Daniel 5:12 - Tayta Diospa Wilakuynin

¹² Paypa jutin Daniel kaptinpis papänikimi trukasirqan Beltsasar jutin kananpaq. Danielqa imatapis shumaq tantiyakuq karmi runakuna sueñuyashqan imapaq kashqantapis musyan. Saynölami ima aja kaptinpis shumaq arreglananpaq tantiyan. Payta qayasimuy tapiacho qelqaraykashqan imata nikashqantapis tantiyasishunaykipaq>>.

Daniel 5:12 Referans Kwoze

Daniel 6:3

3 (4) Wakin ministrukunapitapis mas tantiyakuq Daniel kaptinmi rey yarparqan lapan nacionta mandäsinanpaq.

Daniel 5:14

Qampaqmi wilayämash dioskuna shumaq yanapäyäshushqaykita. Sayshi shumaq tantiyaptiki imapis qampaq ajasu.

Daniel 1:7

Paykunapa jutinta Aspenaz trukasirmi Danielpa jutinta trukasirqan Beltsasar kananpaq, Ananíaspa jutinta trukasirqan Sadrac kananpaq, Misaelpa jutinta trukasirqan Mesac kananpaq y Azaríaspa jutintana trukasirqan Abed-nego kananpaq.

Daniel 5:16

Qampaqmi wilayämash aja tantiyaypaq kaqkunatapis tantiyashqaykita y mayjina aja kaptinpis shumaq arreglashqaykita. Saymi manakü tapiacho qelqaraykaqta liyir imapaq kashqantapis tantiyasimänaykipaq. Tantiyasimaptikiqa granäti mödanatami jatipäshayki. Saynöpis qoripita rurash walqatami walqapäshayki. Nirkurmi mandashqä nacioncho noqawan juntu mandanaykipaq churashayki>>.

Proverbios 12:26

Ali runaqa runa mayinta shumaqmi tantiyasin. Mana ali runami isanqa lutan ruraykunaman jitarpun.

Daniel 4:8

8 (5) Saypitanami Daniel chämurqan. Paypa jukaq jutinmi kaykan Beltsasar. Sayno jutinta churapashkä adorashqä diospa jutin kashqanno kananpaqmi. Payta lapan dioskuna yanapäyaptinmi imata sueñushqätapis wilar nirqä:

Salmo 16:3

Kay pasacho munashqaykino kawaq santu runakuna rasunpaypami ali runakuna kaykäyan. Paykunapita lapan shonqüwanmi kushikü.

Proverbios 17:27

Shumaq tantiyakuq runaqa manami aläpa parlakunsu. Yachaq runaqa ima kaptinpis upälakunmi.

Colosenses 1:29

Sayno kananpaqmi Jesucristo munayninwan yanapämaptin imano nakarpis wilakur puriykä.

Daniel 4:19

19 (16) Sayno wilashqä mansariypaq kaptinmi Beltsasar jutiyuq Daniel juk hörano pasaypa chiyakash wiyaräkurqan. Saymi nirqä: <>. Sayno niptïmi Daniel nimarqan: <

Ezequiel 28:3

¿Danielpitapis mas musyaq yachaqsuraq kanki? ¿Aja tantiyay kaqkunatapis lapantasuraq tantiyanki?

Daniel 2:26

Sayno niptinmi Beltsasar jutiyuq Danielta Nabucodonosor tapurqan: <<¿Rasunpaku qam wilamanki imata sueñushqätapis y imapaq say suëñu kashqantapis?>> nir.

Daniel 1:17

Say chuskun maqtakunata Tayta Dios yachayta qormi yanaparqan Babilonia runakuna qelqayashqan röllukunata liyiyänanpaq y yachasishqankunata shumaq yachakuyänanpaq. Saynöpis Danielta yanaparqan pipis revelación chaskishqanta tantiyananpaq y runakuna imapaq sueñuyashqantapis musyananpaq.

Daniel 6:4

4 (5) Sayta musyaykurmi wakin ministrukuna y mandäsiqkuna Danielpa contran sharkuyashpan ima achäquilatapis ashiyarqan imatapis jitapäyänanpaq. Sayno kaptinpis Danielqa cäsukuq karmi imatapis lutantaqa rurarqansu ni qelanarqansu. Saymi imatapis jitapayta kamäpakuyarqansu.