Efesios 4:1 - Tayta Diospa Wilakuynin

¹ Sayno kaykaptinqa Jesucristupa wilakuyninta wilakushqäpita prësu kashpä qamkunata ruwä Tayta Dios munashqanno imaypis kawayänaykipaqmi. Sayno kawayänaykipaqmi Tayta Dios qayayäshushkanki.

Efesios 4:1 Referans Kwoze

Colosenses 1:10

Pay munashqanno kawar y imaypis alilata rurarmi waran waran payta reqiyankipaq.

Filipenses 1:27

Jesucristupa ali wilakuynin nishqannöla imaypis kawayay. Saynöpami shamurpis mana shamurpis musyashaq nakarpis lakikurpis Jesucristo munashqanno kawaykäyashqaykita y imaypis kuyanakuykäyashqaykita. Saynöpis musyashaq runakuna chikiyäshuptikipis Jesucristupa ali wilakuyninta wilakuykäyashqaykita.

1 Tesalonicenses 2:12

Saymi ruwayarqä, shakyäsiyarqä y tantiyasiyarqä Tayta Dios munashqanno kawayänaykipaq. Paymi qayayäshushkanki mandashqancho imayyaqpis paywan kawayänaykipaq.

2 Pedro 1:3

Payta reqiptinsimi munashqanno kawanansipaq Tayta Dios munayninwan tukuynöpa yanapaykämansi. Kuyapäkuq y alilata ruraq karmi sayno kawanansipaq qayamashkansi.

2 Timoteo 1:9

Tayta Diosmi salvamashpansi qayamashkansi pay munashqanno santu kanansipaq. Manami imatapis alita rurashqansipitasu salvamashkansi, saypa trukanqa jusayuq kashqapis kuyapämashpansimi salvamashkansi. Sayno kuyapämashkansi kay pasata manaraq kamar Jesucristuman churamashpansimi.

1 Corintios 4:16

Saymi qamkunata yäsï noqa kawashqäno qamkunapis kawayänaykipaq.

2 Tesalonicenses 1:11

Saymi Tayta Diosninsita imaypis manakuyä pay munashqanno kawayänaykipaq. Sayno kawayänaykipaqmi qayayäshushkanki. Munayninwan yanapaykuyäläshunki payman yärakur alikunata imaypis rurayänaykipaq.

Efesios 4:17

Sayno kaptinmi Señor Jesucristupa apostolnin kar qamkunata yäsï Tayta Diosta mana chaskikuq runakunano mana kawayänaykipaq. Paykunaqa toqshun sakish karmi

Génesis 17:1

Abram esqun chunka esqun (99) watayuq kaykaptinmi Tayta Dios yuriparkur nirqan: <

Romanos 12:1

Wawqi panikuna, qamkunatami ruwä Tayta Diospa makinman kawaynikita churaykuyänaykipaq. Pay kuyapaykäyäshuptikiqa kawaykaq santu sacrificiu kaykuyälay. Sayno karmi Tayta Dios munashqanno rasunpaypa sirviyanki.

Colosenses 2:6

Señor Jesucristuta chaskikushna kaykarqa pay munashqanno imaypis kawayay.

1 Pedro 3:9

Runa mayiki chikiyäshuptikipis ama chikiyankisu. Ashliyäshuptikipis ama ashliyankisu. Bendicionta chaskiyänaykipaq Tayta Dios akrayäshushqaykita musyaykarqa chikiyäshuqnikikunapis bendicionta chaskiyänanpaq Tayta Diosta manakuyanki.

2 Corintios 6:1

Wilakuqnin karmi qamkunata ruwakuyä kuyapäkuq Tayta Diosta mana yupaytupäyänaykipaq.

2 Juan 1:5

Saymi kanan qamta ruwakü jukniki juknikipis kuyanakuyänaykipaq. Kay mandamientu manami mushuqsu kaykan, sinöqa nawpapitanami musyashkansi.

