Efesios 5:3 - Tayta Diospa Wilakuynin

³ Tayta Dios kuyashqan santu runakuna kaykarqa fornicación jusata ama jusalikuyaysu, wachakash ama kayaysu, ni ima jusatapis ama jusalikuyaysu. Saykunapaqqa parlaylapis ama parlayaysu.

Efesios 5:3 Referans Kwoze

Colosenses 3:5

Sayno kaykaptinqa mana jusalikuypa kawayay. Fornicación jusata ama jusalikuyaysu ni shonquykikuna mana alikunata munashqanta rurayaysu. Rïcuyaylapaqpis ama yarpachakuyaysu. Rïcuyaylapaq yarpachakurqa ïdulukunata adoraqnömi kaykäyanki.

Efesios 5:5

Shumaq tantiyakuyay: fornicación jusata jusalikuqkuna y wachakash kaqkunaqa manami Tayta Dios y Jesucristo mandashqanman yaykuyanqasu. (Wachakash kaqkunaqa ïduluta adoraqnömi kaykäyan.)

1 Tesalonicenses 4:3

Jusaynaq kawayänaykita munarmi fornicación jusata jusalikuyänaykita Tayta Dios munansu,

1 Corintios 6:18

¡Fornicación jusalikuypita witikuyay! Wakin jusakunata jusalikurqa manami cuerpuykitasu qanrataykäyanki. Fornicación jusata jusalikuymi isanqa cuerpuykita qanrataykäyanki.

1 Tesalonicenses 4:7

Manami jusalikur purikunansipaqsu Tayta Dios akramashkansi, saypa trukanqa pay munashqanno kawanansipaqmi.

1 Corintios 6:13

Wakinnikiqa niyanki: <>. Sayno niyaptikipis Tayta Diosmi pachansitapis mikuytapis ushakäsinqa. Saynölami cuerpunsipis fornicación jusata jusalikunansipaqsu kaykan, sinöqa Señor Jesucristo munashqanno kawanansipaqmi.

Efesios 5:12

Paykuna pakaylapa jusalikuyashqan pasaypa penqakuypaqmi kaykan. Saykunataqa ama parlaylapis parlayaysu.

Mateo 15:19

Runakunaqa shonquncho mana alikunata yarparmi runa mayinta wanusiyan, majanta jarukuyan y fornicación jusata jusalikuyan. Saynöpis suwakuyan, lulakuyan y runa mayinta ashliyan.

Apocalípsis 2:21

Kananyaqnami shuyarashkä say warmi jusankunata wanakunanpaq. Saypis jusalikuyta manami kacharinsu.

1 Corintios 10:8

Saynöpis fornicación jusata ama jusalikushunsu. Israel runakuna sayno kawayashqanpitami Tayta Dios juk junaqlacho ishkay chunka kimsa waranqa (23,000) runakunata ushakäsirqan.

Apocalípsis 22:15

Say markaman manami yaykuyanqasu luta kawakuqkuna, brüjukuna, fornicación jusata jusalikuqkuna, runa mayinta wanusiqkuna, ïdulukunata adoraqkuna y lapan lulakuqkunapis.

Apocalípsis 21:8

Noqapita penqakuqkunata, mana yärakamaqkunata, jusasapakunata, wanusikuqkunata, fornicación jusata jusalikuqkunata, brüjukunata, ïdulu adoraqkunata y lulakuqkunataqa azufriyuq nina rupaykaq qochamanmi qaykushaq. Say nina qochaqa qepa kaq wanuymi kaykan>>.

Apocalípsis 2:14

<

1 Corintios 5:1

Qamkunacho juk runa madrastanwan taykashqantami musyashkä. Paywan tarqa pasaypa penqakuypaq fornicación jusatami jusalikuykan. Sayno runataqa Jesucristuta mana chaskikuq runakunapis seqaypami jamuräyan.

Ezequiel 33:31

Sayno nir shuntakäyämushpanmi wilapashqaykita wiyaq tukuyan. Nirkurqa mananami cäsukayämansu. Kuyamashqanta nirpis manami rasunpasu kuyayäman. Saypa trukanqa rïcuyaypaq wachakash karmi lutanta rurayänalanpaq yarpachakuykäyan.

