Efesios 1:13 - Tayta Diospa Wilakuynin

¹³ Qamkunapis ali wilakuyninta wiyarmi Jesucristuman yärakur salvakuyashkanki. Saynöpami promitishqan Espíritu Santuwan Tayta Dios shonquykikunata sëllayäshushkanki.

Efesios 1:13 Referans Kwoze

2 Corintios 1:22

Saynöpis shonqunsicho kananpaq Espíritu Santuta kachamurmi paylapana kanansipaq sëllamashkansi. Espíritu Santuta chaskikurmi musyansi Tayta Dios lapan promitimashqansita cumplinanpaq kashqanta.

Efesios 4:30

Lutankunata rurar Espíritu Santuta ama lakikasiyaysu. Paymi shonquykikunata sëllayäshushkanki Jesucristo kutimunan junaq salvash kayänaykipaq.

2 Timoteo 2:19

Wakinkuna mana yärakuyaptinpis Tayta Dios akrashqan kaqkunaqa ali cimientush wayinömi kaykäyan. Saymi Diospa palabrancho kayno qelqaraykan: <>. Saynöpis kaynömi nikan: <>.

1 Tesalonicenses 2:13

Tayta Diospa ali wilakuyninta wilapäyaptï manami runakunapa yarpaynin kashqantasu yarpäyashkanki, saypa trukanqa Tayta Diospa wilakuynin kashqantami. Sayno tantiyarmi lapan shonquykikunawan chaskikuyashkanki. Wilakuyninta wiyarmi tantiyakuyashkanki pay munashqanno kawayänaykipaq. Saymi imaypis Tayta Diosta agradëcikuyä.

Romanos 4:11

Perdonaskirraqmi Tayta Dios Abrahamta nirqan señalakunanpaq. Sayno señalakurqan Tayta Diosman yärakushqanpita perdonashqanta mana qonqänanpaqmi. Saymi señalaküni kaqkunapis Abrahamno yärakur paypa ayllun kaykäyan. Saynöpami Tayta Dios paykunatapis perdonaykan.

Tito 2:11

Lapan runakunata salvananpaqmi Tayta Dios kuyapämashpansi Jesucristuta kachamurqan.

Gálatas 3:14

Jesucristupis sayno wanurqan Abrahamta Tayta Dios promitishqan bendicionta mana Israel runakunapis chaskikuyänanpaqmi. Saymi Jesucristuman yärakur Tayta Dios promitishqan Espíritu Santuta chaskikunsi.

Joel 2:28

28 (3.1) <

Romanos 1:16

Noqa manami penqaküsu Tayta Diospa ali wilakuyninta wilakur. Say wilakuyqa Tayta Diospa poderninmi kaykan lapan chaskikuqkunata salvananpaq. Puntataqa Israel runakunatami musyasirqan y saypitanami mana Israel runakunatapis musyasirqan.

Hechos 2:33

Paytami Tayta Dios aluq kaq nawpanman jamaykasir promitishqan Espíritu Santuta entregash. Jesucristunami Espíritu Santuta noqakunaman kachamush. Kanan saytami wiyaykäyanki y rikaykäyanki.

Juan 14:26

Aywakuptïnami noqapa trukä Yanapäkuq Espíritu Santuta qamkunaman Taytä kachamunqa. Paymi lapanta yachasiyäshunki y lapan yachasishqäkunata yarpäsiyäshunki.

Juan 1:17

Leyninkunataqa Moiséswanmi Tayta Dios wilakasirqan. Kuyapäkuq kayninta y rasunpa kaq wilakuynintami isanqa Jesucristuwan tantiyasimashkansi.

Lucas 24:49

Qamkunamanmi kachamushaq Taytä promitishqan Espíritu Santuta. Isanqa Jerusalénlacho shuyaraykäyay munayninta chaskiyashqaykiyaq>>.

Salmo 119:43

Yanapaykalämay palabraykita imaypis wilakunäpaq. Nishqaykikunamanmi yärakü.

1 Pedro 2:10

Nawpataqa manami Diospa wamransu kayarqayki. Kananmi isanqa wamrankunana kaykäyanki. Nawpataqa manami kuyapäyäshurqaykisu. Kananmi isanqa kuyapäyäshushkankina.

Romanos 6:17

Nawpataqa jusalikuymi qamkunapapis patronniki karqan. Kananqa Jesucristupa wilakuyninta lapan shonquykiwan chaskikush karmi Jesucristupa munayninchöna kaykäyanki. Saymi Tayta Diosta agradëcikü.

Hechos 1:4

Apostolninkunawan kaykashpanmi Jesús nirqan: <

Juan 15:26

<

Hechos 13:26

<

Juan 6:27

Pachalaykipaq aruyänaykipa trukanqa imayyaqpis kawasikuq mikuyta tariyänaykipaq aruyay. Say mikuytaqa Runapa Surinmi kamaripäyäshunki. Saypaqmi Tayta Dios kachamush>>.

Lucas 11:13

Qamkuna yaqa kaykarpis wamraykikunata ali kaqlata qaraykäyaptikiqa ¿manasuraq jana pasacho kaykaq Taytaykipis manakuq kaqman Espíritu Santuta kachamunqa?>>

Apocalípsis 7:2

Paykunami munayyuq kayarqan kay pasatapis lamartapis castigayänanpaq. Saynöpis rikarqä inti yarqamunan kaqpita imayyaqpis kawaq Tayta Diospa sëllun aptash juk ángel shamuykaqta. Say angilmi pasapa kuchunkunacho kaykaq chusku angilkunaman sinchipa qayakur

Santiago 1:18

Kikin munashqannölami ali wilakuyninwan mushuq kawayta qomashkansi lapan kamashqankunapitapis mas kuyay wamrankuna kanansipaq.

Hebreos 2:3

¡imajinanparaq castigamäshun salvamänansipaq kaq wilakuyta mana cäsukushqaqa! Say wilakuytami Señor Jesucristo puntata wilakurqan. Saypitanami wilakushqanta wiyaqkuna noqansita wilamashkansi.

2 Timoteo 3:15

Saynöpis musyankimi wamra kashqaykipita pasa Tayta Diospa palabranta yachasiyäshushqaykita. Diospa palabranmi tantiyasishushkanki Jesucristuman yärakur salvakunaykipaq kashqanta.

2 Timoteo 2:15

Tayta Diospa shonqunpaqno wilakuyninta shumaq yachasiy. Ali yachasirqa ali arupakuq mana penqakushqannömi qampis penqakunkisu.

Efesios 4:21

Jesucristupa ali wilakuyninta rasunpaypa chaskikush kaykarqa y pay munashqanno kawayänaykipaq yachakuykarqa

2 Corintios 6:7

Diospa wilakuyninta wilakuyä y pay yanapäyämaptin imatapis alita rurayä. Conträ sharkuyaptinpis pay munashqanno alilatami rurayä.

Juan 3:33

Chaskikuqkunami isanqa Tayta Diospa wilakuynin rasun kaqla kashqanta tantiyayan.

Santiago 1:21

Mana ali ruraykunatapis y imayka viciukunatapis kachariyay. Wilakuyninta shonquykikunaman Tayta Dios murush kaykaptinqa wilakuyninta shumaq cäsukuyay. Paypa ali wilakuyninqa salvayäshunaykipaq munayyuqmi kaykan.