Apocalípsis 21:2 - Tayta Diospa Wilakuynin

² Saynölami [noqa Juan] rikarqä mushuq Jerusalén sagrädu markatapis Tayta Diospa nawpanpita uraykämuqta. Say markami casarananpaq mushuq mödanan jatish jipashno kuyaylapaq kaykarqan.

Apocalípsis 21:2 Referans Kwoze

Hebreos 11:10

Abraham sayno tarqan Tayta Dios sharkasishqan mana ushakaq markaman chänanpaq kashqanta musyarmi.

Apocalípsis 3:12

Imano nakarpis mana ajayaypa yärakamuqkunataqa Diosnïpa templuncho columna kayänanpaqmi churashaq. Saymi mana yarquypa saycho imayyaqpis kayanqa. Paykunamanmi Tayta Diosnïpa jutinta y markanpa jutinta qelqashaq. Say marka jana pasapita shamuq mushuq Jerusalénmi kaykan. Saynölami kikïpa mushuq jutïtapis paykunaman qelqashaq.

Apocalípsis 21:10

Sayno nirmi revelacioncho jatun punta jananman pushamarqan. Saychömi rikasimarqan mushuq Jerusalén sagrädu marka Tayta Diospa nawpanpita uraykämuqta.

Isaías 61:10

Tayta Diosnï yanapämaptinmi kushikuypita shonqüpis asikyarkun. Paymi salvación mödanata jatipämash. Kuyaylapaq mödanänömi ali ruraykunapis kaykan. Casarananpaq shumaq trukakush maqtanömi kaykä. Casaraq jipash kuyaylapaq mödanan jatish kaykaqnömi kaykä.

Hebreos 13:14

Noqansipa markansiqa manami kay pasachösu kaykan. Saypa trukanqa kay pasacho qorpanöla karmi mana ushakaq markataraq shuyakuykansi.

Hebreos 12:22

Qamkunaqa Sión lömaman y jana pasacho kaykaq Jerusalénman chashnönami kaykäyanki. Say markaqa imayyaqpis kawaq Tayta Diospa markanmi. Saychömi yupaytapis mana atipaypaq saysika angilkuna Tayta Diosta kushish alabaykäyan.

Apocalípsis 22:19

Kay librucho qelqaraykaqpita juk yachasikuylatapis jorquyaptinqa Tayta Dios manami kachapanqasu imayyaqpis kawasikuq jachapa wayuyninta mikuyänanpaq. Saynöpis mushuq sagrädu Jerusalén markaman manami yaykuyanqasu ni kay librucho qelqaraykaq bendicionkunatapis manami chaskiyanqasu.

2 Corintios 11:2

Tayta Diosnömi qamkunapaq fiyupa lakikü. Jipash surinta manaraq olqu reqiqta runaman entregayta munashqannömi qamkunatapis Jesucristuman entregayta munaykä.

Isaías 54:5

Kamashuqniki Tayta Diosmi majanpaq shuntashunki. Paypa jutinqa lapanta mandaq Yahwehmi. Payqa imapitapis sapäshunkimi. Israel runakunapa santu Diosninmi kaykan. Saymi pïmaypis musyanqa intëru munduta makincho sararaq Dios kashqanta.

Isaías 52:1

¡Sión, rikchay, rikchay! ¡Shumaq kalpasakuy! ¡Santu Jerusalén marka, kuyaylapaq mödanaykita jatikuy! Diosta mana cäsukuq jäpa runakuna manami imaypis atacayäshunkinasu.

Isaías 62:4

Kacharish kashqaykita niyäshunaykipa trukanqa Tayta Dios fiyupa kuyashushqaykitami niyäshunki. Saynöpis ushakash marka kashqaykita niyäshunaykipa trukanqa Tayta Diospa majan kashqaykitami niyäshunki.

Salmo 87:3

Tayta Diospa markan, qampaqqa ali marka kashqaykitami pïmaypis parlayan. Selah

Apocalípsis 11:2

Templu waqtancho kaykaq patiuta isanqa ama tupumunkisu. Say patiuta kachariykushkä mana cäsukamaq runakuna munaynincho sararäyänanpaqmi. Paykunami chusku chunka ishkay (42) killa sagrädu Jerusalén markata munaynincho sararäyanqa.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

Apocalípsis 1:4

Asia provinciacho kaykaq qanchis iglesiakunacho shuntakaq wawqi panikuna: Noqa Juanmi qamkunaman qelqaykämü. Unaypita kawaq, kananpis kaykaq y shamunanpaq kaykaq Tayta Dios y trönunpa nawpancho kaykaq qanchis espïritukunapis kuyapäyäshushpayki ali kawayänaykipaq yanapaykuyäläshunki.

Apocalípsis 1:1

Kay libruchömi qelqaraykan Jesucristuta Tayta Dios revelashqan. Jesucristumi angilninta kachamur say revelacionta sirviqnin Juanta revelarqan. Sayno revelarmi sirviqninkunata imapis päsananpaqna kaqkunata tantiyasirqan.

Juan 3:29

Majasakänanpaq kaq maqtalami parlakushqan jipashyuqqa. Majasakaq maqta parlashqanta wiyar amïgun kushikushqannölami noqapis kushikü.

Jeremías 31:23

Israel runakunata kuyaq y lapanta mandaq Tayta Diosmi nin: <

Isaías 1:21

Jerusalén marka, Diosta cäsukuq kaykarqa ¿imanöpataq prostitütano rikakushkanki? Prostitüta warmi aska runawan kakushqannömi qampis aska dioskunata sirvishkanki. Nawpataqa leynïkunata cäsukur pïmaytapis yanaparmi kawarqayki. Kananqa wanusikuqmanmi tikrashkanki.

Hebreos 11:16

Markanpaq lakikuyänanpa trukanqa jana pasacho kaykaq mas ali kaq markapaqmi yarparäyarqan. Saymi paykunapa Diosnin kayta Tayta Dios penqakunsu. Say markataqa kamarishlatanami paykunata shuyaraykäsin.

Apocalípsis 21:9

Saypitanami cöpakunawan castïgukunata tikwamuq qanchis angilkunapita juk ángel shamuykur nimarqan: <>.

Apocalípsis 22:17

Santu Espïritupis y Jesucristuwan majasakänanpaq jipashpis <<¡jukla shamuyna, Taytay!>> nikäyanmi. Kay librucho qelqaraykaqkunata wiyaqkunapis <> niyäsun. Yakunaqkunaqa shayämusun. Imayyaqpis kawasikuq yakuta dembaldila upuyäsun.