Efesios 4:16 - Tayta Diospa Wilakuynin

¹⁶ y noqansi cuerpun kaptinsimi jukninsi jukninsi yanapänakunansipaq churamansi. Saymi moqunsikuna sararänakushqanno yanapänakur kuyanakunansipaq tantiyakushun.

Efesios 4:16 Referans Kwoze

Colosenses 2:19

Jesucristo iglesiapa uman kaptinpis say runakunaqa manami cäsukuykäyansu. Moqunsikunata anku ankunsikuna sararashqannömi noqansitapis Jesucristo makincho sararaykämansi paywan juklaylano kanansipaq. Sayno karmi Tayta Dios munashqanno kawayta yachakunsi.

Juan 15:5

<

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.

Efesios 4:12

Paykunata Jesucristo churash yärakuq mayinkunata shakyäsir yachasiyänanpaqmi. Sayno yachasiyaptinmi kamarikush kaykäyanqa Tayta Dios munashqanta rurar Jesucristupa cuerpun iglesiata lapanchöpis yanapäyänanpaq.

1 Corintios 13:13

Kananqa yärakur, shuyakur y kuyanakurmi kawaykansi. Lapanpitapis mas aliqa kaykan kuyanakushqansimi.

Efesios 4:15

Saypa trukanqa jukninsi jukninsipis kuyanakur rasun kaqlata imaypis parlashun. Saynöpami Jesucristo kawashqanno noqansipis kawashun. Jesucristo umansi kaptin

1 Timoteo 1:5

Say lutan yachasikuqkunata michänaykipaq nikä wawqi panikuna rimanakuyänanpa trukan kuyanakuyänanpaqmi. Sayno kuyanakuyänanpaqqa mana jusalikuypa alilata rurar kawayäsun y lapan shonqunwan Tayta Diosman yärakuyäsun.

1 Tesalonicenses 2:13

Tayta Diospa ali wilakuyninta wilapäyaptï manami runakunapa yarpaynin kashqantasu yarpäyashkanki, saypa trukanqa Tayta Diospa wilakuynin kashqantami. Sayno tantiyarmi lapan shonquykikunawan chaskikuyashkanki. Wilakuyninta wiyarmi tantiyakuyashkanki pay munashqanno kawayänaykipaq. Saymi imaypis Tayta Diosta agradëcikuyä.

Filipenses 1:9

Saymi Tayta Diosta manakuykä shumaq tantiyakuyashpayki payta kuyashpayki jukniki juknikipis kuyanakuyänaykipaq.

Efesios 3:17

Saynöpis manakü shumaq yärakuyaptiki Jesucristo shonquykikunacho tänanpaqmi. Saynöpami shumaq jaqwäkush jachano y ali cimientush wayino kar paypa kuyakuynilancho kawayankipaq.

1 Pedro 1:22

Wilakuyninta cäsukuyaptikimi Tayta Dios purificayäshushkanki kuyanakur kawayänaykipaq. Sayno kaykaptinqa lapan shonquykikunawan jukniki juknikipis kuyanakur kawayay.

Efesios 3:7

Say ali wilakuyninta wilakunäpaqmi Tayta Dios kuyakuq kar munayninwan churamash.

Efesios 1:4

Kay pasata manaraq kamarmi Jesucristuman churamashpansi Tayta Dios akramashkansi paypa nawpancho jusaynaq y santu kanansipaq.

Gálatas 5:22

Santu Espïritupa munaynincho kawarmi isanqa kuyanakunsi, kushikunsi, jawka kawansi, pacienciakunsi, ali shonqu kansi, yanapäkuq kansi, awnishqansita cumplinsi,

1 Juan 4:16

Kananqa Tayta Dios kuyamashqansita musyarmi payman yärakuykansi. Tayta Diosqa kuyakuqmi kaykan. Noqansipis kuyanakurqa paywanmi kaykansi y paypis noqansiwanmi kaykan.

2 Tesalonicenses 1:3

Wawqi panikuna, Jesucristuman waran waran mas yärakuyashqaykita y runa mayikita kuyayashqaykita musyarmi Tayta Diosta imaypis agradëcikuyä.

1 Tesalonicenses 3:12

Señor Jesucristo yanapaykuyäläshunki qamkunata kuyashqänöla kikikipura y wakin runakunawanpis kuyanakuyänaykipaq.

1 Tesalonicenses 1:3

payman yärakur alilata rurayashqaykipita, pïmaywanpis kuyanakuyashqaykipita y imano nakarpis Señor Jesucristo kutimunanta shuyaraykäyashqaykipitami.

Gálatas 5:6

Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.

1 Corintios 8:1

Ïdulukunapaq pishtayashqan aysakunapita tapukayämashqaykita kanan tantiyasiyäshayki. Musyämi <> niyashqaykita. Sayno niyaptikipis wakin yachaqkunaqa orgullösumi rikakuyan. Kuyapäkuq kaqkunami isanqa runa mayinta ali yanapäyan.

Romanos 12:4

Cuerpunsicho aska partinsikuna karpis juk cuerpulachömi kaykan. Sayno karpis manami say ruraylatasu rurayan.

1 Corintios 10:17

Santa Cënacho juk tantalata askaq mikuykarpis juk cuerpulami kaykansi.