Cantares 5:13 - Tayta Diospa Wilakuynin

¹³ Qaqlanpis mushkuq waytakuna waytaraykaq huertanömi. Shiminpis liriu waytapita mïrra perfümi jutuykaqnömi.

Cantares 5:13 Referans Kwoze

Cantares 1:10

Zarcïlluykita jatikurkuptikiqa qaqlaykipis kuyaylapaqmi. Perlasyuq walqaykita walqakurkuptikiqa kunkaykipis kuyaylapaqmi.

Cantares 6:2

Kuyaynïqa huertanmanmi urash. Mushkuraykaq wayta huertanmanmi yaykush. Huertakuna kaqcho mikunanpaqmi aywash. Saychömi liriu waytakunata palanqa.

Cantares 2:1

Saróncho rösa waytami noqaqa kaykä. Pampacho winaq liriu waytami kaykä.

Apocalípsis 21:23

Kikin Tayta Dios y Carnish asikyapaptinmi intipis ni killapis kanqanasu.

Lucas 4:22

Sayno niptinmi runakuna kushikuyashpan niyarqan: <<¡Payqa shumaqmi parlan! ¿Manaku Josépa surilan kaykan?>>

Isaías 50:6

Runakuna astayämänanpaqpis waqtätami kamapashkä. Shapräta achur ushayaptinpis manami rimakushkäsu. Ashlir toqapäyämaptinpis manami qaqläta sapakushkäsu.

Cantares 5:5

Pasaypa kuyarmi jinan höra sharkurqä punkuta kichapänäpaq. Makïpitapis dëdükunapitapis mïrra perfümimi punkupa trancanmanpis juturqan.

Cantares 4:11

Shimikipis abëjapa mishkinnöraqmi mishkiykun. Musamaptiki abëjapa mishkinwan lichi mishkiqnöraqmi mishkiykun. Mödanaykipis Líbanucho kaykaq muntipa mushkuyninnöraqmi munapaypaq mushkuykun.

Cantares 3:6

Sunyaq jirkapita ¿imataq shamuykan? ¿Imataq qoshtatarraq aywaykämun? Mïrra perfümino, inciensuno y tukuyläya kuyaylapaq perfümikunano ¿imataq mushkuykämun?

Salmo 89:15

15 (16) Kushishqami kawayanqa alabashuqnikikuna. Tayta Dios, paykunaqa nawpaykichömi kawayan.

Salmo 45:2

2 (3) Lapan runakunapitapis mas kuyaylapaqmi kaykanki. Maypis wiyakuy munaymi parlanki. Saymi Tayta Dios bendicionninta qamman imaypis churamun.

Salmo 27:4

Tayta Diosta juklaylatami manakü. Saylatami shonqüpis yarparaykan. Payta manakü waran waran wayincho kanäpaq, kuyakuq kashqanta shumaq tantiyakunäpaq y templuncho payta adoranäpaqmi.

Isaías 50:4

Tayta Diosmi yachasimash lakish kaykaqkunata shakyäsir kushikasinäpaq. Pay nimashqanta tantiyakunäpaqmi cada tuta riyasiman.

Salmo 45:3

3 (4) Shumaq kamaränaykipaq seqlaykiman espädaykita jatikuy. Espädaykiwanran waräwa rikakunki.

Cantares 1:16

Kuyaynï, seqaypa kuyaylapaqmi kaykanki. Kamaraqla karmi munapaypaq kaykanki. Verdiraykaq taqta qewami cämansipis kaykan.