Apocalípsis 2:3 - Tayta Diospa Wilakuynin

³ Yärakayämushqaykipita nakasiyäshuptikipis mana ajayaypami munashqäno kawaykäyanki.

Apocalípsis 2:3 Referans Kwoze

Hebreos 10:36

Imano nakarpis Tayta Dios munashqanno kawarqa pay promitiyäshushqaykita chaskiyankimi.

Hebreos 12:1

Say unay runakunami yupaytapis mana atipaypaq jiruruparaykämansi. Sayno kaykaptinqa cörriq runa qepinta kachaykuqno lapan jusalikushqansita kacharishun. Yalinakuqkuna chäyänanpaq kaqman cörriyashqanno noqansipis Tayta Dios munashqanno wanushqansiyaq kawashun.

Gálatas 6:9

Sayno kaykaptinqa mana ajayaypa ali kaqkunalata rurashun. Sayno kawashqami Tayta Dios imay karpis premiuta qomäshun.

Colosenses 1:11

Saynöpis manakuykäyä munayninwan yanapäyäshuptiki ima nakaycho karpis mana ajayaypa payman yärakuyänaykipaq

Juan 15:21

Noqa rayku runakuna sayno chikiyäshunki kachamaqnï Taytäta mana reqirmi.

1 Corintios 13:7

Kuyakuq karqa ima kaptinpis perdonansimi. Imaypis criyinsimi, imaypis shuyaransimi y lapantapis awantakunsimi.

Apocalípsis 3:10

<

Hebreos 6:15

Sayno promitiptinmi Abraham mana ajayaypa shuyakur Tayta Dios promitishqanta chaskirqan.

Hebreos 6:12

Saynöpis sayno kawarqa manami qelanäyankipaqsu, saypa trukanqa Tayta Diosman wakin yärakuqkuna kawayashqannömi qamkunapis payman yärakur imaypis kawayankipaq. Sayno kawarqa pay promitishqankunatami chaskiyanki.

Hebreos 6:10

Tayta Diosqa manami qonqanqasu payta kuyar yärakuq mayikikunata yanapaykäyashqaykita.

1 Timoteo 4:10

Sayta tantiyarmi imayyaqpis kawaq Tayta Diosman yärakur imano nakarpis wilakuyninta wilakuykansi. Paymi Jesucristuta chaskikuq kaqtaqa pïmaytapis salvan.

2 Tesalonicenses 3:13

Wawqi panikuna, mana ajayaypa ali kaqkunalata imaypis rurayay.

2 Corintios 4:16

Saymi Tayta Diospa wilakuyninta mana ajayaypa wilakuyä. Awkinyash cuerpunsi lasaptinpis shonqunsichöqa waran waran mas maqtanömi kaykansi.

2 Corintios 4:1

Tayta Dios kuyapäyämashpan wilakuyninta wilakuyänäpaq churayämash kaptinmi conträ sharkuyaptinpis lakikuyäsu.

Romanos 12:12

Tayta Diosta shuyakur kushi kushila kawakuyay. Imano nakarpis payman yärakuyay. Imaypis payta manakuyay.

Romanos 8:25

Mushuqman manaraq tikrarmi imano nakarpis shuyaraykänansi.

Lucas 14:27

Cruzninta apaqno mana qatirämarqa manami discïpulü kayanmansu.

Salmo 37:7

Tayta Diosman yärakur ama lakikuysu. Yanapäshunaykipaq mana ajayaypa shuyakuy. Runa imaykayuqpis rikakuptin ama rabyakuysu. Mana alita rurananpaq yarpachakuptinpis ama cäsupaysu.

Apocalípsis 1:9

Noqaqa Jesucristuman yärakuq mayiki Juanmi kaykä. Qamkunanölami Jesucristo mandaykashqancho kaykä. Nakasiyäshushqaykinölami noqatapis Jesucristuman yärakushqäpita nakasiyäman. Qamkunanölami mana ajayaypa shuyakuykä paypa nawpanman chänäpaq. Tayta Diospa wilakuyninta wilakushqäpita y Jesucristo salvamaqninsi kashqanta wilakushqäpitami Patmos islacho prësu kaykä.

2 Pedro 1:6

Palabranta yachakur mana ali yarpayta vinciyay. Mana ali yarpayta vincir wanuyashqaykiyaq cäsukuyay. Cäsukur Tayta Dios munashqanno imaypis kawayay.

1 Tesalonicenses 1:3

payman yärakur alilata rurayashqaykipita, pïmaywanpis kuyanakuyashqaykipita y imano nakarpis Señor Jesucristo kutimunanta shuyaraykäyashqaykipitami.

2 Corintios 11:23

Paykuna Jesucristupa sirviqnin kayashqanta niyaptinpis noqa masraqmi Jesucristuta sirvï. (Kayno parlarmi löcuno parlaykä.) Maysaychöpis paykunapita masmi wilakushkä. Wilakushqäpita carcilchöpis mas aska kutimi wichqarashkä. Autoridäkunapis yaparir yaparirmi astayämash. Aska kutimi conträkunapis wanusimayta munayash.

