Efesios 4:12 - Tayta Diospa Wilakuynin

¹² Paykunata Jesucristo churash yärakuq mayinkunata shakyäsir yachasiyänanpaqmi. Sayno yachasiyaptinmi kamarikush kaykäyanqa Tayta Dios munashqanta rurar Jesucristupa cuerpun iglesiata lapanchöpis yanapäyänanpaq.

Efesios 4:12 Referans Kwoze

Efesios 4:16

y noqansi cuerpun kaptinsimi jukninsi jukninsi yanapänakunansipaq churamansi. Saymi moqunsikuna sararänakushqanno yanapänakur kuyanakunansipaq tantiyakushun.

1 Corintios 12:27

Qamkunaqa Jesucristupa cuerpunmi kayanki. Cada ünuykikunami saycho juk parti kayanki.

Romanos 15:14

Wawqi panikuna, musyämi ali shonqu kayashqaykita, Tayta Diospa wilakuyninta yachakuyashqaykita y wakintapis tantiyasiyänaykipaq yachaq kayashqaykita.

1 Corintios 14:26

Sayno kaptinqa wawqi panikuna, shuntakäyashqaykicho salmukunata cantarpis, Jesucristupa wilakuyninta yachasirpis, Tayta Dios tantiyasiyäshushqaykikunata wilakurpis, runakuna mana tantiyayashqan idiömacho parlarpis y say parlashqanta tantiyasirpis lapanta rurayay yärakuq mayikikuna Tayta Dios munashqanno kawayänanpaq.

Romanos 14:19

Sayno kaptinqa shumaq yarpachakushun yärakuq mayinsikunawan ali kawanansipaq y shakyäsinakur Tayta Dios munashqanno kawanansipaq.

1 Timoteo 1:12

Señorninsi Jesucristutami agradëcikü wilakuyninta wilakunäpaq yanapämashqanpita. Saynöpis agradëcikü yärakamashpan wilakuyninta wilakur purinäpaq churamashqanpitami.

1 Corintios 14:12

Saynölami qamkunapaqpis wilakuyaptiki kaykan. Saymi Espíritu Santu habilidäta qoyäshunaykita munarqa wawqi panikunata tantiyayashqan idiömacho shumaq yachasiyänaykipaq payta manakuyänayki.

Hebreos 13:17

Mayor wawqikunata cäsukuyay. Paykunaqa shumaq rikayäshunaykipaqmi waran waran yarpachakuykäyan. Saynöpis ali o mana ali rikayäshushqaykipitami Tayta Diosta cuentata qoyanqa. Sayno kaykaptinqa ama lakikasiyaysu, saypa trukanqa shakya shakyala rikayäshunaykipaq yäsiyäshushqaykita chaskikuyay. Lakikasiyaptikiqa manami qamkunapaqpis alisu kanqa.

Hebreos 6:1

Jesucristupita yachakurqa ama qalaykunan kaq yachasikuykunalataqa yachakushunsu, sinöqa qalaykunanpita ushananyaq shumaq yachakushun. Saynöpami wamranöla kanansipa trukan poqukash runanöna kashun. Manami yaparir yaparir yachakushwansu Jesucristuta chaskikur jusalikuykunata wanakunansipaq kashlanta, Tayta Diosman yärakunansipaq kashlanta,

2 Corintios 6:3

Noqakuna wilakuyashqäta pipis manakaqman mana churayänanpaqmi imatapis lutanta rurayäsu.

2 Corintios 5:18

Sayno kanansipaq kikin Tayta Diosmi kamakäsish. Paymi Jesucristo noqansi rayku wanuptin perdonamashkansi. Saynöpis lapan runakuna paywan amistayänanpaqmi wilakuyninta wilakuyänäpaq churayämash.

Lucas 22:32

Saymi Tayta Diosta manakushkä yärakuyniki mana ushakänanpaq. Saymi noqaman yapay yärakamarna discïpulu mayikikunata shakyäsinki shumaq noqaman yärakayämunanpaq>>.

2 Timoteo 4:5

Qamqa Tayta Dios munashqanno kawanaykipaq shumaq tantiyakuy. Imano nakarpis payman yärakuy. Wilakuyninta pïmaytapis wilapay. Mana qelanaypa Tayta Diosta sirviy.

Colosenses 4:17

Wawqinsi Arquiputa niyanki: <>.

Colosenses 1:28

Saymi Tayta Dios yachayta qoyämashqan tupu Jesucristupa wilakuyninta lapan runakunata wilapar shumaq tantiyasiyä. Sayno wilakuyä Jesucristuta pïmaypis chaskikur Tayta Diospa nawpanman jusaynaqna chäyänanpaqmi.

Colosenses 1:24

Mana Israel runakunata wilapashqäpita nakasiyämaptinmi Jesucristo iglesianpaq nakashqankunata cumplï. Paypa iglesianqa cuerpunmi kaykan. Saymi lakikunäpa trukan kushikü.

