Efesios 4:5 - Tayta Diospa Wilakuynin

⁵ Juklaylami Señorninsipis. Juklaylamanmi yärakuykansi. Juklaylami bautismu.

Efesios 4:5 Referans Kwoze

1 Corintios 8:6

Sayno yarpäyaptinpis noqansipaqmi isanqa juklayla Dios kaykan. Payqa Tayta Diosmi kaykan. Lapantapis paymi kamash. Noqansipis payta sirvinansipaqmi kawansi. Señor Jesucristupis juklaylami kaykan. Paywanmi Tayta Dios lapantapis kamarqan. Paymi kawaytapis qomansi.

1 Corintios 12:13

Saymi Israel runa kashqapis y mana Israel runa kashqapis, ashmay kashqapis y mana ashmay kashqapis bautizakuptinsi lapansita Espíritu Santu churamashkansi paypa cuerpun kanansipaq. Say cuerpula kashqami lapansita Tayta Dios Espíritu Santuta qomashkansi.

1 Pedro 3:21

Say yakuqa bautizakushqansi yakunömi kaykan. Bautizakushqansiqa manami cuerpunsi limpiu kananpaqsu kaykan, sinöqa jusalikuykunata kacharir Tayta Dios munashqanno kawanansipaqmi. Saymi Jesucristo kawarimush kaptin salvakunsi.

Romanos 3:30

Tayta Diosqa juklaylami. Saymi Israel runatapis mana Israel runatapis Jesucristuman yärakuyaptin salvaykan.

Mateo 28:19

Saymi maysay markakunapapis aywar runakunata yachasiyanki discïpulü kayänanpaq. Paykunata bautizayanki Tayta Diospa jutincho, Surinpa jutincho y Espíritu Santupa jutincho.

1 Corintios 1:13

Sayno nirqa lutantami nikäyanki. ¿Jesucristuqa askaman rakikashsuraq kaykan? ¿Noqasuraq qamkuna rayku cruzcho wanushkä? ¿Noqapa jutïchösuraq bautizakuyashkanki?

Judas 1:3

Kuyay wawqi panikuna, noqa yarparqä Jesucristo salvamashqansipita cartakamuytami. Sayno yarparpis kanan qelqaykämü lutan yachasikuqkunata ichipäyänaykipaqmi. Tayta Diospa wilakuyninqa manami imaypis trukakansu ni yapakansu. Say wilakuynintami Tayta Dios mayna tantiyasimashkansi.

2 Corintios 11:4

Sayno kaykaptinqa ¿imanirtaq chaskikuykäyanki lutan yachasikuqkuna <> niyäshuptiki y <> niyäshuptiki y <> niyäshuptiki?

Zacarías 14:9

Say wisanqa intëru kay pasacho Tayta Dioslami rey kanqa. Saymi maysaychöpis pay japalantana alabayanqa.

Filipenses 2:11

Saychömi pïmaypis niyanqa Jesucristo Señorninsi kashqanta. Sayno nirmi Tayta Diosta lapanpis alabayanqa.

Efesios 4:13

Sayno kaptinqa lapansi juk shonqula kar y Tayta Diospa Surinman yärakur Jesucristo kawashqanno noqansipis kawashun.

Gálatas 5:6

Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.

1 Corintios 12:5

Saynölami Señor Jesucristuta jukno jukno sirvishqapis payqa juklayla kaykan.

1 Corintios 1:2

Corinto markacho Tayta Dios kuyashqan yärakuq mayikuna: Qamkunapaqmi Tayta Dios kayno nirqan: <>. Sayno kayaptikimi qayayäshushkanki pay munashqanno santu kawayänaykipaq. Saynölami maycho täyaptinpis payman lapan yärakuqkunata qayash. Saymi Jesucristuqa paykunapapis y noqansipapis Señorninsi kaykan.

Judas 1:20

Kuyay wawqi panikuna, Jesucristupa wilakuyninta yachakush kaykarqa payman yärakur imaypis kawayay. Saynöpis Espíritu Santu tantiyasiyäshushqaykinöla Tayta Diosta manakuyay.

Hebreos 13:7

Tayta Diospa palabranta yachasishuqnikikunata yarpäyay. Tayta Diosta sirvir alikunata rurayashqanta tantiyakur paykuna yärakuyashqanno qamkunapis Tayta Diosman yärakuyay.

Hebreos 6:6

Tayta Diosta ñëgaptinqa Tayta Diosman yapay kutisiyta manami kamäpakunsisu. Jesucristuta yapay crucificaqno say runa kaptinmi wakin runakunapis Jesucristuta manakaqman churayan.

Tito 1:4

Tito, noqa yärakushqäno Jesucristuman yärakurmi kuyay surïno kaykanki. Papäninsi Tayta Dios y salvamaqninsi Jesucristo kuyapäshushpayki ali kawanaykipaq yanapaykuläshunki.

Tito 1:1

Noqa Pablo, Tayta Diospa sirviqnin y Jesucristupa apostolnin karmi, Tayta Dios akrashqan kaqkunata wilakuyninta yachaykäsï Jesucristuman yärakur pay munashqanno kawayänanpaq.

Filipenses 3:8

Señornï Jesucristuta reqishqämanqa manami imapis tinkunsu. Saymi nawpata rurashqäkunaman yärakunäpa trukan Jesucristumanna yärakü. Nawpata rurashqäkunaqa manami imapaqpis välimansu.

Hechos 10:36

Sayno kuyapämashpansimi Jesucristo kayninpa perdonamansi paywan ali kawanansipaq. Jesucristuqa lapanpapis Señorninmi kaykan. Say ali wilakuytami Israel runakunata Tayta Dios musyasirqan.

Hechos 2:36

<>.

2 Pedro 1:1

Yärakuq mayïkuna: Noqa Simón Pedro, Jesucristupa sirviqnin y apostolnin karmi, qamkunapaq kay cartata cartakaykämü. Qamkunatapis Jesucristo kuyapäyäshushpaykimi noqakunatano salvayäshushkanki. Payqa Diosninsimi y salvamaqninsimi.

Santiago 2:18

Wakin runakuna niyan: <>. Sayno niyaptinpis noqa nï: Mana yanapäkuq karqa manami rasunpaypasu Tayta Diosman yärakuykäyanki. Runa mayikita yanaparmi isanqa Tayta Diosman rasunpaypa yärakuykäyanki.