Cantares 1:9 - Tayta Diospa Wilakuynin

⁹ Kuyaynï, Faraónpa carrëtanta qarachaq fïna yëwanömi kuyaylapaq kaykanki.

Cantares 1:9 Referans Kwoze

Cantares 2:13

Hïgus jachakunapis wayuraykäyannami. Üva jachakunapapis mushkuynin mayakaykämunnami. Kuyaynï, jukla sharkur aku aywakushun.

Cantares 2:10

Kuyaynï, jukla sharkuy. Kuyashqä jipash, jukla aywakushun.

Isaías 31:1

¡Wawalaw, Egiptuman ruwakuq aywaqkuna! Qamkunaqa Egipto runakunapa cawallunkunaman, aska carrëtankunaman y cawallun loqash soldädunkunamanmi yärakuykäyanki. Israel runakunapa santu Diosninmanqa manami yärakuyankisu. Tayta Diosta manami tapukuylapis tapukuyankisu.

Cantares 5:2

Punurpis maya mayalami punuykarqä. Sayno punuykashqächömi kuyaynï qayakamuqta wiyarqä. ¡Kuyaylapaq palumita, punkuykita kichapaykalämay! ¡Umäpis shulyatashqami kaykan! ¡Sakay shulya yakumi umäpitapis jutuykan!

Cantares 4:7

¡Kuyaynï, qamqa kuyaylapaqmi kanki! ¡Chaki puntaykipita uma jirkaykiyaq kamaraqlami kaykanki!

Cantares 2:2

Kuyaynï, kashakuna chawpincho kaykaq liriu waytami kaykanki. Qamqa lapan jipashkunapitapis mas kuyaylapaqmi kaykanki.

Cantares 1:15

Selläma kuyaylapaqmi kaykanki, kuyaynï. Maypis kuyaykuy munaymi kaykanki. Nawikipis ishkay palumano kuyaylapaqmi kaykan.

Cantares 6:4

Kuyaynï, qamqa Tirsa markanöpis y Jerusalén markanöpis kuyaylapaqmi kaykanki. Aska soldädukuna pelyaman aywayashqan admiraypaq kashqannömi kuyaylapaq kashqaykipis admiraypaq kaykan.

Cantares 4:1

Selläma kuyaylapaqmi kaykanki, kuyaynï. Maypis kuyaykuy munaymi kaykanki. Nawikipis shukutarashqayki jaku rurincho ishkay palumano kuyaylapaqmi kaykan. Aqsaykipis aska kapishkuna Galaad jirkakunapa pañar puriqnöraqmi kaykan.

1 Reyes 10:28

Salomón kachashqan negociantikunami Egiptupita y Ciliciapita cawallukunata rantiyämuq.

Génesis 50:9

Saymi Joséta walkir carrëtankunawan y cawallunkunawanpis aska runakuna aywayarqan.