Daniel 5:29 - Tayta Diospa Wilakuynin

²⁹ Sayno wilaptinmi Belsasarqa yanapaqninkunata nirqan granäti mödanata Danielta jatipäyänanpaq y qoripita rurash walqatapis walqapäyänanpaq. Saynöpis paywan juntu mandananpaqmi churarqan.

Daniel 5:29 Referans Kwoze

Daniel 5:16

Qampaqmi wilayämash aja tantiyaypaq kaqkunatapis tantiyashqaykita y mayjina aja kaptinpis shumaq arreglashqaykita. Saymi manakü tapiacho qelqaraykaqta liyir imapaq kashqantapis tantiyasimänaykipaq. Tantiyasimaptikiqa granäti mödanatami jatipäshayki. Saynöpis qoripita rurash walqatami walqapäshayki. Nirkurmi mandashqä nacioncho noqawan juntu mandanaykipaq churashayki>>.

Daniel 5:7

Saymi brüjukunata, qoyllar estudiaqkunata y rikakuqkunata qayaykasir rey nirqan: <>.

Proverbios 1:9

Paykuna tantiyasiyäshushqaykiqa kuyaylapaq corönano y kuyaylapaq walqanömi kaykan.

Daniel 2:48

Saypitanami imaykatapis qararkur Danielta rey churarqan intëru Babilonia provinciacho gobernador kananpaq. Saynöpis yachaq runakunapa mandaqnin kananpaqmi churarqan.

Daniel 6:2

2 (3) Say mandäsiqninkuna imata ruraykäyashqantapis rikayänanpaqmi kimsa ministrukunata churarqan. Say kimsanpitami juk ministru Daniel karqan. Say ministrukunami mandäsiqnin runakunata imatapis rey nishqanta rurasiyaq.

Génesis 41:42

Sayno nirmi Faraón sëlluyuq sortïjanta makinpita jorqurir Joséta jatiparqan. Nirkurmi yanapaqnin runakunata nirqan lïnupita rurash fïnu mödanata jatiparkur qoripita rurash walqata walqapäyänanpaq.

Ester 10:3

Mardoqueutami rey Asuero churarqan lapan mandäsiqninkunapitapis mas munayyuq kananpaq. Saynöpis favornin sharkushqanpitami Mardoqueuta Israel mayinkuna maysaychöpis respitayaq.