Apocalípsis 5:13 - Tayta Diospa Wilakuynin

¹³ Saynöpis wiyarqä jana pasacho kaykaqkuna, kay pasacho kaykaqkuna, pasa rurincho kaykaqkuna, lamar rurincho kaykaqkuna y lapanpis Tayta Dios kamashqan kaqkuna alabar kayno nikäyaqta: <<¡Trönucho jamaraykaq Tayta Dios y nawpancho kaykaq Carnish imayyaqpis alabash kaykuläsun!>>

Apocalípsis 5:13 Referans Kwoze

Filipenses 2:10

Saymi jana pasacho kaqkuna, kay pasacho kaqkuna y infiernucho kaqkunapis Jesucristuman qonqurpakuyanqa.

1 Crónicas 29:11

Tayta Dios, qamlami lapanpaq munayyuq kaykanki. Qam japalaykita pïmaypis alabaykuläshunki. Lapan contraykikunatami vincinki. Lapanpitapis mas respitashqami kaykanki. Jana pasapis, kay pasapis y lapan imaykapis qampami kaykan. Qampa makikichömi imaykapis kaykan. Lapanpitapis mas munayyuq kaptikimi qamta alabayä.

Apocalípsis 5:3

Sayno niptinpis jana pasacho, ni kay pasacho ni pasa rurinchöpis say rölluta kichananpaq ni qelqarashqanta rikananpaqpis manami pipis karqansu.

Apocalípsis 5:12

sinchipa niyarqan: <<¡Runakuna rayku wanusiyashqan Carnish lapanpaq munayyuqmi! ¡Paymi lapan kamashqankunapapis ämun kaykan! ¡Paynöqa manami pipis yachaq kansu! ¡Lapan kawaqkuna payta imaypis alabaykuyäläsun!>>

Romanos 11:36

Lapantapis Tayta Diosmi kamash. Pay munaptinmi lapan imaykapis kaykan. Lapanpis paylapami kaykan. ¡Imayyaqpis Tayta Dios alabash kaykuläsun! Amén.

1 Pedro 5:11

¡Tayta Dios lapanpaq munayyuq kashqanpita imaypis alabash kaykuläsun! Amén.

Lucas 2:14

<<¡Jana pasacho kaqkuna Tayta Diosta alabaykuyäläsun! ¡Kay pasachöpis Tayta Dios kuyashqan kaqkunapaq ali kaway kaykuläsun!>>

Isaías 42:10

Mushuq alabanzawan Tayta Diosta alabayay. Mayjina karucho taqkunapis payta alabayäsun. Lamar jananpa büquiwan päsaqkunapis alabayäsun. Lamar rurincho kawaqkunapis alabayäsun. Costacho taqkunapis alabayäsun.

Apocalípsis 6:16

Saychömi jirka puntakunata y qaqakunatapis niyarqan: <<¡Janäkunaman juchumuy! ¡Trönucho jamaraykaqpis y Carnishpis fiyupa rabyashqami kaykäyan! ¡Paykunapita pakaykayälämay!

Judas 1:25

Pay japalanmi [yachayyuq] Tayta Dios. Señorninsi Jesucristo noqansi rayku wanuptinmi salvamashkansi. Paymi lapanpaq munayyuq y imayyaqpis rey kaykan. Sayno kashqanpita kananpis, waraypis y imayyaqpis alabash kaykuläsun. Amén.

Romanos 16:27

¡Jesucristupa jutincho Tayta Diosta imaypis alabaykuläshun! ¡Pay japalanmi Dios kaykan! ¡Manami pipis payno yachaq kansu! Amén.

Romanos 9:5

Paykunaqa Abrahampita, Isaacpita y Jacobpita miraqkunami kaykäyan. Jesucristupis Israel aylluchömi yurirqan. ¡Payqa lapanpaq munayyuq Diosmi kaykan! ¡Imayyaqpis alabash kaykuläsun! Amén.

Apocalípsis 5:6

Sayno nimaptinmi juk Carnishta rikarqä. Wanusishno karpis trönu nawpanchömi kawaykar ichiraykarqan. Saynöpis chusku kawaykaqkunapa chawpincho y ishkay chunka chusku (24) mayor runakunapa chawpinchömi kaykarqan. Qanchis waqrayuq y qanchis nawiyuqmi karqan. Say qanchis nawinkunaqa kaykan Tayta Dios kay pasaman kachamushqan qanchis espïritukunami.

Apocalípsis 1:6

Mandamaqninsi rey kashpanmi makincho kanansipaq shuntamashkansi. Saynöpis Papänin Tayta Diosta sirviq cürakuna kanansipaqmi churamashkansi. ¡Jesucristo imaypis alabash kaykuläsun! ¡Pay japalan mandamaqninsi kaykuläsun! Amén.

1 Pedro 4:11

Wilakuyänaykipaq habilidäta chaskish kaykarqa Tayta Diospa wilakuyninta wilakuyay. Wakinta yanapäyänaykipaq habilidäta chaskish kaykarqa Tayta Dios yanapäyäshushqaykiman tupu yanapäyay. Saynöpami Jesucristo kayninpa Tayta Dios lapanchöpis alabash kanqa. ¡Tayta Dios imayyaqpis munayyuqmi! ¡Pay imayyaqpis alabash kaykuläsun! Amén.

Efesios 3:21

¡Iglesian kanansipaq Jesucristo salvamashqansipita lapansi mana ajayaypa imaypis alabaykuläshun! Amén.

Isaías 24:14

Kawaykar quëdaq runakunaqa kushikuyanqami. Tayta Dios imanöpis rurashqanta rikarmi inti jeqanan kaqlächo taqkunapis cantayanqa.

Apocalípsis 5:9

Paykunami mushuq alabanzata cantar Carnishta alabayarqan kayno nir: <

Colosenses 1:23

Nawpanman chänansipaqqa Jesucristuman imaypis yärakushun. Ali wilakuynincho nimashqansita imaypis wiyakushun. Say wilakuytaqa maysaychöpis wilakuykäyanmi. Saynölami noqapis wilakuykä wilakuqnin kanäpaq Tayta Dios akramash kaptin.

Mateo 6:13

Jusalikuyman ama kachaykayälämaysu. Saypa trukanqa mana alikunapita sapaykayälämay. [Qampa makikichömi imaykapis kaykan. Lapanpaq munayyuqmi kaykanki. Imayyaqpis alabash kaykulay. Amén.]> >>

1 Timoteo 4:16

Cuidä jusalikunkiman. Saynöpis cuidä lutanta yachasinkiman. Rasun kaqlata yachasir Tayta Dios munashqannöla imaypis kaway. Sayno kawashpaykimi kikikipis salvakunki y yachasishqaykita chaskikuqkunapis salvakuyanqa.

Juan 1:29

Saypita waraynin junaq Jesús shamuykaqta rikaskirmi Juan nirqan: <<¡Tayta Dios kachamushqan Carnishmi pay kaykan! Paymi runakunata jusankunapita perdonanqa.

Apocalípsis 5:1

Saypitanami trönucho jamaraykaqpa aluq kaq makincho rölluta rikarqä. Say rölluqa jananpa y rurinpami qelqaraykarqan. Qanchis kutimi cërawan kuchun laqararqan.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.