Efesios 1:4 - Tayta Diospa Wilakuynin

⁴ Kay pasata manaraq kamarmi Jesucristuman churamashpansi Tayta Dios akramashkansi paypa nawpancho jusaynaq y santu kanansipaq.

Efesios 1:4 Referans Kwoze

2 Timoteo 1:9

Tayta Diosmi salvamashpansi qayamashkansi pay munashqanno santu kanansipaq. Manami imatapis alita rurashqansipitasu salvamashkansi, saypa trukanqa jusayuq kashqapis kuyapämashpansimi salvamashkansi. Sayno kuyapämashkansi kay pasata manaraq kamar Jesucristuman churamashpansimi.

Efesios 2:10

Jesucristucho kashqami alikunata rurar kawanansipaq mushuq kawayta Tayta Dios qomashkansi. Sayno kawanansipaqqa unaypita pasami destinamarqansi.

Mateo 25:34

<

Santiago 2:5

Kuyay wawqi panikuna, wiyayämay. ¿Manaku Tayta Dios pobrikunata akrash wakin runakunapita payman mas yärakuyänanpaq y mandashqancho imayyaqpis kawayänanpaq? Sayno kawayänanpaqmi kuyaqninkunata promitirqan.

1 Pedro 2:9

Qamkunami isanqa kaykäyanki Tayta Dios akrashqan runakuna, payta sirviq cürakuna, kuyashqan santa nación runakuna y paypa makincho kaykaq runakuna. Paymi sakäpakushno kawaykäyaptiki aksinman jorquyäshushkanki kuyakuq kashqanta pïmaytapis wilapäyänaykipaq.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.

Juan 15:16

<

1 Pedro 1:2

Tayta Dios unaypita pasa reqiyäshushpaykimi Espíritu Santuwan akrayäshushkanki Jesucristuta cäsukuyänaykipaq y yawarninta jichashqanpita perdonash kayänaykipaq. Tayta Dios kuyapäyäshushpayki ali kawayänaykipaq yanapaykuyäläshunki.

1 Pedro 1:20

Kay pasatapis manaraq kamar Tayta Dios destinash kaptinmi noqansi kawashqansi wisanraq Jesucristo kuyamashpansi shamush.

Colosenses 3:12

Tayta Dios akrashqan y kuyashqan santu runakuna kaykarqa jukniki juknikipis kuyapänakur kawayay. Saynöpis yanapänakuyay, mana yachaq tukuypa kawayay, pïmaypaqpis ali shonqu kayay y pacienciakuyay.

Colosenses 1:22

Sayno kawaykashqami Jesucristo cruzcho wanuyninpa Tayta Dios perdonamashkansi. Saymi paypa nawpancho jusaynaq y santuna kashun.

Efesios 5:27

Saymi kikinpa nawpanman pushanqa asikyaypa asikyaykaqta, jusaynaqta, santuta y pay munashqanno kaykäyaqta.

Apocalípsis 17:8

Say rikashqayki ichayqa nawpata kawash karpis kananqa manami kawannasu. Sayno karpis wanwanyaykaqpitami yarqamunqa. Nirkurmi ushakanqa. Shamuqta rikarmi runakuna fiyupa espantash rikakuyanqa. Say runakunapa jutinkuna manami Libru de la Vïdacho qelqaransu. Say libruta Tayta Dios qelqarqan kay pasata kamashqan wisanmi.

Hechos 13:48

Sayno parlayashqanta wiyarmi mana Israel runakuna kushikur Tayta Diosta alabayarqan. Saynöpami mana ushakaq kawayta tariyänanpaq Tayta Dios akrashqankuna lapanpis Jesucristuman yärakuyarqan.

Isaías 42:1

Tayta Diosmi nin: <

Juan 17:24

<

1 Tesalonicenses 4:7

Manami jusalikur purikunansipaqsu Tayta Dios akramashkansi, saypa trukanqa pay munashqanno kawanansipaqmi.

Filipenses 2:15

Sayno kawayaptikiqa Diospa wamran kayashqaykita tantiyakur manami pipis washaykita rimanqasu. Saymi mana cäsukuqkunapa markancho tarpis sakaypa aksi asikyashqanno kayanki.

2 Timoteo 2:19

Wakinkuna mana yärakuyaptinpis Tayta Dios akrashqan kaqkunaqa ali cimientush wayinömi kaykäyan. Saymi Diospa palabrancho kayno qelqaraykan: <>. Saynöpis kaynömi nikan: <>.

