Apocalípsis 5:8 - Tayta Diospa Wilakuynin

⁸ Chaskirkuptinmi nawpancho kaq chusku kawaykaqkuna y saycho kaq ishkay chunka chusku (24) mayor runakunapis puntanman lätakuykur adorayarqan. Paykuna lapanmi arpankunawan kayarqan. Saynöpis qoripita rurash tazonwanmi inciensuta sararäyarqan. Say inciensu karqan Tayta Diosman yärakuqkuna manakuyashqanmi.

Apocalípsis 5:8 Referans Kwoze

Salmo 141:2

Manakamushqäpis inciensuno nawpaykiman chaykalämusun. Makïta joqarkur ruwakamushqäpis tutapa rupasishqan sacrificiuno kaykuläsun.

Apocalípsis 4:10

say ishkay chunka chusku (24) mayor runakunapis imayyaqpis kawaq Tayta Diospa nawpanman lätakuykur adorayarqan. Corönankunata jorqur Tayta Diospa trönunpa nawpanman churaykuyashpanmi niyarqan:

Apocalípsis 5:14

Sayno alabayaptinmi Tayta Diospa nawpancho kaykaq chusku kawaykaqkuna <<¡amén!>> niyarqan. Saynöpis ishkay chunka chusku (24) mayor runakuna lätakuykur [imayyaqpis kawaq] Tayta Diosta adorayarqan.

Apocalípsis 4:4

Say trönutami tumapararqan ishkay chunka chusku (24) trönukuna. Say trönukunamanmi yuraq mödanash y qori corönan jatish mayor runakuna jamakuyarqan.

Apocalípsis 19:4

Saypitanami trönuncho jamaraykaq Tayta Diosta adorayänanpaq puntancho kaykaq ishkay chunka chusku (24) mayor runakuna y saycho kaykaq chusku kawaykaqkunapis lätakuykur niyarqan: <<¡Amén! ¡Aleluya!>>

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Apocalípsis 4:8

Say chuskun kawaykaqkuna soqta riprayuqmi kayarqan. Saynöpis intëru cuerpunchömi nawinkuna karqan. Say kawaykaqkunami paqaspa junaqpapis niyarqan: <<¡Santu, santu, santu! ¡Lapanpaq munayyuq Tayta Dios santumi kaykan! ¡Payqa unaypita kawaq, kananpis kaykaq y shamunanpaq kaykaqmi kaykan!>>

Salmo 33:2

Chunka cuerdayuq arpata tukapaylapa Tayta Diosta alabayay. Salteriuta tukapaylapa alabayay.

Apocalípsis 15:7

Saymi Tayta Diospa trönuncho kaykaq chusku kawaykaqkunapita juk yarqamurqan. Paymi qanchis angilkunata aypurqan qoripita rurash cöpata. Say cöpakunachömi imayyaqpis kawaq Tayta Diospa rabyaynin junta winaraykarqan.

Apocalípsis 15:2

Saynöpis rikarqä ninawan talush vidriuno lamartami. Say lamar jananchömi Tayta Diosman yärakuqkuna arpankuna aptash ichiraykäyarqan. Say arpakunata Tayta Diospitami chaskiyarqan. Paykuna manami anticristuta chaskikuyarqansu, ni ïdulunta adorayarqansu ni jutinpa nümeruntapis churakuyarqansu.

Juan 5:23

Sayno churamash kikinta adorayashqannöla noqatapis lapan runakuna adorayämänanpaqmi. Saymi noqata mana adoramaq kaqqa Taytätapis adoraykansu.

Salmo 81:2

2 (3) Panderëtakunata tukapalanpa cantashun. Arpatapis salteriutapis waqay waqaytaraq tukapalanpa alabashun.

Salmo 43:4

Saynöpami altarnikiman chaykur arpata tukapaylapa alabashayki. Tayta Diosnilä, qammi shumaq kushikuyta qomanki.

Salmo 150:3

Cornëtata tukapalanpa alabayay. Salteriuta y arpata tukapalanpa alabayay.

Hebreos 1:6

Saynölami japalan Surinta kay pasaman kachamushpan Tayta Dios nirqan: <>.

Números 7:62

Saynöpis junta inciensuyuqtami qoripita rurash cucharonta aparqan. Say cucharón lasarqan chunka siclumi.

Juan 1:29

Saypita waraynin junaq Jesús shamuykaqta rikaskirmi Juan nirqan: <<¡Tayta Dios kachamushqan Carnishmi pay kaykan! Paymi runakunata jusankunapita perdonanqa.

Apocalípsis 4:6

Trönu nawpanpanami kuyaylapaq cristal vidriunöraq lamar rikakarqan. Saynöpis trönu nawpankunapa tumaypami chusku kawaykaqkuna kaykäyarqan. Paykunapami intëru cuerpuncho nawinkuna karqan.

Apocalípsis 5:11

Saypitanami rikarqä yupaytapis mana atipaypaq angilkuna Carnishta alabaykäyaqta. Paykunami trönupa nawpancho, chusku kawaykaqkunapa nawpancho y ishkay chunka chusku (24) mayor runakunapa nawpanchöpis alabar

Apocalípsis 5:12

sinchipa niyarqan: <<¡Runakuna rayku wanusiyashqan Carnish lapanpaq munayyuqmi! ¡Paymi lapan kamashqankunapapis ämun kaykan! ¡Paynöqa manami pipis yachaq kansu! ¡Lapan kawaqkuna payta imaypis alabaykuyäläsun!>>

Apocalípsis 6:1

Saychömi rikarqä röllucho punta kaq laqaraykaq cërata Carnish jorquqta. Jorquriptinmi nawpancho kaq chusku kawaykaqkunapita juknin maqakuynöraq qayakamur nimurqan: <<¡Shamuy!>>

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.