1 Pedro 5:10

Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis.

1 Pedro 2:11

Kuyay wawqi panikuna, kay pasacho qorpanöla kayaptikimi qamkunata ruwakü lutan yarpashqaykikunata mana rurayänaykipaq. Say yarpaykunaqa contraykikunami kaykan.

Hebreos 13:21

Jesucristupa jutinchömi payta manakuyä imaypis yanapaykuyäshunaykipaq. Munashqanta rurayänaykipaq imayka ali kaqkunata kamaripaykuyäläshunki. Payqa imayyaqpis alabash kaykuläsun. [Amén.]

Filipenses 3:14

Premiuta chaskinanpaq yalinakur cörriqnömi noqapis Tayta Diospa nawpanman chänäpaq pay munashqanno kawaykä. Sayman chänäpaqmi Jesucristo kayninpa Tayta Dios qayamash.

Efesios 5:2

Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.

Efesios 4:4

Jesucristuman yärakuq kaqqa lapansimi juk cuerpula kaykansi. Juklaylami Espíritu Santupis. Juk salvacionlata chaskinansipaqmi Tayta Dios qayamashkansi.

Efesios 3:1

Saymi noqa Pablo, Jesucristupa ali wilakuyninta qamkunata y wakin mana Israel runakunatapis wilapashqäpita prësu wichqarashqächo...

Gálatas 4:12

Noqapis mana Israel runakunanölami Moisés qelqashqan leykunapa munayninchönasu kaykä. Wawqi panikuna, qamkunata ruwakü noqa kashqäno qamkunapis kayänaykipaqmi. Qamkuna alimi chaskiyämarqayki.

Génesis 5:24

Tayta Dios munashqanno kawashqanpitami Enocta Tayta Dios kawaykaqta pushakurqan.

Hebreos 3:1

Wawqi panikuna, gloriaman chäyänaykipaq Tayta Dios qayaykäyäshuptikiqa chaskikushqansi Jesucristo pï kashqantapis shumaq tantiyakuyay. Paymi apostolninsi y mandaq cüransi kaykan.

2 Corintios 10:1

Jesucristo kuyapäyäshuptikimi noqa Pablo qamkunata ruwakü. Wakinnikishi manakaqman churayämashpayki nikäyanki: <>.

Jeremías 38:20

Niptinmi Jeremías nirqan: <

Tito 2:10

y patronninpa imantapis mana suwapäyänanpaq. Saypa trukanqa patronnin yärakunanpaq alilata rurayäsun. Jesucristuta chaskikuq ashmaykuna sayno kawaqta rikarmi runakuna tantiyakuyanqa salvamaqninsi Tayta Diospa wilakuynin ali kashqanta.

Colosenses 4:12

Jesucristupa sirviqnin marka mayiki Epafraspis salüduntami apasikamun. Paymi lapan shonqunwan qamkunapaq imaypis manakuykan Tayta Dios munashqanno ali kawayänaykipaq.

2 Corintios 5:20

Saymi noqakunaqa Jesucristupa wilakuqninkuna kaykäyä. Wilakuqnin karmi Tayta Dios ruwakuykaqno Jesucristupa jutincho pïmaytapis kayno nir ruwakuyä: ¡Tayta Dioswan amistakuy!

Hechos 9:31

Saypitanami Judeacho, Galileacho y Samariachöpis Jesúsman yärakuqkuna jawkalana kawayarqan. Tayta Diosta mansapakur pay munashqanno kawayänanpaq Espíritu Santu yanapaptinmi mas askayäyarqan.

Romanos 11:29

Tayta Dios imatapis promitirqa cumplinmi. Pitapis salvananpaq akrarqa imaypis salvanmi.

Efesios 2:10

Jesucristucho kashqami alikunata rurar kawanansipaq mushuq kawayta Tayta Dios qomashkansi. Sayno kawanansipaqqa unaypita pasami destinamarqansi.