Efesios 1:11 - Tayta Diospa Wilakuynin

¹¹ Kikin yarpashqanno lapantapis ruraq karmi noqansitapis Jesucristucho kaptinsi Tayta Dios destinamashkansi herenciansita chaskinansipaq.

Efesios 1:11 Referans Kwoze

Romanos 8:28

Musyansimi ima päsaptinpis Tayta Diosta kuyaqkunapaqqa lapanpis ali kananpaq kashqanta. Paykunataqa Tayta Dios qayarqan kikin munashqanno kananpaqmi.

1 Pedro 1:4

Gloriaman charnami Tayta Dios shuyaraykäsimashqansi herenciata chaskishun. Say herencia manami imaypis ushakanqasu, ismunqasu ni elaqanqasu.

Efesios 1:14

Espíritu Santuta qomashpansimi Tayta Dios musyasimansi herenciansita qomänansipaq kashqanta y wamran kanansipaq rantimashqansita. Sayno salvamashqansipitami imaypis payta alabashun.

Efesios 3:11

Sayno tantiyaykäyan Tayta Dios unaypita pasa yarpashqanno Señor Jesucristo noqansi rayku wanush kaptinmi.

Efesios 1:5

Kuyamashpansimi kikin munashqanno destinamarqansi Jesucristo kayninpa wamran kanansipaq.

Gálatas 3:18

Saymi Moisés qelqashqan leykunata cumplishqansipitasu salvacionta chaskinsi, sinöqa Abrahamta promitishqanta Tayta Dios cumpliptinmi. Moisés qelqashqan leykunata cumplishqansipita salvakunansipaq kaptinqa Tayta Dios promitishqanpis walälapaqmi kanman karqan.

Hebreos 6:17

Saymi Tayta Diospis Abrahamta promitishqanta cumplinanpaq jurarqan. Sayno jurarqan imaypis cumplinanpaq kashqanta musyanansipaqmi.

Tito 3:7

Jusayuq kashqapis dembaldilami perdonamashkansi herenciansita chaskir paypa nawpancho imayyaqpis kawanansipaq.

Romanos 8:17

Tayta Diospa wamran karmi pay promitishqan herenciata Jesucristo chaskishqanno noqansipis chaskishun. Imano nakarpis Jesucristuman yärakurqa paywanmi gloriacho kawashun.

Colosenses 1:12

y imaypis kushish agradëcikuyänaykipaqmi. Paymi salvamashkansi lapan salvashqan kaqkunawan herenciansita chaskir gloriacho kawanansipaq.

Colosenses 3:24

Musyayankimi Señor Jesucristupita gloriacho herenciata chaskiyänaykipaq kashqanta. Señor Jesucristumi rasunpa kaq patronniki kaykan.

Hechos 26:18

Nishqäkunata wilaptikimi runakuna tantiyakur sakäpakushno kawayashqanpita asikyaqchönöna kawayanqa. Satanáspa munaynincho kawayashqanpita Tayta Diospa makinchöna kawayanqa. Noqaman yärakayämaptinmi jusalikuyashqanta perdonashaq. Saynöpami salvash kaqkunawan Tayta Diospita herenciata chaskiyanqa>.

Hechos 20:32

[Wawqikuna,] kananqa kuyapäkuq Tayta Diospa makinmanmi qamkunata kachaykü. Paypa wilakuynin munayyuqmi kaykan shumaq tantiyasiyäshunaykipaq. Saynöpami lapan salvash kaqkunawan juntu herenciata chaskiyanki.

Hechos 2:23

Sayno kaykaptinpis qamkunami Jesústa prësu sarirkur Diosta mana cäsukuq runakunapa makinman churayashkanki crucificaypa wanusiyänanpaq. Sayno kananpaq kashqantaqa unaypita pasami Tayta Dios nirqan.

Hechos 4:28

Sayno kananpaq unaypita nishqaykinölami lapantapis rurayarqan.

