Apocalípsis 21:12 - Tayta Diospa Wilakuynin

¹² Markatami jatunkaray murälla tumaypa sapararqan. Say murällami karqan chunka ishkay punkuyuq. Cada punkuchömi juk ángel karqan. Saynöpis cada punkuchömi juk juti qelqararqan. Say jutikuna Israelpa surinkunapa jutinkunami kayarqan.

Apocalípsis 21:12 Referans Kwoze

Apocalípsis 21:25

Say markacho pasa mana sakaptinmi imaypis punkunkunata wichqayanqasu.

Isaías 54:12

Rubí rumipitami rikachakuna törrikikunatapis rurashaq. Carbunclo rumipitami punkuykikunatapis rurashaq. Intëru kuchunpa perqa murällaykitapis kuyaylapaq rumikunawanmi perqashaq.

Salmo 122:7

Murällayki rurincho taqkuna kushish kawaykuyäläsun. Palaciuykicho taqkunapis jawkala kawaykuyäläsun.

Isaías 60:18

Wanusinakuypis qamcho mananami kanqanasu. Nacionnikicho ushakäsinakuyänanpa trukanqa jawkalanami kawayanqa. Marka yaykuna punkuykikunapa päsaq runakunapis kushishqami alabayämanqa.

Salmo 51:18

18 (20) Siónta kuyapaykulay. Jerusalénpa murällanta alsaykulay.

Nehemías 12:27

Jerusaléncho sharkasiyashqan murällata inaugurayänanpaqmi levitakunata maysaycho täyaptinpis Jerusalénman qayasimurqan. Sayno qayasimurqan platïllukunata, salteriukunata y arpakunata tukar Tayta Diosta agradëcikur kushikuypita cantayänanpaqmi.

Hechos 26:7

Say promitishqankunata Tayta Dios cumplinanpaq kashqanman yärakurmi chunka ishkay trïbu Israel runakuna paqasta junaqta payta sirviyan. Tayta Agripa, noqapis paykunanöla yärakushqäpitami demandaykäyäman.

Esdras 9:9

Jäpa runakunapa munaynincho kaykäyaptïpis manami yali kachariykayämashkankisu. Kuyapäyämaptikimi Persia nacionpa mandaqnin reykunapis kuyapäyämash. Qammi kalpata qoyämashkanki raqälana kaykaq templuykita alsayänäpaq. Judáchöpis y Jerusalénchöpis qammi chikimaqnïkunapita sapäyämashkanki.

Hebreos 1:14

Saymi angilkunaqa Tayta Diospa mandun ruraqla kaykäyan. Paykunatami Tayta Dios kachamun salvash kaqkunata yanapänanpaq.

Lucas 16:22

Lázaro wanuykuptinnashi Abrahampa nawpanman angilkuna apayänaq. Rïcu runa wanuykuptinnashi pampayänaq.

Lucas 15:10

Saynömi Tayta Diospa angilninkunapis kushikuyan juk runalapis jusalikuykunata wanakur Tayta Dios munashqannöna kawaptin>>.

Mateo 18:10

<

Éxodo 28:21

Say rumikuna kayanqa chunka ishkaymi. Sayno chunka ishkay kayanqa Israelpa surinkuna chunka ishkay kayashqannömi. Cada rumiman juk trïbupa jutinta qelqasinki rumipita rurash sëlluno kananpaq.

Apocalípsis 21:13

Kimsa punkukuna karqan inti yarqamunan kaqläpa, kimsa kaqna norti kaqläpa, kimsa kaqnami sur kaqläpa, kimsa kaqna inti jeqanan kaqläpa.

Apocalípsis 21:15

Noqawan parlaq angilmi qoripita rurash värata aptakurkur say markata, punkunkunatawan murällantapis tupumurqan.

Apocalípsis 22:14

<

2 Crónicas 9:19

Grädakunapa nawpankunachöpis chunka ishkay rurasishqan leonkunami kayarqan. Grädakunapa jukaq kuchuncho karqan soqta leonkuna y jukaq kuchunchönami karqan soqta leonkuna. Manami mayqan nacionpa mandaqnin reypis say trönutanöqa kuyaylapaqtaqa rurasirqansu.