Efesios 1:7 - Tayta Diospa Wilakuynin

⁷ Kuyapäkuq karmi Surinpa yawarninwan rantimashpansi lapan jusansikunata perdonamashkansi.

Efesios 1:7 Referans Kwoze

1 Pedro 2:24

Jesucristo cruzcho nakarmi noqansipa jusansipita wanurqan. Sayno wanurqan noqansipis jusalikuypaq wanur Tayta Dios munashqanno kawanansipaqmi. Yawarninta jicharmi aliyäsimashkansi.

Romanos 3:24

Sayno kaykashqapis Jesucristo rantimashqami Tayta Dios kuyapäkuq kashpan perdonamansi.

Colosenses 1:14

Jesucristumi [yawarninta jichar] rantimashpansi jusansikunata perdonamashkansi.

Hebreos 9:22

Moisés qelqashqan leykunachöqa nikan purificash kananpaqqa yawarwanraq imapis saqsupash kananpaqmi. Yawarta mana jichaptinqa manami runakunata jusankunapita Tayta Dios perdonansu.

Mateo 26:28

Kay vïnuqa Tayta Dios [mushuq] pactuta rurananpaq jichashqä yawarnïmi. Aska runakuna jusankunapita perdonash kayänanpaqmi yawarnïta jichar wanushaq.

Apocalípsis 5:9

Paykunami mushuq alabanzata cantar Carnishta alabayarqan kayno nir: <

1 Juan 2:12

Kuyay wamrakuna, qamkunapaq cartakaykämü Jesucristo noqansi rayku wanushqanpita perdonash kayaptikimi.

Filipenses 4:19

Jesucristo noqansi rayku wanush kaptinmi gloriacho riquëzankunapita Tayta Dios qamkunatapis lapan munayashqaykita kamaripäyäshunki.

Efesios 2:7

Sayno jamasimashkansi Jesucristucho kash seqaypa kuyapämashqansita shamuq watakunacho pïmaypis tantiyakunanpaqmi.

1 Corintios 1:30

Qamkunataqa Jesucristucho kayänaykipaqmi Tayta Dios salvayäshushkanki. Noqansi raykumi Jesucristuta Tayta Dios churarqan yachayninsi kananpaq, salvamaqninsi kananpaq, perdonamaqninsi kananpaq y rantimaqninsi kananpaqpis.

Salmo 130:7

Israel runakuna, Tayta Diosta shuyaräshun. Paymi kuyapämäshun y imapitapis salvamäshun.

Efesios 3:16

Paytami manakü gloriacho riquëzankuna kashqanman tupu Espïritunwan poderta qoyäshunaykipaq.

2 Corintios 8:9

Qamkuna musyayankimi Señor Jesucristupis kuyapäkuq kashqanta. Paymi gloriacho rïcu kayninta kacharishpan kay pasaman shamur muchuqnöla rikakurqan. Sayno rikakurqan qamkunapis gloriaman char Tayta Diospa nawpancho rïcu kayänaykipaqmi.

Romanos 2:4

Tayta Dios jukla mana castigayäshuptiki ama yarpäyaysu mana castigayäshunaykipaq kashqanta. Pay kuyapäkuq, pacienciakuq y perdonakuq karmi jusaykikunata wanakuyänaykita shuyaraykan.

Miqueas 7:18

Tayta Dios, qamnöqa manami juk dios kansu. Kuyashqayki runakuna perdonta manakuyäshuptiki perdonankimi. Jusalikuyashqantapis qonqankimi. Rabyar imayyaqpis castiganaykipa trukanqa salvashqayki runakunata kuyapar yanapankimi.

1 Juan 2:2

Paymi sacrificiu kash jusansikunata Tayta Dios perdonamänansipaq. Manami noqalansi perdonash kanansipaqsu wanurqan, sinöqa maysaychöpis runakuna perdonash kayänanpaqmi.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

Hechos 2:38

Saymi Pedro nirqan: <

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

Daniel 9:9

Mana cäsukuq kayaptïpis qamqa kuyapäkuq y perdonakuq Tayta Diosnïmi kaykanki.

Job 33:24

Wanuypita salvamänansipaq say ángel päguta apar Tayta Diosta ruwakuptinqa

1 Juan 4:10

Rasunpaypa kaq kuyakuyqa manami noqansi Tayta Diosta kuyashqansisu kaykan, sinöqa noqansita pay kuyamashqansimi. Jusalikushqansipita sacrificiu kananpaqmi Surin Jesucristuta kachamurqan. Saymi rasunpaypa kaq kuyakuyqa kaykan.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

Daniel 9:19

<>

Jeremías 31:34

<>.

Salmo 86:5

Qamqa alilata ruraqmi y perdonakuqmi kanki. Qamman yärakamuqkunata kuyapankimi.