Hechos 18:10

Kay markacho salvanäpaq kaq runakuna askaqmi kaykäyan. Saymi wilakuptiki pipis mana yatashunaykipaq qamwan kaykäshaq>>.

Salmo 135:4

Jacobpita miraq runakunatami paypa kananpaq Tayta Dios akrarqan. Israel runakunatami akrarqan herencian kananpaq.

2 Timoteo 2:10

Saymi imano nakarpis mana ajayaypa Jesucristupa wilakuyninta wilakuykä. Saynöpami akrashqan kaqkuna Jesucristuta chaskikuyaptin Tayta Dios salvanqa gloriacho imayyaqpis kawayänanpaq.

Efesios 4:2

Mana yachaq tukuypa kawayay, pïmaypaqpis ali shonqu kayay y kuyanakur pacienciakuyay.

1 Corintios 1:8

Paymi yanapaykäyäshunki kutimur pay munashqanno kawaykaqta tariyäshunaykipaq.

Mateo 24:31

Cornëta sinchipa waqamuptinmi angilninkunata Runapa Surin kachamunqa akrashqan kaqkunata maysaypitapis shuntayämunanpaq.

Efesios 5:2

Jesucristo kuyakuq kashqanno qamkunapis kuyakuq kayay. Kuyakuq karmi noqansi rayku wanur Tayta Diospaq mushkuq sacrificiuno kash.

Juan 10:16

Manami kaylachösu uyshäkuna kaykäyan, sinöqa jukläkunachöpis kaykanmi. Paykunapis voznïta reqirmi cäsukayämanqa. Saymi paykunatapis shuntamushaq juk corrallachöna kayänanpaq. Saynöpami juklaylana misiqnin kanqa.

1 Tesalonicenses 3:12

Señor Jesucristo yanapaykuyäläshunki qamkunata kuyashqänöla kikikipura y wakin runakunawanpis kuyanakuyänaykipaq.

Efesios 3:17

Saynöpis manakü shumaq yärakuyaptiki Jesucristo shonquykikunacho tänanpaqmi. Saynöpami shumaq jaqwäkush jachano y ali cimientush wayino kar paypa kuyakuynilancho kawayankipaq.

Gálatas 5:13

Wawqi panikuna, Tayta Dios qayayäshushkanki librina kayänaykipaqmi. Librina karpis ama jusalikuyaysu, saypa trukanqa jukniki juknikipis kuyanakur yanapänakuyay.

Romanos 8:33

Kikin Tayta Dios akraykämash y jusansikunatapis perdonaykämash ¿piraq nawpancho acusamäshun?

Mateo 24:24

Say wisanmi Cristo tukuqkuna y lula profëtakunapis yuriyämunqa. Runakunata criyisiyänan kashqami admiraypaq milagrukunatapis rurayanqa. Sayno rurarmi Tayta Dios akrashqan runakunatapis engañayta munayanqa.

Mateo 24:22

Akrashqan runakunata kuyaparmi Tayta Dios say nakay junaqkunata päsasinqa. Mana päsasiptinqa lapanpis wanurmi ushakäyanman.

1 Juan 4:16

Kananqa Tayta Dios kuyamashqansita musyarmi payman yärakuykansi. Tayta Diosqa kuyakuqmi kaykan. Noqansipis kuyanakurqa paywanmi kaykansi y paypis noqansiwanmi kaykan.

2 Pedro 3:14

Kuyay wawqi panikuna, saykunata shuyakuykarqa jusalikuykunata kacharir pïmaywanpis ali kawayay. Saynöpami Jesucristo kutimur jusaynaqta tariyäshunki.

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.

Gálatas 5:22

Santu Espïritupa munaynincho kawarmi isanqa kuyanakunsi, kushikunsi, jawka kawansi, pacienciakunsi, ali shonqu kansi, yanapäkuq kansi, awnishqansita cumplinsi,

Gálatas 5:6

Jesucristuta chaskikush kashqanqa manami señalakush kashqansisu ni mana señalakush kashqansisu välin, sinöqa payman yärakur kuyanakur kawashqansimi.

Hechos 15:18

Noqa Tayta Diosmi sayno kananpaq nï. Sayno kananpaq unaypita pasami musyasirqä>.

Levítico 19:2

<

Levítico 20:7

<<

2 Samuel 22:24

Noqaqa pay munashqannömi kawashkä. Lutan ruraykunapitapis witikushkämi.