Efesios 5:11 - Tayta Diospa Wilakuynin

¹¹ Tayta Diosta mana cäsukuq runakuna lutankunata rurayaptinpis qamkunaqa ama rurayaysu. Saypa trukanqa lutan ruraykunata kachariyänanpaq tantiyasiyanki.

Efesios 5:11 Referans Kwoze

Romanos 13:12

Pasa waränanpaqnöna kaykaptinqa jusalikuykunata kacharir Tayta Dios munashqannöna kawanansipaq shumaq yarpachakushun. Sakäpakushno kawanansipa trukanqa aksichönöna kawashun. Espädan kamarikush soldädu kaykaqno noqansipis kaykäshun.

1 Timoteo 5:20

Jusalikuyta mana kachariptinqa lapanpa nawpancho payta rimanki. Sayno rimaptikimi wakinpis mansapakur mana jusalikuyänanpaq tantiyakuyanqa.

2 Tesalonicenses 3:6

Wawqi panikuna, Señor Jesucristupa jutinchömi qamkunata nikä: Yachasiyashqäta mana cäsukuq qela wawqi panikunapita witikuyay.

Romanos 16:17

Wawqi panikuna, pipis chikinakuyänaykipaq o Jesucristupa wilakuyninta mana cäsupäyänaykipaq shimita qoyäshuptiki ama chaskipäyaysu. Shimita qoqkunaqa lutantami yachasiyäshunki. Sayno kaqkunapitaqa witikuyanki.

Apocalípsis 18:4

Saypitanami wiyarqä jana pasapita nimuqta: <<¡Kuyashqä runakuna, Babiloniapita aywakuyay! ¡Mana jusalikuyänaykipaq witikuyay! Mana witikuyaptikiqa Babiloniaman castïgu chämushqannömi qamkunamanpis chämunqa.

Tito 2:15

Wawqi Tito, kay yäsishqäkunata pitapis mana mansapaypa yachasinki, shakyäsinki y tantiyasinki. Pipis manakaqman mana churashunaykipaq shumaq kawanki.

2 Tesalonicenses 3:14

Kay cartacho qelqamushqäta mayqanpis mana chaskikuptinqa paywan amana shuntakäyaynasu. Saynöpa capazmi penqakur tantiyakuyanman.

Romanos 6:21

Tayta Diosta mana cäsukur ¿ima alitataq jorquyashkanki? Tantiyakuriyaptikiqa say lutan rurayashqaykikuna lapanpis penqakuypaqmi kaykan. Sayno kawayashqaykipitami wanuyanki.

2 Timoteo 4:2

Chaskikuyänan o mana chaskikuyänan kaptinpis Tayta Diospa palabranta imaypis wilakuy. Mana ajayaypa shumaq tantiyasiy, anyapay y shakyäsiy.

2 Timoteo 3:5

Runakuna rikayänalanpaqmi Tayta Diosman yärakuq tukuyanqa. Sayno karpis jusalikurmi kawakuyanqa. Sayno kawaq runakunawan ama shuntakaysu.

Gálatas 6:8

Saynölami jusata rurarqa wanur ushakäshun. Espíritu Santu munashqanno kawarmi isanqa mana ushakaq kawayta tarishun.

Proverbios 29:1

Anyapäyashqanta mana chaskikuq runaqa elaqpitami ushakanqa.

Proverbios 13:18

Yäsishqanta mana chaskikuq runaqa penqaypaqmi muchuyman chanqa. Anyapashqanta chaskikuq runami isanqa respitash kanqa.

Levítico 19:17

<<

1 Tesalonicenses 5:7

Sakäpakushno kaqkunaqa punukashno y shinkashno karmi Jesucristo kutimunanpaq kashqanta tantiyakuyansu.

Lucas 3:19

Saynöpis mandaq Herodesta qayaparqan wawqin Felipipa warmin Herodíasta suwashqanpita y lutankunata rurashqanta.

