Efesios 4:13 - Tayta Diospa Wilakuynin

¹³ Sayno kaptinqa lapansi juk shonqula kar y Tayta Diospa Surinman yärakur Jesucristo kawashqanno noqansipis kawashun.

Efesios 4:13 Referans Kwoze

Colosenses 1:28

Saymi Tayta Dios yachayta qoyämashqan tupu Jesucristupa wilakuyninta lapan runakunata wilapar shumaq tantiyasiyä. Sayno wilakuyä Jesucristuta pïmaypis chaskikur Tayta Diospa nawpanman jusaynaqna chäyänanpaqmi.

Juan 17:21

Noqansi juklayla kashqansino kikinpurapis y noqansiwanpis juklaylano kawayänanpaq yanapaykulay. Sayno kawayashqanta rikarmi wakin runakunapis tantiyakuyanqa kachamashqayki Cristo kashqäta.

Efesios 4:5

Juklaylami Señorninsipis. Juklaylamanmi yärakuykansi. Juklaylami bautismu.

Efesios 4:3

Espíritu Santu yanapäyäshushqaykinöla yärakuq mayikikunawan juk shonqula jawka kawayay.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.

Hebreos 5:14

Qamkunaqa mikuyta mikuqnöna kayankiman. Sayno karqa ali kaqta y mana ali kaqta tantiyarmi Tayta Dios munashqanno kawayankiman.

Filipenses 3:8

Señornï Jesucristuta reqishqämanqa manami imapis tinkunsu. Saymi nawpata rurashqäkunaman yärakunäpa trukan Jesucristumanna yärakü. Nawpata rurashqäkunaqa manami imapaqpis välimansu.

1 Corintios 14:20

Wawqi panikuna, wamrakuna mana tantiyakuypa yarpäyashqanno ama yarpäyaysu. Saypa trukanqa yäpa runakunano shumaq tantiyaykur yarpachakuyay.

Efesios 1:23

Noqansinami iglesian kar cuerpun kaykansi. Saymi pay munashqanno kawanansipaq imaypis yanapaykämansi. Paypa makinchömi lapan imaykapis kaykan.

Hechos 4:32

Jesucristuman yärakuqkuna lapanpis say yarpaylami kayarqan. Saymi imatapis kikinkunapaq churakuyänanpa trukanqa nistäyashqanman tupu rakipänakuyaq.

Zacarías 14:9

Say wisanqa intëru kay pasacho Tayta Dioslami rey kanqa. Saymi maysaychöpis pay japalantana alabayanqa.

1 Juan 5:20

Musyansimi Tayta Diospa Surin Jesucristo kay pasaman shamur Tayta Diosta reqinansipaq tantiyasimashqansita. Saymi Tayta Diospa y Surin Jesucristupa makincho kawaykansi. Jesucristuqa kikin Diosmi kaykan. Paymi mana ushakaq kawayta qomansi.

Sofonías 3:9

<

Efesios 4:12

Paykunata Jesucristo churash yärakuq mayinkunata shakyäsir yachasiyänanpaqmi. Sayno yachasiyaptinmi kamarikush kaykäyanqa Tayta Dios munashqanta rurar Jesucristupa cuerpun iglesiata lapanchöpis yanapäyänanpaq.

Efesios 2:15

Sayno shuntamashkansi Israel runakunapa leyninkunata, mandamientukunata y reglamentukunata anularmi. Jesucristucho mushuq runa kanansipaqmi Israel runakunatapis y mana Israel runakunatapis shuntamashkansi.

2 Corintios 4:6

Sayno kaykäyä chipipiykaq aksitano ali wilakuyninta shonqükunaman Tayta Dios churamush kaptinmi. Sayno churamush kay pasata kamar sakaycho asikyay kananpaq nishqannölami. Saymi Tayta Dios imano kashqantapis Jesucristucho shumaq tantiyaykäyä.

1 Corintios 1:10

Wawqi panikuna, Señor Jesucristupa jutinchömi qamkunata ruwä mana chikinakuypa juk shonqula y say yarpayla kawayänaykipaq.

Juan 17:3

Mana ushakaq kawayta tariqkunaqa qamtami reqiyäshunki. Saynölami noqatapis reqiyäman. Saynöpami tantiyakuyan japalayki Dios kashqaykita y noqata kachamashqaykita.

Juan 16:3

Sayno rurayäshunki noqata mana reqimar ni Taytätapis mana reqirmi.

Isaías 53:11

Nakashqan alipaq kashqanta rikarmi kushikunqa. Tayta Diosmi nin: <

Mateo 11:27

Nirkurnami saycho kaykaq runakunata nirqan: <>.

Juan 1:16

Payqa shumaq kuyakuq karmi lapansita imaypis kuyapämansi.

Juan 6:69

Noqakuna qammanmi criyiyä. Qamqa Tayta Dios kachamushqan santu runami kaykanki>>.

1 Corintios 2:6

Yachaq runakuna yarpäyashqanno mana yachasirpis Tayta Diospa wilakuyninta shumaq tantiyakurmi payman yärakuqkunata yachasï. Tayta Diospa wilakuyninqa manami yachaq runakuna ni munayyuq runakuna yarpäyashqannösu kaykan. Say runakunaqa ushakaqlami kaykäyan.

Gálatas 4:19

Kuyay wamräkuna, Jesucristuno kawayänaykita munarmi wachay nanay sariptin warmi lakikushqanno noqapis qamkunapaq fiyupa lakikü.

Efesios 1:17

Saynöpis Señorninsi Jesucristupa Papänin munayyuq Tayta Diostami manakü Espíritu Santuwan tantiyasiyäshuptiki payta reqiyänaykipaq.

Filipenses 3:10

Jesucristuta masmi reqiyta munä. Payta Tayta Dios munayninwan kawarisimushqanno noqatapis say munayninwan yanapämänantami munä. Saymi Jesucristo nakashqanno nakarpis y payta wanusiyashqanno wanusiyämaptinpis pay cäsukushqanno noqapis cäsukushaq.

2 Pedro 1:4

Saynölami imaypis yanapämänansipaq promitimashkansi. Sayno yanapämäshun jusaynaq kashqanno noqansipis jusalikuyta kacharir jusaynaqna kanansipaqmi.