Efesios 1:18 - Tayta Diospa Wilakuynin

¹⁸ Shonquykikunacho sayno tantiyasiyäshuptikimi musyayanki Tayta Dios qayashushpayki imapaq salvayäshushqaykita, seqaypa ali herenciata chaskiyashqaykita

Efesios 1:18 Referans Kwoze

Hechos 26:18

Nishqäkunata wilaptikimi runakuna tantiyakur sakäpakushno kawayashqanpita asikyaqchönöna kawayanqa. Satanáspa munaynincho kawayashqanpita Tayta Diospa makinchöna kawayanqa. Noqaman yärakayämaptinmi jusalikuyashqanta perdonashaq. Saynöpami salvash kaqkunawan Tayta Diospita herenciata chaskiyanqa>.

2 Corintios 4:6

Sayno kaykäyä chipipiykaq aksitano ali wilakuyninta shonqükunaman Tayta Dios churamush kaptinmi. Sayno churamush kay pasata kamar sakaycho asikyay kananpaq nishqannölami. Saymi Tayta Dios imano kashqantapis Jesucristucho shumaq tantiyaykäyä.

Lucas 24:45

Nirkurmi Tayta Diospa palabranta tantiyasir

Efesios 1:7

Kuyapäkuq karmi Surinpa yawarninwan rantimashpansi lapan jusansikunata perdonamashkansi.

Efesios 5:8

Nawpataqa qamkunapis jusalikuyashpayki sakaqcho kaykaqnömi kawayarqayki. Kananmi isanqa Jesucristuta chaskikur asikyaqchöna kawaykäyanki. Sayno kaykarnaqa Tayta Dios munashqanno waran waran kawayay.

Efesios 3:16

Paytami manakü gloriacho riquëzankuna kashqanman tupu Espïritunwan poderta qoyäshunaykipaq.

Efesios 4:4

Jesucristuman yärakuq kaqqa lapansimi juk cuerpula kaykansi. Juklaylami Espíritu Santupis. Juk salvacionlata chaskinansipaqmi Tayta Dios qayamashkansi.

Salmo 119:18

Nawïta kichaqno shumaq tantiyaykasilämay. Saynöpami leynikicho kushikuypaq kaqkunata tantiyashaq.

Tito 3:7

Jusayuq kashqapis dembaldilami perdonamashkansi herenciansita chaskir paypa nawpancho imayyaqpis kawanansipaq.

Isaías 42:7

qaprakunata kachakäsinaykipaq, prësukunata carcilpita jorqamunaykipaq y sakäpakushno kawaqkunata aksiman jorqunaykipaqmi.

2 Tesalonicenses 1:11

Saymi Tayta Diosninsita imaypis manakuyä pay munashqanno kawayänaykipaq. Sayno kawayänaykipaqmi qayayäshushkanki. Munayninwan yanapaykuyäläshunki payman yärakur alikunata imaypis rurayänaykipaq.

Efesios 4:1

Sayno kaykaptinqa Jesucristupa wilakuyninta wilakushqäpita prësu kashpä qamkunata ruwä Tayta Dios munashqanno imaypis kawayänaykipaqmi. Sayno kawayänaykipaqmi Tayta Dios qayayäshushkanki.

Isaías 6:10

<>.

1 Timoteo 6:12

Guërracho soldädukuna mana ajayaypa pelyayashqanno qampis mana ajayaypa Jesucristuman yärakuy. Mana ushakaq kawayta chaskikunaykipaq Tayta Dios qayaykäshuptikiqa imaykanöpapis pay munashqanno kaway. Sayta tantiyakurmi Jesucristuman yärakushqaykita wawqi panikunapa nawpancho wilakushkanki.

Isaías 29:10

Pasaypa mana tantiyakuq kayänaykipaqmi Tayta Dios kamakäsish. Lula profëtakunatapis lutanta wilakuyänanpaqmi pantakäsish.

