Apocalípsis 5:9 - Tayta Diospa Wilakuynin

⁹ Paykunami mushuq alabanzata cantar Carnishta alabayarqan kayno nir: <

Apocalípsis 5:9 Referans Kwoze

1 Juan 1:7

Tayta Dios asikyaycho kashqanno noqansipis asikyaycho kawarmi jukninsi jukninsi kuyanakuykansi. Saynöpis Surin Jesucristumi yawarninwan lapan jusansita maylamansi.

Mateo 26:28

Kay vïnuqa Tayta Dios [mushuq] pactuta rurananpaq jichashqä yawarnïmi. Aska runakuna jusankunapita perdonash kayänanpaqmi yawarnïta jichar wanushaq.

Salmo 40:3

3 (4) Sayno yanapämaptinmi mushuq alabanzata cantar Tayta Diosninsita alabaykä. Salvamashqanta rikarmi aska runakuna kushikuyashpan Tayta Diosman yärakuykäyan.

Apocalípsis 14:6

Saypitanami rikarqä juk ángel junishpa pajaykaqta. Paymi mana ushakaq ali wilakuyta apamurqan. Say wilakuy kaykan maysay nación runakunapaq, maysay trïbu runakunapaq, ima idiömata parlaqkunapaq y maysaycho taq runakunapaqmi.

1 Corintios 6:20

Qamkunataqa Tayta Diosmi rantiyäshushkanki. Saymi mana jusalikuypa pay munashqanno kawayänayki.

Apocalípsis 5:12

sinchipa niyarqan: <<¡Runakuna rayku wanusiyashqan Carnish lapanpaq munayyuqmi! ¡Paymi lapan kamashqankunapapis ämun kaykan! ¡Paynöqa manami pipis yachaq kansu! ¡Lapan kawaqkuna payta imaypis alabaykuyäläsun!>>

Apocalípsis 4:11

<>.

Hechos 20:28

Sayno kaykaptinqa cuidä jusalikuyankiman. Mayor wawqikuna kayänaykipaq Espíritu Santu churaykäyäshuptikiqa misikuq runa uyshankunata ali rikashqanno Tayta Diospa iglesianta shumaq rikayanki. Paymi iglesianta rantinanpaq kikinpa yawarninta jicharqan.

Mateo 20:28

Runapa Surinpis manami sirvish kananpaqsu shamush, sinöqa sirvinanpaq y runakuna rayku wanur askaqta salvananpaqmi>>.

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Tito 2:14

Jusalikuypita jorqamänansipaqmi wanurqan. Perdonamashpansimi shuntakamashkansi kuyashqan runakuna kanansipaq y lapan shonqunsiwan imatapis alilata ruranansipaq.

2 Pedro 2:1

Israel nacioncho lula profëtakuna nawpata kayashqannömi qamkunachöpis lutan yachasikuqkuna kayanqa. Paykunaqa Tayta Diospa wilakuqnin tukurmi criyisiyäshushpayki manakaqkunata yachasiyäshunki. Saynölami salvakuq Señor Jesucristutapis ñëgayanqa. Paykunatami Tayta Dios juiciu finalcho elaqpita ushakäsinqa.

Colosenses 1:14

Jesucristumi [yawarninta jichar] rantimashpansi jusansikunata perdonamashkansi.

Efesios 1:7

Kuyapäkuq karmi Surinpa yawarninwan rantimashpansi lapan jusansikunata perdonamashkansi.

1 Juan 2:2

Paymi sacrificiu kash jusansikunata Tayta Dios perdonamänansipaq. Manami noqalansi perdonash kanansipaqsu wanurqan, sinöqa maysaychöpis runakuna perdonash kayänanpaqmi.

1 Corintios 7:23

Tayta Diosmi salvayäshushpayki rantiyäshushkanki. Sayno kaykaptinqa señalakuyänaykipaq niyäshuptiki o ashmay kayashqaykipita yarqukuyänaykipaq niyäshuptiki ama cäsuyaysu. Cäsurqa paykunapa ashmayninno rikakuyanki.