Efesios 1:23

Noqansinami iglesian kar cuerpun kaykansi. Saymi pay munashqanno kawanansipaq imaypis yanapaykämansi. Paypa makinchömi lapan imaykapis kaykan.

2 Corintios 12:19

Kay cartata apasiyämushqäta liyir capaz yarpäyanki sapakuyänaläpaq qelqayämushqäta. Kuyay wawqi panikuna, manami sapakuyänäpaqsu qelqaykämü, sinöqa tantiyakuyashpayki Tayta Dios munashqanno kawayänaykipaqmi. Jesucristuta sirviq karmi Tayta Diospa nawpancho qamkunata yäsikä.

2 Corintios 7:1

Kuyay wawqi panikuna, Tayta Dios sayno nikämashqaqa lapan jusansikunata kacharishun. Jusalikurqa cuerpunsitapis espïritunsitapis qanratansimi. Sayno kaykaptinqa Tayta Diosta mansapakur pay munashqanno imaypis kawashun.

2 Corintios 4:1

Tayta Dios kuyapäyämashpan wilakuyninta wilakuyänäpaq churayämash kaptinmi conträ sharkuyaptinpis lakikuyäsu.

2 Corintios 3:8

Moisés apamushqan leykunapis sayno kushikuypaq kaykaptinqa ¿manaku Espíritu Santu apamushqan wilakuy mas kushikuypaq kaykan?

1 Corintios 14:14

Espíritu Santu parlasimaptin mana tantiyashqä idiömacho Tayta Diosta manakur kushikurpis manami tantiyäsu imata nikashqätapis.

Romanos 15:29

Qamkuna kaqman chämuptïmi Jesucristo yanapämäshun shakyäsinakur kushikunansipaq.

Romanos 15:2

imatapis rurashun yärakuq mayinsi Tayta Dios munashqanno kawayänanpaq.

Romanos 12:7

Yanapänansipaq churamaptinsiqa yanapäshun. Yachasinansipaq churamaptinsiqa yachasishun.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

Hechos 20:24

Sayta musyarpis manami lakiküsu. Noqaqa wanushqäyaqmi Señor Jesucristo nimashqanno [kushish] wilakushaq Tayta Dios kuyapäkuq kashqanta.

Hechos 11:23

Saycho mana Israel runakunatapis Tayta Dios kuyapashqanta rikarmi Bernabé fiyupa kushikurqan. Saymi paykunata shakyäsirqan shumaq cäsukur Tayta Diosman imaypis yärakuyänanpaq.

Hechos 9:31

Saypitanami Judeacho, Galileacho y Samariachöpis Jesúsman yärakuqkuna jawkalana kawayarqan. Tayta Diosta mansapakur pay munashqanno kawayänanpaq Espíritu Santu yanapaptinmi mas askayäyarqan.

Hechos 1:25

Akrashqayki runami apostolniki kanqa Judas Iscariotipa trukan. Jusalikurmi Judasqa nakay pasaman aywakush>>.

Hechos 1:17

Judas noqakunawanmi purirqan. Paytapis apóstol kananpaqmi Jesús akrarqan>>.

2 Timoteo 4:11

Lucaslanami noqawan kaykan. Shamurqa Marcusta pushakarkamunki. Payqa Tayta Diospa wilakuyninta wilakuptï alimi yanapämanqa.

Efesios 4:29

Ama imatapis lutankunata parlayaysu. Saypa trukanqa runa mayikita shakyäsiyänaykipaq ali kaqkunalata parlayay.

Efesios 4:4

Jesucristuman yärakuq kaqqa lapansimi juk cuerpula kaykansi. Juklaylami Espíritu Santupis. Juk salvacionlata chaskinansipaqmi Tayta Dios qayamashkansi.

2 Corintios 13:9

Saymi Tayta Diosta manakuykäyä lapanchöpis pay munashqanno kawayänaykipaq. Pay munashqanno kawayaptikiqa munayniynaq kayashqäta runakuna yarpäyaptinpis kushikuyämi.

1 Corintios 12:7

Cada ünunsimi Espíritu Santupita habilidäta chaskinsi jukninsi jukninsipis yanapänakunansipaq.

Romanos 12:5

Saynölami Jesucristuta chaskikuqkuna askaq karpis jukninsi jukninsipis juk cuerpunöla kaykansi.

2 Corintios 13:11

Wawqi panikuna, imaypis kushikuyay. Tayta Dios munashqanno kawayänaykipaq jukniki juknikipis shakyäsinakuyay. Mana chikinakuypa juk shonqula kawayay. Sayno kawayaptikimi kuyapäkuq y ali kawayta qomaqninsi Tayta Dios imaypis yanapäyäshunki.