Éxodo 20:17

<>.

Apocalípsis 9:21

Saynöpis manami kachariyarqansu wanusikuq kayta, brüju kayta, fornicación jusata y suwakuytapis.

2 Pedro 2:3

Qellaypaq wachakash karmi ali tupaylapa sakyayäshunki. Paykunata infiernuman qaykunanpaq Tayta Dios unaypitanami destinarqan. Saymi paykunata fiyupa nakay shuyaraykan.

Hebreos 12:16

Fornicación jusata ama mayqaykipis jusalikuyaysu. Saynöpis Esaúno Tayta Diosta mana cäsukuq ama kayaysu. Esaúqa pachan raykulami qechpa kay derëchunta juk plätu mikuylapaq wawqinta rantikurqan.

2 Corintios 12:21

Capazchir melanaypaq kaqkunata, fornicación jusata y chïnäkur waynäkur puriykäyashqaykita kachariyashkankisu. Jusalikuykaqta tarir qamkunapita Tayta Diospa nawpancho penqakunäpaq kaqpitami lakikü.

Tito 2:3

Chakwankunatapis yachasinki Tayta Dios munashqannöla shumaq kawayänanpaq, pitapis mana tumpayänanpaq y upyalaman mana churakash kayänanpaq. Saypa trukanqa wakintapis yachasiyäsun ali kawayänanpaq.

2 Timoteo 3:2

Saymi kayanqa kikilanpaq imatapis munaq, qellaylapaq wachakash, runa tukuq, Tayta Diospa contran parlaq, mamanta y taytanta mana wiyakuq, mana agradëcikuq y Tayta Diospa palabranta manakaqman churaq.

Hechos 15:20

Saypa trukanqa cartakushun ïdulukunapa jutincho pishtayashqan aysata mana mikuyänanpaq, fornicación jusata mana jusalikuyänanpaq, kikilan wanush uywakunapa aysanta mana mikuyänanpaq y uywapa yawarnintapis mana mikuyänanpaq.

Éxodo 18:21

Sayno kaptinpis yanapäyäshunaykipaq formal runakunata akray. Paykuna kayäsun Tayta Diosta mansapakuq, mana lulakuq y äshikuyta mana chaskipakuq. Paykunapita wakinta churanki waranqa (1,000) runakunapa jueznin kananpaq, wakintana churanki pachak (100) runakunapa jueznin kananpaq, wakintana churanki pisqa chunka (50) runakunapa jueznin kananpaq y wakintana churanki chunka runakunapa jueznin kananpaq.

2 Pedro 2:14

Say runakunaqa pï warmita rikarpis munapäyanlanami. Jusalikurpis manami ajayäyansu. Manaraq shumaq tantiyakuqkunatami lutankunata yachasiyan. Runa mayinta imaykanöpapis sakyayta yachayanmi. Sayno kayashqanpitami fiyupa castigash kayanqa.

2 Pedro 2:10

Mas fiyupami castiganqa shanaripakur pïmaywanpis kakuqkunata. Say runakunaqa Tayta Diostapis manami cäsukuyansu. Yachaq tukuyashpanmi supaykunatapis mana mansapaypa ashliyan.

1 Pedro 5:2

Tayta Diosman yärakuqkunata rikayänaykipaq churash kaykarqa uysha misiqkuna uyshankunata rikayashqanno shumaq rikayay. Mana niraykälar rikayänaykipa trukanqa lapan voluntänikiwan rikayay. Ama qellay raykula rikayankisu, sinöqa Tayta Dios munashqanno ashak ashakla rikayanki.

Tito 1:11

Wakin wawqi panikunata maynami lapan castantinta sayno engañayash. Paykuna lutanta yachaykäsiyan imatapis sakyayänan raykulami. Sayno lutanta yachasiyänanta ama kachapaysu.

Tito 1:7

Tayta Diosta sirviq kaykarqa y wawqi panikunata rikaq kaykarqa mayor wawqikuna kayäsun pïmaypitapis mana jamurash, mana runa tukuq, mana ajayshïtu, mana upyaq, mana pelyaq y imatapis mana chaskipakuq.