Salmo 149:1

¡Aleluya! Mushuq alabanzata cantar Tayta Diosta alabayay. Pay munashqanno kawaq runakuna shuntakashqancho alabayay.

Salmo 33:3

Mushuq alabanzawan alabayay. Arpata shumaq waqasir kushish cantayay.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.

Apocalípsis 11:9

Kimsa junaq pulanyaqmi maysay marka runakunapis, maysay trïbu runakunapis, ima idiömata parlaq runakunapis y maysay nación runakunapis wanush jitaraykäyaqta rikayanqa. Ayankunatapis pampayänanta manami kachapäyanqasu.

Salmo 144:9

Tayta Dios, mushuq alabanzata cantarmi alabashayki. Chunka cuerdayuq arpata tukapalanpami salmukunata cantar alabashayki.

Salmo 98:1

1 (1b) Mushuq alabanzawan Tayta Diosta alabayay. Paymi espantaypaq kaqkunata rurash. Munayyuq karmi lapan contrankunata vincish.

Salmo 96:1

Mushuq alabanzata cantar Tayta Diosta alabayay. Kay pasacho kaqkuna, lapayki Tayta Diosta alabayay.

Daniel 3:4

Saychömi wilakuq runa sinchipa qayakur nirqan: <

Isaías 42:10

Mushuq alabanzawan Tayta Diosta alabayay. Mayjina karucho taqkunapis payta alabayäsun. Lamar jananpa büquiwan päsaqkunapis alabayäsun. Lamar rurincho kawaqkunapis alabayäsun. Costacho taqkunapis alabayäsun.

Hebreos 11:14

Sayno tantiyarmi jana pasacho kaykaq markaman aywakuyänanpaq shuyakuykäyarqan.

Colosenses 1:23

Nawpanman chänansipaqqa Jesucristuman imaypis yärakushun. Ali wilakuynincho nimashqansita imaypis wiyakushun. Say wilakuytaqa maysaychöpis wilakuykäyanmi. Saynölami noqapis wilakuykä wilakuqnin kanäpaq Tayta Dios akramash kaptin.

Daniel 6:25

25 (26) Saypitanami rey Darío juk leyta qelqarkur apasirqan may markacho y may nacioncho taqkunaman y ima idiömata parlaqkunamanpis. Say leychömi nirqan: <

Daniel 4:1

1 (3.31) Rey Nabucodonosormi maysay markakunaman, nacionkunaman y ima idiömata parlaq runakunamanpis cartakur nirqan: Qamkunacho ali kaway kaykuläsun.

Daniel 5:19

Papäniki munayyuq karmi pitapis munashqan kaqta wanusiq y mana munashqan kaqtana wanusiqsu. Wakintana mas mandaq kananpaq churaq y wakintanami mandaq kashqanpita qarquq. Sayno munayyuq kaptinmi maysay nacionkunacho y lapan markakunacho taq runakuna ima idiömata parlaq karpis payta mansapakuyarqan.

Efesios 5:19

Salmukunata, himnukunata y cörukunata cantar lapan shonquykikunawan Tayta Diosta alabayay.

Apocalípsis 10:11

Mikuskiptïmi nimarqan: <>.

Apocalípsis 13:7

Saynöpis anticristuta Tayta Dios kachaparirqan payman yärakuqkunata atacar vincinanpaqmi. Saymi munaynincho sarararqan maysay trïbu runakunatapis, maysay marka runakunatapis, ima idiömata parlaq runakunatapis y maysay nación runakunatapis.

Apocalípsis 15:3

Tayta Diospa sirviqnin Moisés cantashqanta y Carnish cantashqanta cantarmi niyarqan: <

Apocalípsis 17:15

Nirkurnami ángel nimarqan: <