1 Pedro 5:10

Noqansi rayku Jesucristo wanush kaptinmi kuyapäkuq Tayta Dios qayamashkansi gloriacho imayyaqpis kawanansipaq. Saymi kay pasacho nakashqapis Tayta Dios yanapämäshun mana jusalikunansipaq, pay munashqanno kawanansipaq y payman shumaq yärakunansipaqpis.

Efesios 1:11

Kikin yarpashqanno lapantapis ruraq karmi noqansitapis Jesucristucho kaptinsi Tayta Dios destinamashkansi herenciansita chaskinansipaq.

Hebreos 10:32

Ama qonqäyaysu Jesucristuta chaskikuyashqayki wisan sayjina nakaykarpis qepaman mana kutikuyashqaykita.

1 Tesalonicenses 2:12

Saymi ruwayarqä, shakyäsiyarqä y tantiyasiyarqä Tayta Dios munashqanno kawayänaykipaq. Paymi qayayäshushkanki mandashqancho imayyaqpis paywan kawayänaykipaq.

2 Corintios 4:4

Sayno chaskikuyansu kay pasacho kaykaq dios yarpayninkunata upatakäsish kaptinmi. Saymi Jesucristupa wilakuynin aksino kaykaptinpis paykunaqa mana rikaqno kar say wilakuyninta tantiyayansu. Jesucristuchömi Tayta Dios imano kashqantapis tantiyansi.

Isaías 32:3

Say wisanmi Tayta Dios nishqanta runakuna shumaq wiyakuyanqa. Pay munashqanno kawayänanpaqmi shumaq tantiyakuyanqa. Nishqanta cäsukuyänanpaqmi lapantapis wiyayanqa.

Tito 2:13

Sayno kawarmi salvamaqninsi Jesucristo kutimushqanyaq kamarikushla shuyakuykäshun. Paymi lapanpaq munayyuq Diosninsi kar lapan runakuna rikay chipipiykar kutimunqa.

2 Tesalonicenses 2:16

Señor Jesucristo y kuyamaqninsi, shakyäsimaqninsi y nawpanman pushamaqninsi Papäninsi Tayta Dios

1 Tesalonicenses 5:8

Noqansiqa asikyaychöna kashpansi shumaq tantiyakushun, Tayta Diosman yärakushun y piwanpis kuyanakushun. Sayno kawarqa chalëcunsi jatishnömi kaykansi. Tayta Dios salvamashqansita shumaq tantiyarqa cascunsi jatishnönami kaykansi.

Efesios 3:8

Tayta Diosman lapan yärakuqkunapita mana väliqnin kaykaptïpis Tayta Diosmi kuyamar churamash Jesucristupa ali wilakuyninta mana Israel runakunaman chäsinäpaq. Say ali wilakuymanqa manami ima riquëzapis tinkunsu.

Mateo 13:15

Say runakunapa shonqunkuna chukruyashqami. Rinrinkunapis upayashqami. Nawinkunapis qaprayashqami. Sayno karmi rikayansu, wiyayansu, tantiyakuyansu ni wanakuyansu. Sayno kayaptinmi noqapis aliyäsishaqsu.

1 Pedro 3:9

Runa mayiki chikiyäshuptikipis ama chikiyankisu. Ashliyäshuptikipis ama ashliyankisu. Bendicionta chaskiyänaykipaq Tayta Dios akrayäshushqaykita musyaykarqa chikiyäshuqnikikunapis bendicionta chaskiyänanpaq Tayta Diosta manakuyanki.

Hebreos 6:4

Jesucristuman yärakushna kaykar, Tayta Diospa kuyakuyninta musyaykar, Espíritu Santuta chaskikushna kaykar,

Colosenses 3:15

Jesucristupita ali kawayta chaskikush kaykarqa pïmaywanpis ali kawayay. Juk shonqula kawayänaykipaqmi Tayta Dios qayayäshushkanki. Saynöpis Tayta Diosta imaypis päkilä niyay.

