Efesios 3:10 - Tayta Diospa Wilakuynin

¹⁰ Saynöpami Jesucristuman yärakuqkuna salvakuyaptin supaykunapis y jana pasacho kaykaq lapan angilkunapis tantiyaykäyan Tayta Dios shumaq yachayyuq kashqanta.

Efesios 3:10 Referans Kwoze

1 Pedro 1:12

Profëtakunatami Espíritu Santu tantiyasirqan paykuna kawayashqan wisan shamunanpa trukanqa shamuq watakunachöraq shamunanpaq kashqanta. Jesucristo shamushna kaptinmi kananqa jana pasapita shamuq Espíritu Santupa munayninwan Jesucristupa ali wilakuyninta wilakuykäyan. Jesucristo noqansi rayku wanur salvamashqansitami angilkunapis imanöpapis tantiyayta munaykäyan.

Efesios 6:12

Noqansi manami runa mayinsiwansu guërracho kaykansi, saypa trukanqa munayyuq supaykunawanmi. Paykunaqa mana rikakaq karpis intëru kay pasachömi imaykatapis mana alikunata ruraykäyan.

1 Corintios 2:7

Diospa yachayninta yachasiyashqäqa runakuna mana musyayashqanmi kaykan. Say yachaynintami imapis manaraq kaptin Tayta Dios churarqan gloriacho kushish kawanansipaq.

Romanos 11:33

¡Tayta Dios seqaypa yachaq y tantiyaqmi kaykan! ¡Pay yarpashqankunata y rurashqankunata manami pipis tantiyayta kamäpakunsu!

Efesios 1:21

Saynöpami Jesucristuta Tayta Dios churash kay vïdacho y juk vïdachöpis munayyuq kananpaq. Saymi angilkunapitapis, supaykunapitapis y pïmay runapitapis mas munayyuq kaykan.

Efesios 1:3

¡Señor Jesucristupa Papänin Tayta Dios alabash kaykuläsun! Jesucristucho kashqami gloriacho kaykaq imaykaläya bendicionninkunata qomashkansi.

1 Corintios 1:24

Tayta Dios qayashqan kaqkunami isanqa Israel runa karpis mana Israel runa karpis tantiyakuyan Jesucristo Tayta Diospa podernin y yachaynin kashqanta.

1 Pedro 3:22

Paymi jana pasaman kutikushna kar Tayta Diospa aluq kaq nawpanchöna kaykan. Saymi angilkunapis munayyuqkunapis paypa munaynincho kaykäyan.

Colosenses 1:16

Paywanmi Tayta Dios kamarqan lapan imaykatapis: jana pasacho kaqkunata, kay pasacho kaqkunata, rikakaqkunata, mana rikakaqkunata y jana pasacho lapan poderyuqkunatapis. Lapantapis kamarqan Jesucristuwanmi y paypa makincho kananpaqmi.

1 Timoteo 3:16

Tayta Dios musyasimashqansi wilakuynin shumaqmi kaykan. Say wilakuynin kaynömi nikan: Jesucristumi runanöla yurirqan. Wanushqanpita Espíritu Santumi kawarisimurqan. Angilkunapis payta rikayarqanmi. Mana Israel runakunatami wilakuyninta wilakuqkuna wilapäyarqan. Maysaychöpis paymanmi yärakuykäyan. Gloriaman kutiykur Tayta Diospa nawpanchönami kaykan.

Efesios 1:8

Seqaypa kuyapämashpansimi y yachayta qomashpansimi

Romanos 8:38

Tayta Dios kuyamansimi kawashqapis, wanushqapis, ima päsamashqapis y ima päsamänansipaq kaptinpis. Saymi angilkunapis, ni supaykunapis, ni ima munayyuq kaqkunapis,

Salmo 104:24

Tayta Dios, imaykatapis qammi kamashkanki. Lapantapis shumaq tantiyaykurmi kamashkanki. Kay pasacho kamashqaykikuna maysaychömi kaykan.

Ezequiel 3:12

Saypita Tayta Diospa Espïritun joqarkamaptinmi wiyarqä qepächo qaparayparaq nimuqta: <<¡Munayyuq Tayta Dios tashqancho alabash kaykuläsun!>>

Salmo 103:20

Munayyuq angilkuna, Tayta Diosta alabayay. Nishqanta cäsukuq kayashpayki payta alabayay.

Efesios 1:23

Noqansinami iglesian kar cuerpun kaykansi. Saymi pay munashqanno kawanansipaq imaypis yanapaykämansi. Paypa makinchömi lapan imaykapis kaykan.

Colosenses 2:10

Saymi Jesucristucho kaykarqa salvashna kaykansi. Manami angilkunapis ni supaykunapis payman tinkuyansu.

Colosenses 2:15

Jesucristo sayno wanurmi Satanástapis supaykunatapis vincish. Contran soldädukunata rey vinciykur runakuna rikanancho watarkur penqaypaq purisiqnömi Satanástawan supaykunata vincir penqayman churash.