2 Pedro 2:7

Say markakunata rupasirpis Lottami isanqa ali runa kaptin salvarqan. Paymi say markakunacho taq fiyu runakuna jusalikuyaptin ima ruraytapis kamäpakurqansu.

Salmo 33:1

Ali shonquyuqkuna, Tayta Diosta alabayay. Payta alabayashqaykiqa kuyaylapaqmi wiyakan.

Filemón 1:8

Wawqi Filemón, Jesucristupa wilakuyninta wilakushqäpitami carcilcho wichqaraykä. Saynöpis awkinnami kaykä. Prësu kaykashqäman ashmayniki Onésimo chämuptin ali wilakuyta wilapaptïmi Jesucristuta chaskikush. Saymi kananqa surïnöna kaykan. Sayno kaptinmi qamta ruwakü Onésimuta kachamuptï ali chaskinaykipaq. Jesucristupa apostolnin kar qamta obligarpis obligämanmi. Sayno kaptinpis manami obligayta munäsu, sinöqa kuyakuq kaptikimi Onésimuta ali chaskinaykipaq ruwakuykä.

1 Tesalonicenses 3:9

Tayta Diosninsi yanapäyäshushqaykipita fiyupa kushikur lapan shonqükunawanmi payta agradëcikuyä.

Efesios 1:16

Tayta Diosta qamkunapaq manakur imaypis payta agradëcikü.

Juan 6:23

Sayno kaykäyaptinmi Tiberias markapita büquikuna chäyarqan Señor Jesús tantata qarashqan cercanman.

Daniel 6:10

10 (11) Say ley qelqaraykashqanta musyaykurmi Danielqa punushqan cuartunman wisarkur Jerusalénläpa kaq ventänata kicharqan. Nirkurnami waran waran kimsa kuti imaypis manakushqanno qonqurpakuykur Tayta Diosta manakur alabarqan.

Proverbios 26:19

amïgunta lulapar brömapaqkunaqa kayan.