Efesios 3:21 - Tayta Diospa Wilakuynin

²¹ ¡Iglesian kanansipaq Jesucristo salvamashqansipita lapansi mana ajayaypa imaypis alabaykuläshun! Amén.

Efesios 3:21 Referans Kwoze

Judas 1:25

Pay japalanmi [yachayyuq] Tayta Dios. Señorninsi Jesucristo noqansi rayku wanuptinmi salvamashkansi. Paymi lapanpaq munayyuq y imayyaqpis rey kaykan. Sayno kashqanpita kananpis, waraypis y imayyaqpis alabash kaykuläsun. Amén.

Romanos 11:36

Lapantapis Tayta Diosmi kamash. Pay munaptinmi lapan imaykapis kaykan. Lapanpis paylapami kaykan. ¡Imayyaqpis Tayta Dios alabash kaykuläsun! Amén.

2 Pedro 3:18

Saypa trukanqa waran waran tantiyakuyay kuyapäkuq y salvakuq Señor Jesucristo munashqanno kawayänaykipaq. ¡Pay kananpis y imayyaqpis alabash kaykuläsun! Amén.

1 Pedro 5:11

¡Tayta Dios lapanpaq munayyuq kashqanpita imaypis alabash kaykuläsun! Amén.

Isaías 6:3

Paykunami jukninpis jukninpis niyarqan: <<¡Santu, santu, santu! ¡Lapanta mandaq Tayta Dios santumi kaykan! ¡Paypa podernin maysaychömi kaykan!>>

1 Crónicas 29:11

Tayta Dios, qamlami lapanpaq munayyuq kaykanki. Qam japalaykita pïmaypis alabaykuläshunki. Lapan contraykikunatami vincinki. Lapanpitapis mas respitashqami kaykanki. Jana pasapis, kay pasapis y lapan imaykapis qampami kaykan. Qampa makikichömi imaykapis kaykan. Lapanpitapis mas munayyuq kaptikimi qamta alabayä.

Salmo 72:19

Imayyaqpis alabash kaykuläsun. Munayyuq kashqanta intëru kay pasacho pïmaypis musyaykuläsun. ¡Amén! ¡Sayno kasun!

Filipenses 4:20

¡Papäninsi Tayta Dios imaypis alabash kaykuläsun! Amén.

Romanos 16:27

¡Jesucristupa jutincho Tayta Diosta imaypis alabaykuläshun! ¡Pay japalanmi Dios kaykan! ¡Manami pipis payno yachaq kansu! Amén.

1 Pedro 2:5

Qamkunapis rumino kayaptikimi Tayta Dios churaykäyäshunki templun kayänaykipaq y payta sirviq santu cürakuna kayänaykipaqpis. Saymi altarman churash sacrificiuno kashpansi lapan shonquykikunawan payta sirviyänayki. Jesucristupa yanapayninwan sirvirmi Tayta Diospa shonqunpaqno kayankipaq.

Isaías 42:12

Costacho kaykaq markakunachöpis Tayta Diosta alabayäsun.

Hebreos 13:21

Jesucristupa jutinchömi payta manakuyä imaypis yanapaykuyäshunaykipaq. Munashqanta rurayänaykipaq imayka ali kaqkunata kamaripaykuyäläshunki. Payqa imayyaqpis alabash kaykuläsun. [Amén.]

Filipenses 2:11

Saychömi pïmaypis niyanqa Jesucristo Señorninsi kashqanta. Sayno nirmi Tayta Diosta lapanpis alabayanqa.

Gálatas 1:5

Tayta Dios imayyaqpis alabash kaykuläsun. Amén.

2 Timoteo 4:18

Saynölami lapan mana alikunapitapis salvamanqa. Nirkurmi mandaykashqancho imayyaqpis kawanäpaq pushakamanqa. ¡Tayta Dios imaypis alabash kaykuläsun! Amén.

Filipenses 1:11

Imaypis alilata rurayänaykipaq Jesucristo yanapaykuyäläshunki. Lapanpis kaykusun Tayta Dios alabash kananpaq.

Efesios 1:6

Kuyashqan Surinwan sayno destinamashqansipitami imaypis payta alabashun.

Lucas 2:14

<<¡Jana pasacho kaqkuna Tayta Diosta alabaykuyäläsun! ¡Kay pasachöpis Tayta Dios kuyashqan kaqkunapaq ali kaway kaykuläsun!>>

Salmo 115:1

Tayta Dios, manami noqakunasu alabash kayäman. Saypa trukanqa qamta pïmaypis alabaykuläshunki. Kuyapäkuq kashqaykipita y rasun kaqta nishqaykipita alabaykuläshunki.

Efesios 2:7

Sayno jamasimashkansi Jesucristucho kash seqaypa kuyapämashqansita shamuq watakunacho pïmaypis tantiyakunanpaqmi.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

Efesios 4:1

Sayno kaykaptinqa Jesucristupa wilakuyninta wilakushqäpita prësu kashpä qamkunata ruwä Tayta Dios munashqanno imaypis kawayänaykipaqmi. Sayno kawayänaykipaqmi Tayta Dios qayayäshushkanki.