Efesios 4:21 - Tayta Diospa Wilakuynin

²¹ Jesucristupa ali wilakuyninta rasunpaypa chaskikush kaykarqa y pay munashqanno kawayänaykipaq yachakuykarqa

Efesios 4:21 Referans Kwoze

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.

Efesios 1:13

Qamkunapis ali wilakuyninta wiyarmi Jesucristuman yärakur salvakuyashkanki. Saynöpami promitishqan Espíritu Santuwan Tayta Dios shonquykikunata sëllayäshushkanki.

Colosenses 2:7

Shumaq jaqwäkush jacha mana lukikashqanno y shumaq cimientush wayi mana juchushqanno paycho imaypis kawayay. Yachakuyashqaykinöla Jesucristuman yärakur imaykapitapis Tayta Diosninsita agradëcikuyay.

Juan 14:17

Payqa rasun kaqta tantiyasikuq Espíritu Santumi kaykan. Tayta Diosta mana cäsukuqkunaqa Espíritu Santutapis manami chaskikuyanqasu. Sayno chaskikuyanqasu payta mana ashir y payta mana reqirmi. Qamkunami isanqa reqiyanki qamkunawan kaykaptin y qamkunacho kananpaq kaptin.

2 Corintios 11:10

Tayta Dios musyanmi rasun kaqlata nikashqäta. Jesucristupa ali wilakuyninta mana manakuylapa wilakunäpaq manami intëru Acaya provinciacho pipis michämanmansu.

2 Corintios 1:20

Jesucristuta kachamurmi Tayta Dios lapan promitishqankunata cumpliykan. Saymi Jesucristuman yärakur Tayta Diosta alabashpansi <<¡Amén!>> ninsi.

Juan 14:6

Saymi Jesús nirqan: <

Juan 10:27

<

Juan 1:17

Leyninkunataqa Moiséswanmi Tayta Dios wilakasirqan. Kuyapäkuq kayninta y rasunpa kaq wilakuynintami isanqa Jesucristuwan tantiyasimashkansi.

Lucas 10:16

Sayno nirkushpanmi discïpulunkunata nirqan: <>.

Mateo 17:5

Pedro sayno nikashqan hörami chipipiykaq pukutay paykunata sapakurkurqan. Pukutaypitanami Tayta Dios nimurqan: <>.

Salmo 45:4

4 (5) Munayyuq karmi cawalluta loqakurkur vinciq vinciqlana guërraman aywanki. Promitiyämashqaykita cumplirmi sapäyämänaykipaqmi yarqunki. Humildikunapa favornin pelyarmi fiyu runakunata imaypis vincinki. Aluq kaq makikiwanmi espantaypaq kaqkunata imaypis ruranki.

Romanos 10:14

¿Imanöparaq salvananpaq manakuyanqa Jesucristo salvamaqninsi kashqanta manaraq criyirqa? ¿Imanöparaq criyiyanqa wilakuyninta manaraq wiyarqa? ¿Imanöparaq wiyayanqa pipis mana wilapaptinqa?

Efesios 2:17

Kay pasaman Jesucristo shamurmi Tayta Diospa makincho ali kawanansipaq kaq wilakuyta wilakurqan. Say wilakuyqa Tayta Diospita karucho kaykaq mana Israel runakunapaq y paypa nawpancho kaykaq Israel runakunapaqmi.

Colosenses 1:5

Tayta Dioswan gloriacho imayyaqpis kawayänaykipaq kashqanta musyarmi sayno kawaykäyanki. Jesucristupa wilakuyninta chaskikuyashqaykipita pasami gloriacho kawayänaykipaq kashqanta musyayashkanki.

Colosenses 1:6

Jesucristupa ali wilakuynin qamkunaman chämushqannömi maysaymanpis chaykan. Say ali wilakuyta chaskikurmi Tayta Dios munashqannöna kawaykäyan. Qamkunapis Jesucristupa ali wilakuyninta chaskikuyashqaykipita pasami Tayta Dios kuyapäkuq kashqanta tantiyakur pay munashqannöna kawaykäyanki.