Apocalípsis 20:12 - Tayta Diospa Wilakuynin

¹² Saynöpis rikarqä lapan wanuq runakuna, yachaqpis mana yachaqpis, Tayta Diospa puntancho ichiraykäyaqta. Saypitanami librukunata kichar Libru de la Vïdatapis Tayta Dios kicharqan. Say librukunata rikaykurmi alita o mana alitapis rurayashqanman tupu runakunata juzgarqan.

Apocalípsis 20:12 Referans Kwoze

2 Corintios 5:10

Jesucristupa nawpanman chaptinsi lapansitami juzgamäshun. Kay pasacho kashqansiyaq alita o mana alita rurashqansiman tupumi premiutapis o castïgutapis chaskishun.

Mateo 16:27

<

Daniel 7:10

Paypa nawpanpitami bunyaypa bunyar nina yarquykarqan. Waranqanpa waranqanpami payta sirviyarqan. Yupaytapis mana atipaypaqmi nawpancho kayarqan. Juzgayta qalaykunanpaqmi librukunata kicharqan.

Eclesiastés 12:14

Tayta Diosqa imanöpis kawashqansiman tupumi juzgamäshun. Pakaylapa rurashqansipitapis juzgamäshunmi.

Apocalípsis 22:12

Jesucristumi nin: <

Apocalípsis 2:23

Paykunapa wamrankunatapis wanusishaqmi. Saynöpami noqaman yärakamuqkuna tantiyakuyanqa runakuna imata yarpäyashqantapis musyashqäta. Noqaqa imanöpis rurayashqanman tupumi pïmaytapis juzgashaq.

Apocalípsis 11:18

Nishqaykita wiyakuyta mana munarmi maysaychöpis runakuna fiyupa rabyanäyarqan. Kananqa kikikimi rabyakur wanushkunata juzganki. Tiempu chämushnami sirvishuqniki profëtakunata y qamman yärakur mansapakushuqnikikunata rïcu kayaptinpis pobri kayaptinpis premiuta qonaykipaq. Runa mayinta wanusiqkunataqa ushakäsinkimi>>.

Jeremías 17:10

Noqa Tayta Dioslami musyä shonquncho runa alita o mana alita yarpashqantapis. Saymi imanöpis kawashqanman tupu pitapis yanapä o castigäpis.

Apocalípsis 3:5

Imano nakarpis mana ajayaypa yärakamuqkunaqa yuraq mödanan jatishqami kayanqa. Paykunapa jutinkunata Libru de la Vïdapita manami börrashaqsu. Taytäpa y angilkunapa nawpanchömi favornin parlashaq.

Apocalípsis 20:13

Say runakunami kayarqan lamarcho wanuqkuna, pamparaqkuna y maysaycho wanuqkunapis. Lapantami rurayashqanman tupu Tayta Dios juzgarqan.

Apocalípsis 21:27

Sayman manami yaykuyanqasu jusasapakuna, lutanta ruraqkuna ni lulakuqkunapis. Sayman yaykuyanqa Libru de la Vïdacho jutinkuna qelqaraykaqkunalami. Say libruqa Carnishpa librunmi kaykan.

Hechos 24:15

Ali runakunatapis mana ali runakunatapis Tayta Dios kawarisimunanpaq kashqanta paykuna criyiyashqannömi noqapis criyï.

Salmo 62:12

12 (13) y kuyapäkuq kashqaykita. Kawashqanman tupumi pitapis juzganki.

Salmo 28:4

Rurayashqanman tupu paykunata juzgaykulay. Jusalikuyashqanman tupu castigaykulay.

Apocalípsis 20:11

Saypitanami rikarqä jatunkaray yuraq trönuncho Tayta Dios jamaraykaqta. Paypa nawpanpitami kay pasapis y jana pasapis elaqaskiyarqan. Mananami mas rikakäyarqannasu.

Apocalípsis 19:5

Sayno niyaptinnami Tayta Dios jamaraykashqan trönunpita kayno nimuqta wiyarqä: <<¡Tayta Diosninsita mansapakur sirviqkuna, rïcu karpis pobri karpis lapayki alabayay!>>

Filipenses 4:3

Wilakuq mayï, qamtapis ruwämi paykunata amistasinaykipaq. Jesucristupa wilakuyninta Clementiwan y wakin wilakuq mayïkunawanpis wilakuptï say warmikuna alimi yanapäyämash. Libru de la Vïdachömi paykunapa jutinkunapis qelqaraykäyan.

Lucas 10:20

Supaykuna wiyakuyäshushqaykipita kushikurpis jana pasacho jutikikuna qelqaraykashqanpita mas kushikuyay>>.

Proverbios 24:12

Musyaykarpis <> niptikipis Tayta Diosqa lapantami musyaykan. Lapantapis musyaq karmi pïmaytapis kawashqanman tupu juzganqa.

Apocalípsis 13:8

Lapan runakunami anticristuta adorayarqan. Say adoraq runakunapa jutinkunaqa Libru de la Vïdacho manami qelqararqansu. Say libruqa wanusiyashqan Carnishpa librunmi kaykan. Say libruta Tayta Dios qelqarqan kay pasata kamashqan wisanmi.

Romanos 2:6

Say junaqqa imanöpis kawayashqanman tupumi lapan runakunata juzganqa.

Jeremías 32:19

Qam yarpashqaykikunaqa mana atipaypaqmi. Lapan rurashqaykikunapis seqaypa alimi. Rikaykankimi runakuna imata rurayashqantapis. Saymi rurayashqanman tupu yanapanki o castigankipis.

Apocalípsis 17:8

Say rikashqayki ichayqa nawpata kawash karpis kananqa manami kawannasu. Sayno karpis wanwanyaykaqpitami yarqamunqa. Nirkurmi ushakanqa. Shamuqta rikarmi runakuna fiyupa espantash rikakuyanqa. Say runakunapa jutinkuna manami Libru de la Vïdacho qelqaransu. Say libruta Tayta Dios qelqarqan kay pasata kamashqan wisanmi.

1 Corintios 4:5

Sayno kaykaptinqa manaraqpis hörancho pitapis ama juzgayaysu. Señor Jesucristo kutimurnami pakaylapa rurashqansikunata y shonqulansicho yarpashqansitapis juzgamäshun. Say höraraqmi ali o mana ali sirviqnin kashqansitapis nimäshun.

Proverbios 24:29

Runa mayiki contrayki sharkuptinpis qamqa ama venganzata ashiysu.

Salmo 69:28

28 (29) Jutinkuna qelqaraykaqtapis Libru de la Vïdapita börraykulay. Ali ruraqkunapa jutinkuna qelqaräyashqan librumanpis jutinkunata ama qelqaysu.

Mateo 11:22

Noqa kaynömi nï: Tiro y Sidón runakunata castigashqanpitapis peormi juiciu final junaqcho Tayta Dios castigayäshunki.

Apocalípsis 20:15

Saymanmi Libru de la Vïdacho jutinkuna mana qelqaraq kaq runakunatapis qaykurirqan.