Apocalípsis 21:11 - Tayta Diospa Wilakuynin

¹¹ Say marka Tayta Diospa chipipiyninwanmi chipipirqan. Jaspe rumi niraq y cristal vidriu niraqmi kuyaylapaq karqan.

Apocalípsis 21:11 Referans Kwoze

Apocalípsis 22:5

Say markachöqa pasapis mananami sakanqanasu. Chipipiyninwan Tayta Dios asikyapaptinmi intitapis ni ima aksitapis nistäyanqanasu. Say runakunami imayyaqpis mandayanqa.

Apocalípsis 4:6

Trönu nawpanpanami kuyaylapaq cristal vidriunöraq lamar rikakarqan. Saynöpis trönu nawpankunapa tumaypami chusku kawaykaqkuna kaykäyarqan. Paykunapami intëru cuerpuncho nawinkuna karqan.

Apocalípsis 22:1

Saypitanami ángel rikasimarqan imayyaqpis kawasikuq y kuyaylapaq cristal vidriuno chipipiykaq [chuya] mayuta. Say mayu yarqaykämurqan Tayta Dios y Jesucristo jamaraykashqan trönun chakinpitami.

Ezequiel 1:22

Runa niraqkunapa uman jananpanami fiyupa asikyaykaq espëjunöraq mashtaraykarqan.

Apocalípsis 4:3

Jamaraykaqqa jaspe rumino y cornalina ruminöraqmi chipipiykarqan. Jamakunan trönu jananpami esmeralda ruminöraq chipipiykaq seqyaw ichiraykarqan.

Ezequiel 48:35

Markata tumaypa saparaq perqa murällanqa esqun waranqa (9,000) metrumi kanqa. Say markapa jutinmi imayyaqpis kanqa Tayta Dios Täkunan>>.

Ezequiel 1:26

Runa niraqkunapa janan ciëluchönami zafiro rumipitano rurash trönuta rikarqä. Say trönuchömi juk runa niraq jamaraykarqan.

Isaías 4:5

Nirkurmi yana pukutayta yurisimur Sión lömata y saycho shuntaraykaq runakunata lantupanqa. Say pukutaymi jatun toldu mashtaraykaqno paykunata lantupanqa. Sakaypanami fiyupa asikyaykaq ninata yurisimunqa. Say jananchömi Tayta Diospa chipipiynin rikakämunqa.

Job 28:17

Tantiyakuymanqa ni qoripis ni diamantipis manami tinkunsu. Manami alinnin kaq alhäjawanpis trukayta puëdinsisu.

Apocalípsis 15:8

Jana pasacho kaq templuman Tayta Diospa chipipiynin juntaptinmi qoshnipis juntarqan. Qanchis castïgukunata angilkuna tikwamuyta ushayashqanyaq say templuman manami pipis yaykuyta kamäpakurqansu.

Ezequiel 43:2

Saypitami rikarqä Israel runakunata kuyaq Tayta Diospa chipipiynin inti jeqamunan kaqläpita aywaykämuqta. Jakash mayu qayarashqannöraqmi shamushqan wiyakämurqan. Chipipiyninwanmi kay pasapis fiyupa asikyarqan.

Ezequiel 28:16

Negociuyki ali yarqapäshuptikimi mala mäñata yachakushkanki. Saymi sagrädu jirkäpita qarqushkä. Täpakuq querubinno kaptikipis chipipiykaq rumikuna chawpinpitami qamta qarqushkä.