Efesios 3:6 - Tayta Diospa Wilakuynin

⁶ Say wilakuy kaynömi nikan: Tayta Diospa ali wilakuyninta chaskikurmi mana Israel runakunapis salvacionta tariyanqa. Saymi Israel runakunata Tayta Dios promitishqankunata paykunapis chaskiyanqa. Saynöpami lapansipis say ayllunölana kaykansi.

Efesios 3:6 Referans Kwoze

1 Juan 2:25

Paymi promitimashkansi gloriacho imayyaqpis kawanansipaq.

1 Juan 1:3

Rikayashqäta y wiyayashqätami qamkunata musyaykäsiyä. Saynöpami Tayta Diospa y Surin Jesucristupa nawpancho kawayashqäno qamkunapis paypa nawpancho kawayankipaq.

Gálatas 3:14

Jesucristupis sayno wanurqan Abrahamta Tayta Dios promitishqan bendicionta mana Israel runakunapis chaskikuyänanpaqmi. Saymi Jesucristuman yärakur Tayta Dios promitishqan Espíritu Santuta chaskikunsi.

1 Corintios 12:27

Qamkunaqa Jesucristupa cuerpunmi kayanki. Cada ünuykikunami saycho juk parti kayanki.

Colosenses 2:19

Jesucristo iglesiapa uman kaptinpis say runakunaqa manami cäsukuykäyansu. Moqunsikunata anku ankunsikuna sararashqannömi noqansitapis Jesucristo makincho sararaykämansi paywan juklaylano kanansipaq. Sayno karmi Tayta Dios munashqanno kawayta yachakunsi.

Efesios 5:30

Noqansimi Jesucristupa cuerpun, [aysan y tulun] kaykansi.

Efesios 5:7

Wakin runakuna jusalikuyaptinpis paykunanöqa ama kayankisu.

1 Corintios 12:12

Cuerpunsicho umansi, rikransi y chankansi kaptinpis juk cuerpulami kaykansi. Saynölami noqansipis Jesucristuwan juk cuerpula kaykansi.

Ezequiel 47:22

Nirkur cada trïbu chaskishqancho runakuna posisionta chaskiyänanpaq suertita jitaypa aypunakuyanki. Qamkunacho yuriq jäpa runakunatapis surinkuna kaptin sayno aypuyanki. Markaykicho yuriq jäpa runakunata Israel runatanöna cuentayanki. Saymi marka mayikikunata chakrata aypuyashqaykinöla paykunatapis aypuyanki.

Gálatas 5:24

Jesucristupana karmi unay kawayninsita cruzcho wanusishkansina. Saymi jusalikuykuna yarpayninsiman shamuptinpis cäsupansinasu.

Efesios 3:3

Ali wilakuyninta mana musyash kayaptinpis Tayta Diosmi tantiyasimash say wilakuy ima kashqantapis. Sayno tantiyasimashqantami kay cartacho wilaykä.