Efesios 3:9 - Tayta Diospa Wilakuynin

⁹ Unaypita mana musyayashqan wilakuyta pïmaytapis wilapänäpaqmi lapantapis kamaq Tayta Dios churamash.

Efesios 3:9 Referans Kwoze

Colosenses 1:26

Say wilakuyninta unay runakuna mana musyash kayaptinpis kananmi isanqa Tayta Dios musyasimashkansina.

Mateo 13:35

Sayno yachasirqan Tayta Diospa profëtan kayno nishqanta cumplinanpaqmi: <>.

2 Timoteo 1:9

Tayta Diosmi salvamashpansi qayamashkansi pay munashqanno santu kanansipaq. Manami imatapis alita rurashqansipitasu salvamashkansi, saypa trukanqa jusayuq kashqapis kuyapämashpansimi salvamashkansi. Sayno kuyapämashkansi kay pasata manaraq kamar Jesucristuman churamashpansimi.

Colosenses 3:3

Qamkunaqa jusalikuypaq wanushna karmi Jesucristuwan Tayta Diospa nawpancho kawaykäyanki. Sayno kawayashqaykita runakuna kanan mana rikarpis

Mateo 28:19

Saymi maysay markakunapapis aywar runakunata yachasiyanki discïpulü kayänanpaq. Paykunata bautizayanki Tayta Diospa jutincho, Surinpa jutincho y Espíritu Santupa jutincho.

Isaías 44:24

Israel runakuna, mamaykipa pachancho kamashuqniki y salvashuqniki Tayta Diosmi nishunki: <

Salmo 33:6

Tayta Dios niskilaptinmi jana pasapis rurakaskirqan. Mandaskilaptinmi intipis, killapis y qoyllarkunapis yuriskirqan.

Apocalípsis 4:11

<>.

Tito 1:2

Tayta Dios kay pasata manaraq kamar promitishqannölami pay akrashqan kaqkuna gloriacho imayyaqpis kawayanqa. Tayta Diosqa manami lulakunsu, sinöqa promitishqanta imaypis cumplinmi.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.

1 Pedro 1:20

Kay pasatapis manaraq kamar Tayta Dios destinash kaptinmi noqansi kawashqansi wisanraq Jesucristo kuyamashpansi shamush.

2 Timoteo 4:17

Paykuna kachariyämaptinpis Tayta Diosqa noqawan karmi shakyäsimash. Saymi mana Israel autoridäkunapa nawpanchöpis ali wilakuyninta wilakunäpaq yanapämash. Wanusiyämänanpaq kaykaptinpis leonpa shiminpitanöpis Tayta Diosmi salvamash.

2 Tesalonicenses 2:13

Wawqi panikuna, qamkunataqa Tayta Diosmi kuyayäshushpayki qalaykunanpita akrayäshushkanki salvayäshunaykipaq. Kananqa Jesucristupa wilakuyninta chaskikur payman yärakuyaptiki y Diospa makincho kawayänaykipaq Espíritu Santu yanapäyäshuptikimi salvakuyashkanki. Saypitami Tayta Diosta imaypis agradëcikuyä.

Colosenses 1:23

Nawpanman chänansipaqqa Jesucristuman imaypis yärakushun. Ali wilakuynincho nimashqansita imaypis wiyakushun. Say wilakuytaqa maysaychöpis wilakuykäyanmi. Saynölami noqapis wilakuykä wilakuqnin kanäpaq Tayta Dios akramash kaptin.

Efesios 1:4

Kay pasata manaraq kamarmi Jesucristuman churamashpansi Tayta Dios akramashkansi paypa nawpancho jusaynaq y santu kanansipaq.

1 Corintios 2:7

Diospa yachayninta yachasiyashqäqa runakuna mana musyayashqanmi kaykan. Say yachaynintami imapis manaraq kaptin Tayta Dios churarqan gloriacho kushish kawanansipaq.

Hechos 15:18

Noqa Tayta Diosmi sayno kananpaq nï. Sayno kananpaq unaypita pasami musyasirqä>.

Juan 10:30

Taytäwan noqa juklaylami kä>>.

Juan 5:19

Saymi Jesús nirqan: <

Juan 5:17

Saypitanami paykunawan tinkur Jesús nirqan: <>.

Lucas 24:47

Saynöpis nikan Jerusalénpita qalaykur lapan markakunacho wilakuyänanpaq kashqanta y paypa jutincho wilakuyaptin runakuna jusankunata wanakur perdonashna kayänanpaq kashqanta.

Mateo 25:34

<

Mateo 10:27

Sayno kaykaptinqa pakaylapa nishqäkunata pïmaypis wiyayänanpaq wilakuyay. Rinrilaykicho nishqäkunatapis wayi jananman wisarkur qayakuypa wilakuyay.

Apocalípsis 17:8

Say rikashqayki ichayqa nawpata kawash karpis kananqa manami kawannasu. Sayno karpis wanwanyaykaqpitami yarqamunqa. Nirkurmi ushakanqa. Shamuqta rikarmi runakuna fiyupa espantash rikakuyanqa. Say runakunapa jutinkuna manami Libru de la Vïdacho qelqaransu. Say libruta Tayta Dios qelqarqan kay pasata kamashqan wisanmi.

Apocalípsis 14:6

Saypitanami rikarqä juk ángel junishpa pajaykaqta. Paymi mana ushakaq ali wilakuyta apamurqan. Say wilakuy kaykan maysay nación runakunapaq, maysay trïbu runakunapaq, ima idiömata parlaqkunapaq y maysaycho taq runakunapaqmi.

Romanos 11:25

Wawqi panikuna, mana alabakuyänaykipaqmi runakuna mana musyayashqanta kanan wilashayki. Wakin Israel runakuna kanan chukru shonqu karpis manami saynölasu imayyaqpis kayanqa. Paykuna sayno kayanqa mana Israel runakunapita Tayta Dios akrashqankunata salvashqanyaqlami.

Efesios 3:2

Tayta Dios kuyakuq karmi churamash qamkunaman y wakin mana Israel runakunamanpis ali wilakuyninta apanäpaq. Say wilakuytaqa musyaykäyankinami.

Efesios 6:19

Noqapaqpis Tayta Diosta manakuykuyälay wilakur shumaq parlanäpaq y pitapis mana mansapaypa Jesucristupa ali wilakuyninta wilapänäpaq.

Colosenses 4:3

Noqakunapaqpis Tayta Diosta manakuykuyälay Jesucristupa ali wilakuyninta wilakuyaptï shumaq chaskikuyänanpaq. Say wilakuyninta wilakushqäpitami carcilcho wichqaraykä.