Efesios 5:7

Wakin runakuna jusalikuyaptinpis paykunanöqa ama kayankisu.

Efesios 4:22

nawpata kawayashqaykino amana kawayaynasu, sinöqa makwa mödanata jitariqno unay kawayashqaykita kachariyay. Nawpataqa alita rurayashqaykita yarparpis lutan ruraykunaman umaykikuna churakashqami kayarqayki.

Isaías 29:21

Saynölami runa mayinta tumpaqkunata, juezkunata lulapaqkunata y jusaynaq runakunata manakaqta jitapaqkunatapis Tayta Dios ushakäsinqa.

Proverbios 25:12

Tantiyakuq runapaqqa yachaq runa yäsishqan kaykan qoripita rurash sortïjano y qoripita rurash walqanömi.

Salmo 141:5

Ali runa corrigimar astamaptinpis chaskikümi. Anyapämashqanta cäsukümi. Jusalikuqkuna yäsiyämashqantami isanqa wiyaytapis munäsu. Paykunata castigananpaqmi Tayta Diosta imaypis manakuykä.

Génesis 20:16

Nirkurnami Saratapis nirqan: <>.

Proverbios 19:25

Mana tantiyakuq runaqa shimisapa runata castigaqta rikakurraqmi tantiyakun. Tantiyakuq runami isanqa yäsishlanwan tantiyakun.

Proverbios 15:12

Respëtuynaq runaqa pï corrigiptinpis rabyakunmi. Tantiyakuq runawanqa manami shuntakayta munansu.

Mateo 18:15

<

Jeremías 15:17

Runakuna shuntakar kushikuyaptinpis paykunawan manami shuntakäsu. Wilakunäpaq akramashqaykipitami runakunawan shuntakänäpa trukanqa jukläman jamakü. Jusalikuyaptin rabyanashqaykinömi noqapis jusalikuyaptin rabyanä. Say rabyanaytaqa qammi shonqüman churamushkanki.

Proverbios 1:31

Lutan ruraq kayashqaykipitami nakayanki. Jusalikuyashqaykipitapis chunkataran pësakuyanki.

1 Timoteo 6:5

Lutan yachasikuqkunaqa kikinpurapis manakaqkunalapitami rimanakuyan. Lutan yarpaykunaman uman churakash karmi Jesucristupa wilakuynin ima kashqantapis tantiyayansu. Saynöpis yarpäyan Diosta sirvir rïcuyäyänanpaq kashqantami. [Paykunawanqa ama shuntakäyaysu.]

Proverbios 1:10

Hïju, mana ali amïgukuna jusalikuyman inkitayäshuptiki ama cäsupaysu.

Proverbios 28:4

Leykunata mana cäsukuq runaqa yaqa runatami alaban. Leykunata cumpliq runami isanqa yaqa runata chaskipansu.

Hechos 26:18

Nishqäkunata wilaptikimi runakuna tantiyakur sakäpakushno kawayashqanpita asikyaqchönöna kawayanqa. Satanáspa munaynincho kawayashqanpita Tayta Diospa makinchöna kawayanqa. Noqaman yärakayämaptinmi jusalikuyashqanta perdonashaq. Saynöpami salvash kaqkunawan Tayta Diospita herenciata chaskiyanqa>.

Efesios 5:12

Paykuna pakaylapa jusalikuyashqan pasaypa penqakuypaqmi kaykan. Saykunataqa ama parlaylapis parlayaysu.

Colosenses 1:12

y imaypis kushish agradëcikuyänaykipaqmi. Paymi salvamashkansi lapan salvashqan kaqkunawan herenciansita chaskir gloriacho kawanansipaq.

1 Timoteo 5:22

Mayor wawqi kananpaq churayta munar pipa umanmanpis makikita lutalaqa ama churankisu. Jusalikuq runaman makikita churarqa qampis jusayuqmi kanki. Kikikipis Tayta Dios munashqannöla kaway.