Colosenses 1:23

Nawpanman chänansipaqqa Jesucristuman imaypis yärakushun. Ali wilakuynincho nimashqansita imaypis wiyakushun. Say wilakuytaqa maysaychöpis wilakuykäyanmi. Saynölami noqapis wilakuykä wilakuqnin kanäpaq Tayta Dios akramash kaptin.

Colosenses 1:5

Tayta Dioswan gloriacho imayyaqpis kawayänaykipaq kashqanta musyarmi sayno kawaykäyanki. Jesucristupa wilakuyninta chaskikuyashqaykipita pasami gloriacho kawayänaykipaq kashqanta musyayashkanki.

Efesios 2:12

Jesucristupa wilakuynintapis manami musyayarqaykisu. Israel runapitapis jäpami kayarqayki. Tayta Dios promitishqanta chaskiyänaykipaq rurashqan pactukunapis manami qamkunapaqsu karqan. Kay pasacho Diosniynaq y oqrakashqami kawayarqayki.

Gálatas 5:5

Noqansimi isanqa Espíritu tantiyasimaptinsi musyansi Jesucristuman yärakur salvakunansipaq kashqanta.

Isaías 29:18

Say junaqmi Diospa wilakuyninta mana wiyaq runakuna wiyayanqana. Qaprano kaqkunapis sakäpakushno kayashqanpita rikayanqana.

1 Pedro 1:3

¡Señor Jesucristupa Papänin Tayta Diosta alabaykuläshun! Kuyapämashpansimi mushuq kawayta qomashkansi yapay yurishnöna kanansipaq. Jesucristo kawarimush kaptinmi musyansi noqansipis kawarirkamur gloriaman chänansipaq kashqanta.

Hechos 16:14

Saychömi Tiatira markapita Lidiapis kaykarqan. Payqa granäti tëlakunatami rantikuq. Mana Israel warmi karpis Tayta Diosta mansapakuqmi karqan. Lidiata Tayta Dios tantiyasiptinmi Pablo wilapashqanta chaskikurqan.

Filipenses 3:14

Premiuta chaskinanpaq yalinakur cörriqnömi noqapis Tayta Diospa nawpanman chänäpaq pay munashqanno kawaykä. Sayman chänäpaqmi Jesucristo kayninpa Tayta Dios qayamash.

Job 42:5

<

Isaías 11:2

Tayta Diospa Espïritunmi paycho kanqa. Saymi tantiyaq y yachaq kanqa, yäsikuq y munayyuq kanqa, musyaq y Tayta Diosta mansapakuq kanqa.

Marcos 10:17

Saypita Jesús aywaykaptinmi juk maqta cörriyla aywar puntanman qonqurpakuykur nirqan: <>

Romanos 2:4

Tayta Dios jukla mana castigayäshuptiki ama yarpäyaysu mana castigayäshunaykipaq kashqanta. Pay kuyapäkuq, pacienciakuq y perdonakuq karmi jusaykikunata wanakuyänaykita shuyaraykan.

Romanos 11:29

Tayta Dios imatapis promitirqa cumplinmi. Pitapis salvananpaq akrarqa imaypis salvanmi.

Colosenses 1:12

y imaypis kushish agradëcikuyänaykipaqmi. Paymi salvamashkansi lapan salvashqan kaqkunawan herenciansita chaskir gloriacho kawanansipaq.

Colosenses 1:27

Saymi musyansi mana Israel runakunapaqpis say wilakuy seqaypa kushikuypaq kashqanta. Say wilakuymi nikan: Jesucristo qamkunachömi kaykan. Payman yärakurmi Tayta Diospa nawpanman chäyanki.

Colosenses 2:2

Qamkunapaq manakuykä Tayta Dios munashqanno kushish kawayänaykipaq y jukniki juknikipis juk shonqula kuyanakur kawayänaykipaqmi. Saynöpis manakuykä Tayta Diospa wilakuyninta shumaq tantiyakuyänaykipaqmi. Saynöpami runakuna mana musyash kayaptinpis tantiyansi Jesucristo kayninpa salvamashqansita.