1 Pedro 3:18

Jesucristupis jusaynaq kaykarmi jusasapakuna rayku nakarqan. Tayta Diosman pushamänansipaqmi jusalikushqansipita juk kutila wanurqan. Wanuptinpis Espíritu Santumi kawarisimurqan.

Efesios 3:8

Tayta Diosman lapan yärakuqkunapita mana väliqnin kaykaptïpis Tayta Diosmi kuyamar churamash Jesucristupa ali wilakuyninta mana Israel runakunaman chäsinäpaq. Say ali wilakuymanqa manami ima riquëzapis tinkunsu.

Hechos 10:43

Paypitami lapan profëtakunapis wilakuyarqan. Saynöpami musyansi lapantapis payman yärakuq kaqtaqa jusalikushqanpita Tayta Dios paypa jutincho perdonashqanta>>.

Juan 20:23

Pitapis jusanpita perdonayaptiki Tayta Diospis perdonanqami. Mana perdonayaptikimi isanqa perdonanqasu>>.

Marcos 14:24

Saypitanami nirqan: <

Zacarías 13:7

Lapanta mandaq Tayta Diosmi nin: <

Zacarías 13:1

<>.

Tito 3:6

Espíritu Santuta sayno kachamush salvamaqninsi Jesucristo noqansi rayku wanush kaptinmi.

1 Timoteo 2:6

Paymi wanush lapan runakunata salvananpaq. Sayno salvakuq kashqantaqa tiempun chämuptinmi Tayta Dios musyasimashkansi.

Colosenses 2:13

Shonqunsi manaraq señalash kaptin y jusansipita manaraq perdonash karqa wanushnömi karqansi. Kananmi isanqa jusansipita perdonashna kar Jesucristuwan kawarimushnöna kaykansi.

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.

Colosenses 1:27

Saymi musyansi mana Israel runakunapaqpis say wilakuy seqaypa kushikuypaq kashqanta. Say wilakuymi nikan: Jesucristo qamkunachömi kaykan. Payman yärakurmi Tayta Diospa nawpanman chäyanki.

Efesios 2:4

Sayno kaykashqapis Tayta Dios kuyapäkuq karmi seqaypa kuyamashkansi.

Romanos 9:23

Wakin runakunatanami gloriaman pushananpaq destinarqan. Sayno destinarqan kuyapäkuq kashqanta musyasimänansipaqmi.

Hechos 3:19

<

Lucas 24:47

Saynöpis nikan Jerusalénpita qalaykur lapan markakunacho wilakuyänanpaq kashqanta y paypa jutincho wilakuyaptin runakuna jusankunata wanakur perdonashna kayänanpaq kashqanta.

Lucas 1:77

Tayta Dios kuyashqan runakunata perdonar salvananpaq kashqantami wilanki.

Zacarías 9:11

<

Isaías 43:25

<

Éxodo 34:7

Waranqanpa waranqanpa runakuna maysika kayaptinpis kuyapämi. Mana cäsukamar jusalikuyaptinpis perdonämi. Jusalikuyta mana kachariqkunatami isanqa castigä kikinta, surinta, wilkanta y shurukta wilkantapis>>.

Apocalípsis 14:4

Paykunaqa warmiwan mana kakuq runakuna karmi doncëlla jipashno püru kaykäyan. Imano nakarpis Carnish munashqannömi kawayarqan. Paykunata salvarqan Tayta Diospaq y Carnishpaq primiciano kayänanpaqmi.

Efesios 1:6

Kuyashqan Surinwan sayno destinamashqansipitami imaypis payta alabashun.

Jonás 4:2

Saymi Tayta Diosta nirqan: < nirkurpis jusalikuyta wanakuyaptinqa manami castigankinasu. Markächo kaykälarnami maliciarqä Nínive runakunata kuyapänaykipaq kashqanta. Saymi Tarsisman qeshpir aywakuykarqä.

Salmo 130:4

Sayno kaptinpis mansapakuyäshunaykipaqmi jusankunata perdonanki.

Mateo 6:12

Chikimaqnïkunata perdonayashqäno noqakunatapis perdonaykayälämay.

Romanos 3:25

Sayno perdonamansi Jesucristuman yärakuptinsimi. Paymi noqansi rayku sacrificiu kar yawarninta jicharqan. Saynöpami Tayta Dios musyasimansi ali juzgaq juez kashqanta. Unaypitana runakuna jusayuq kayaptinpis Tayta Dios manami castigarqansu.

Efesios 1:8

Seqaypa kuyapämashpansimi y yachayta qomashpansimi

Efesios 1:14

Espíritu Santuta qomashpansimi Tayta Dios musyasimansi herenciansita qomänansipaq kashqanta y wamran kanansipaq rantimashqansita. Sayno salvamashqansipitami imaypis payta alabashun.

Efesios 1:18

Shonquykikunacho sayno tantiyasiyäshuptikimi musyayanki Tayta Dios qayashushpayki imapaq salvayäshushqaykita, seqaypa ali herenciata chaskiyashqaykita