Daniel 3:5 - Tayta Diospa Wilakuynin

⁵ Imay hörapis cornëta, këna, taksha arpa, guitärra, jatun arpa, zampöña y mas wakin instrumentukunapis waqamushqanta wiyar juk yarpayla lapayki rey Nabucodonosor ichisishqan monumentuta adorayänaykipaq qonqurpakuyanki.

Daniel 3:5 Referans Kwoze

Daniel 3:15

Kananqa cornëtata, kënata, taksha arpata, guitärrata, arpata, zampöñata y wakin instrumentukunatapis tukamuqta wiyayashpayki jukla qonqurpakuykur rurasishqä monumentuta adorayay. Mana adorayaptikiqa fiyupa waylaykaq jornumanmi qaykasiyäshayki. Sayno ruraptï ¿ima diosraq salvayäshunki?>>

Daniel 3:10

Qammi ordenashkanki cornëtata, kënata, taksha arpata, guitärrata, arpata, zampöñata y mas wakin instrumentukunatapis tukamuqta wiyayashpan qoripita rurasishqayki monumentupa puntanman qonqurpaykur lapanpis adorayänanpaq.

Daniel 3:7

Órden mansariypaq kaptinmi instrumentukuna waqamushqanta wiyar intëru markakunapita y nacionkunapita shamuq runakuna ima idiömata parlaq karpis qonqurpakuykur rey Nabucodonosor ichisishqan qori monumentuta adorayarqan.

Daniel 2:46

Sayno niptinmi rey Nabucodonosorqa urkunpis pasaman töpashqanyaq Danielpa puntanman qonqurpakuykurqan. Nirkurnami ordenarqan saki mikuy ofrendakunata payta entregayänanpaq y inciensuwan qoshnisiyänanpaqpis.

Salmo 115:4

Runakuna adorayashqan ïdulukunaqa qorilapita y qellaylapitami kaykäyan. Saykunataqa runakunalami rurayan.