Apocalípsis 9:9 - Tayta Diospa Wilakuynin

⁹ Cuerpunkunaqa läta chalëcushnömi karqan. Pajayaptin riprankuna sapsapyashqanpis wiyakarqan carrëtan qarachash cawallukuna guërraman aywaqnöraqmi.

Apocalípsis 9:9 Referans Kwoze

Apocalípsis 9:17

Soldädukunapa chalëcunkunami karqan ninano puka, zafiruno azul y azufrino qarwash. Cawallunkunapa umankunami karqan leonpa umanno. Shiminpitami yarqamurqan ninapis, qoshtaypis y azufripis. Saynömi soldädukunata y cawallunkunata revelacioncho rikarqä.

Job 40:18

Tulunkunapis broncinöraqmi kaykan. Chankankunapis fiërrunöraqmi kaykan.

Job 39:25

Pelyayänanpaq qayakuptinqa masraqmi wijijiyan. Guërracho capitankuna qayaykachäyashqanta y bülla kashqanta karupita wiyarmi selläma löcutan.

Isaías 9:5

5 (4) Guërra manana kaptinnami soldädukuna jatikuyashqan bötaskunatapis rupasiyanqa. Guërracho pelyayashqan yawarlana mödanankunatapis kayayanqami.

Jeremías 47:3

Cawallunkuna patatayla aywayashqan, carrëtakuna taqraräyashqan y ruëdankuna jirurur qachachashqanpis mansariypaqmi wiyakanqa. Sayta wiyarmi runakuna ichipayta mana kamäpakur surinkunatapis kachariykur qeshpikuyanqa.