Jeremías 32:19

Qam yarpashqaykikunaqa mana atipaypaqmi. Lapan rurashqaykikunapis seqaypa alimi. Rikaykankimi runakuna imata rurayashqantapis. Saymi rurayashqanman tupu yanapanki o castigankipis.

Salmo 37:18

Tayta Dios munashqanno kawaq runakunataqa mana kachaypami rikan. Paykuna chaskiyänanpaq kaq herencianqa imaypis manami ushakanqasu.

1 Pedro 3:9

Runa mayiki chikiyäshuptikipis ama chikiyankisu. Ashliyäshuptikipis ama ashliyankisu. Bendicionta chaskiyänaykipaq Tayta Dios akrayäshushqaykita musyaykarqa chikiyäshuqnikikunapis bendicionta chaskiyänanpaq Tayta Diosta manakuyanki.

Romanos 11:34

Tayta Dios yarpashqankunata ¿pilaqa musyansuraq? Yachaq kananpaq ¿pilaqa payta yachasinsuraq?

Zacarías 6:13

Templüta sharkasiptinmi rey kananpaq churayanqa. Trönunman jamaykur mandaptinmi mandäsinanpaq nawpanman juk cürapis jamakunqa. Paykunaqa ishkanpis say yarpaylami kayanqa.

Jeremías 23:18

<

Isaías 28:29

Lapanta mandaq Tayta Diosmi say yarpaytaqa qomashkansi. Paypa yachasikuyninqa espantaypaqmi kaykan. Pay yachashqanmanqa manami imapis tinkunsu.

Isaías 5:19

Paykunaqa nikäyan: <>.

Deuteronomio 4:20

Egiptucho pasaypa nakayashqaykipitami Tayta Dios jorqayämushurqayki paypa herencian kayänaykipaq. Saynölami kanan herencian kaykäyanki.

Proverbios 8:14

<

Santiago 2:5

Kuyay wawqi panikuna, wiyayämay. ¿Manaku Tayta Dios pobrikunata akrash wakin runakunapita payman mas yärakuyänanpaq y mandashqancho imayyaqpis kawayänanpaq? Sayno kawayänanpaqmi kuyaqninkunata promitirqan.

Efesios 1:8

Seqaypa kuyapämashpansimi y yachayta qomashpansimi

Job 12:13

Tayta Diosqa mas yachaq y munayyuqmi kaykan. Paypitami yachaytapis tantiyakuytapis chaskinsi.

Job 33:29

<

Isaías 25:1

Tayta Dios, qamlami Diosnï kaykanki. Pipis mana rurashqanta rurashqaykipitami jutikita joqarir imaypis alabashayki. Unaypita pasa promitishqaykita imaypis cumplinkimi.

Hechos 13:48

Sayno parlayashqanta wiyarmi mana Israel runakuna kushikur Tayta Diosta alabayarqan. Saynöpami mana ushakaq kawayta tariyänanpaq Tayta Dios akrashqankuna lapanpis Jesucristuman yärakuyarqan.

Romanos 8:29

Unaypita pasa reqirmi destinarqan Surin Jesucristuno kayänanpaq. Saynöpami Jesucristo kaykan lapan yärakuqkunapa mayor wawqin.

Romanos 8:30

Destinashqan kaqkunatami Tayta Dios qayarqan. Qayashqan kaqkunatami perdonarqan. Perdonashqan kaqkunatanami gloriaman pushanqa.

Romanos 9:11

Manaraq yuriyaptinmi Rebecata Tayta Dios nirqan: <>. Payta sayno nirqan say milishkuna alita y mana alita manaraq rurayaptinmi. Manami alita rurashqanpitasu Tayta Dios pitapis akran, saypa trukanqa kikin munashqan kaqtami.

Efesios 1:9

runakuna mana musyayashqanta Tayta Dios musyasimashkansi.

Efesios 1:18

Shonquykikunacho sayno tantiyasiyäshuptikimi musyayanki Tayta Dios qayashushpayki imapaq salvayäshushqaykita, seqaypa ali herenciata chaskiyashqaykita

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.