1 Timoteo 3:3

Saynöpis kayanman mana upyaq, pitapis mana wajupaq, kuyapäkuq, qellaylapaq mana wachakash

1 Timoteo 2:10

Saypa trukanqa Tayta Dios munashqanno kawaq warmikunano alikunata rurar kawayäsun.

Filipenses 1:27

Jesucristupa ali wilakuynin nishqannöla imaypis kawayay. Saynöpami shamurpis mana shamurpis musyashaq nakarpis lakikurpis Jesucristo munashqanno kawaykäyashqaykita y imaypis kuyanakuykäyashqaykita. Saynöpis musyashaq runakuna chikiyäshuptikipis Jesucristupa ali wilakuyninta wilakuykäyashqaykita.

Romanos 16:2

Paymi yärakuq mayinsikunata shumaq yanapan. Saynölami noqatapis wilakur puriptï yanapäman. Jesucristuman yärakuq mayinsi kaykaptinqa chaskiykuyälanki. Saynöpis lapan nistashqankunata kamaripaykuyälanki.

Romanos 6:13

Lutan ruraykunamanpis ama jatikäyaysu. Wanuyashqaykipita kawarimushnöna kaykarqa Tayta Diospa makinchöna kawayay. Intëru cuerpuykipis Tayta Dioslapaqna kasun.

Romanos 1:29

Sayno kawarmi imayka jusalikuykunatapis jusalikur [fornicación jusata jusalikuyan,] yaqa kayan, kikilanpaq imatapis munayan, chikinakuyan, envidiösu kayan, runa mayinta wanusiyan, wajukuyan, engañanakuyan, mana alikunata rurayan y washarima kayan.

Hechos 20:33

<

Lucas 16:14

Sayno yachasishqanta wiyarmi fariseukuna rïcu kaylapaq wachakash kayashpan Jesústa asipäyarqan.

Miqueas 2:2

Saymi jukpa chakrankunata acaparaykäyanki. Runa mayikipa wayintapis qechuykäyanki. Sayno rurarmi warmintinta surintinta nakaykäsiyanki. Posisionnintapis mana kuyapaypami qechuykäyanki.

Jeremías 22:17

<>.

Jeremías 8:10

Paykunaqa lapanpis yarpaykäyan suwakuypa imatapis tariyänalanpaqmi. Saymi paykunata castigar warminkunatapis y chakrankunatapis jäpa runakunata qoykushaq. <<

Jeremías 6:13

<

Proverbios 28:16

Mana tantiyakuq autoridäqa mandashqan runakunata mana kuyapaypami nakasin. Mana yatapakuq autoridäqa aska watami kawanqa.

Salmo 119:36

Ordenashqaykikunata ruranäpaq yarpaykasilämay. Ama kachapaykamaysu suwakuypa rïcuyänätaqa.

Salmo 10:3

Mana ali runakunaqa lutanta yarpäyashqanpita alabakuyanmi. Wachakash runakunawan kuyanakurmi Tayta Diosta manakaqman churayan.

1 Samuel 8:3

Paykuna manami papäninnösu ali juez kayarqan. Ali arreglayänanpa trukanqa wachakash karmi jukpa favornilan sharkuyänanpaq chaskipakuyaq.

Josué 7:21

Jericó markaman yaykurmi tarishkä Babiloniacho awash kuyaylapaq jakuta, ishkay pachak (200) qellayta y juk taksha bärra qoritapis. Say qoriqa mediu kïlunömi lasan. Saykunata munaparmi pakaylapa apar toldü rurinman pampaykushkä. Qellaytaqa mas rurinmanmi pampaykushkä>>.

Números 25:1

Sitimcho taykarmi Israel runakuna moabita warmikunawan kakuyarqan.

Éxodo 23:13

<

1 Timoteo 6:10

Qellaylapaq wachakash kaqkunaqa imaykaläya jusatami jusalikuyan. Wakin wawqi panikunapis rïcuyaylapaq yarpachakurmi Jesucristuman yärakuyannasu. Nirkurmi imayka tuksikushnöraq fiyupa nakaykäyan.

Lucas 12:15

Nirkurmi runakunata nirqan: <>.

Levítico 15:18

Warmiwan kakurqa ishkan armakuyanqa. Armakurpis pasa sakashqanyaqmi impüru kanqa.