2 Corintios 5:9

Saymi kawarpis o wanurpis imaypis yarpachakunsi Tayta Diospa shonqunpaqno kawanansipaq.

Romanos 2:7

Tayta Diospa nawpancho kawayta munar alilata ruraqkunataqa imayyaqpis kawayänanpaqmi gloriaman pushanqa.

Lucas 18:1

Imaypis mana ajayaypa Tayta Diosta manakuyänanpaq discïpulunkunata Jesús imamanpis tinkusiypa yachasirmi

Lucas 8:15

<>.

Hebreos 13:13

Jesucristo sayno nakaykaptinqa noqansipis campamentupita yarqushun. Payta nakasiyashqanno nakasimashqapis o payta jamuräyashqanno jamurämashqapis payman imaypis yärakur kawashun.

1 Timoteo 5:17

Diospa wilakuyninta wilakuq y yachasiq mayor wawqikunata shumaq respitar ali pägayäsun. Saynöla shumaq mandaq mayor wawqikunata respitar pägayäsun.

2 Tesalonicenses 3:8

Dembaldilaqa manami mikuyashkäsu, saypa trukanqa mana afanakuyänaykipaq paqasta junaqtami aruyashkä.

2 Tesalonicenses 3:5

Tayta Dios yanapaykuyäläshunki pay kuyakuq kashqanno qamkunapis kuyakuq kayänaykipaq. Saynöpis yanapaykuyäläshunki imano nakarpis Jesucristuno pacienciakur kawayänaykipaq.

1 Tesalonicenses 2:9

Wawqi panikuna, ¿manaku yarpäyanki qamkuna kaqcho Tayta Diospa wilakuyninta wilakuyänäpaq kikïkuna aruyashqäta? Gastükunapaq yarpachakuyänaykita mana munarmi paqasta junaqtapis pasaypa utikäyashqäyaq aruyashkä.

Filipenses 4:3

Wilakuq mayï, qamtapis ruwämi paykunata amistasinaykipaq. Jesucristupa wilakuyninta Clementiwan y wakin wilakuq mayïkunawanpis wilakuptï say warmikuna alimi yanapäyämash. Libru de la Vïdachömi paykunapa jutinkunapis qelqaraykäyan.

Filipenses 2:16

Salvakunansipaq kaq wilakuyta imaypis cäsukuyay. Saynöpami Jesucristo kutimuptin wilakuyninta alipaq wilapashqäpita seqaypa kushikushaq.

Gálatas 6:2

Jukniki juknikipis shakyäsinakur yanapänakuyay. Saynöpami Jesucristo yachasimashqansi mandamientunta cumpliykäyanki.

2 Corintios 10:15

Juk runa wilakushqancho wilakuyashqäpita alabakuyänäpa trukanqa juk markaman aywar wakin mana Israel runakunatapis wilapaytami munaykäyä. Sayno munarpis Tayta Diosman shumaq yärakuyänaykipaq tantiyasishqäta chaskikuyaptikiraqmi juklächöpis wilakuyäshaq.

2 Corintios 6:5

astayämaptinpis, carcilman wichqayämaptinpis, maqayämaptinpis, utikash wilakurpis y punuyta mikuyta mana tarirpis.

Romanos 16:12

Saynöla salüdüta qoykuyälanki Trifenatawan Trifosata. Say warmikunami Jesucristupa wilakuyninta wilakuqkunata ali yanapaykäyan. Saynöla salüdüta qoykuyälanki paninsi Pérsidata. Paypis Jesucristupa wilakuyninta wilakuqkunata alimi yanapaykan.

Lucas 21:19

Imano nakarpis yärakamarqa salvakuyankimi.

Marcos 15:21

Jesústa crucificayänanpaq apaykäyaptinmi chakrapita kutiykämurqan Simón jutiyuq runa. Payqa Cirene nacionpita y Alejandrupa y Rufupa taytanmi karqan. Paytami Jesús apaykashqan cruzta umrusiyarqan.

Miqueas 7:9

Tayta Diosta rabyanäsirmi jusalikushkä. Saymi castigamaptinpis jina awantakushaq. Nirkurmi perdonamashpan aksiman jorqamanqa. Salvamaptin kushishqami kawashaq>>.

Salmo 69:7

7 (8) Runakuna ashliyämaptinpis qamta kuyarmi upälakushkä. Penqakuylawanmi qaqläpis pukayashqaraq.

1 Tesalonicenses 5:12

Wawqi panikuna, Señor Jesucristupa ali wilakuyninta yachasishuqnikikunata ali rikayay. Paykunami ali pusharäyäshunki y shakyäsiyäshunki Tayta Dios munashqanno kawayänaykipaq.

1 Corintios 16:16

Saymi qamkunata ruwakü paykunata cäsukuyänaykipaq. Saynöla lapantapis paykunano yanapäshuqnikikunata y yachasishuqnikikunata cäsukuyay.

Lucas 5:5

Sayno niptinmi Simón nirqan: <>.